full office name: ZENOBIUS (n1)
edition: AH 13 #100
eccles:$
calendar:?
structure summary: Vespers: A5E
Matins: secular-
Lauds: A5E
2nd Vespers: E
poetic forms: Vespers: $
Matins: v.v3{v3}v3{a,a,ai}vvo{v,v}
Lauds: v5.$
2nd Vespers: .v [”q]
translation:1330
type of saint: bishop
geographical information:F, Italy
notes:bishop
Persons: Zenobi Laurentina Zenobii Zenobio Zenobius Laurencii
Places: Florentina Florencie Florencia Florentinus

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Zenobi qui sacerdos in eternum
existis tua nos translacione
psallentes cordis cum devocione
fac prece regnum scandere supernum
Vespers antiphon 2
Monstrantur magna opera dominica
qui diu terra lumen occultatum
in lucem profert hodie translatum
ex quo patenter pullulant mirifica
Vespers antiphon 3
Diviciis et gloria fulcitur
nunc domus cathedralis florentina
ecclesia detractis laurentina
zenobii dum membris redimitur
Vespers antiphon 4
Quis deo laudes dare possit digne
qui iam quem cum principibus locavit
de terra patris corpus suscitavit
quod nobis elargitur tam benigne
Vespers antiphon 5
Antistes clerus et religiosi
florencie potesta et priores
laudate deum gentes et rectores
pro membris latis patris generosi
Vespers (gospel) special antiphon
O bone pastor
prudens et fidelis
zenobi sancte
decus sacerdotum
translacionis
tue nunc devotum
colentes festum
protege de celis
ne barathri nos
voret mors crudelis
 
Matins I
Zenobii pontificis
translacio colatur
in qua divina canticis
maiestas attollatur
Matins antiphon 1
In suo suum tempore
dans fructum vir beatus
de terra tracto corpore
est hodie translatus
Matins antiphon 2
Transfertur corpus presulis
qui deum est secutus
re predicator utilis
ab eo constitutus
Matins antiphon 3
In deo presul vigilat
in terra soporatus
mirandis signis rutilat
sollemniter translatus
Matins respons 1
Concurrat urbs florencia
nunc ad secunda funera
sui dominatoris
laudis deo decencia
in hoc det festo munera
zenobii pastoris
Matins verse 1
Translatus de ecclesia
levite tunc in altera
quievit salvatoris
Matins respons 2
Heret premente populo
corpus portatum loculo
ulmo gelu siccato
in quolibet ramusculo
florescit arbor patulo
virore sibi dato
Matins verse 2
Quod mortuo corpusculo
superno vivit seculo
vir sanctus demonstrato
Matins respons 3
Templi secus introitum
sacratum corpus positum
inferre nequiverunt
canonicos in numero
ut psallant bis senario
zenobio voverunt
Matins verse 3
In umeris impositum
intrantes depositum
sepulchro tradiderunt
Matins antiphon 4
In pace sanctus dormiens
de tumulo levatur
quod bene rexit presidens
in templo collocatur
Matins antiphon 5
Ad te oramus domine
intellige clamorem
translatique precamine
da nobis celi rorem
Matins antiphon 6
Sub cuius cuncta pedibus
terrena subiecisti
translatum in his edibus
hunc deus posuisti
Matins respons 4
Adsit dulcoris
vis non meroris
cor iucundetur
corpus pastoris
stipatum choris
cum transportetur
Matins verse 4
In salvatoris
templo sonoris
hymnis locetur
Matins respons 5
Thesaurum gratum
terre locatum
plebs reperisti
nunc habes datum
hunc advocatum
quem transtulisti
Matins verse 5
Tuum reatum
per hunc purgatum
sic comperisti
Matins respons 6
Hac florentinus
presul et clerus
die letatur
noster patronus
pastorque verus
cum transferatur
Matins verse 6
Iudex divinus
reis severus
per hunc placatur
Matins antiphon 7
In dei tabernaculo
zenobius quiescit
multiplici miraculo
translatus requiescit
Matins antiphon 8
Preventi iam dulcedinis
in benediccione
cuiuslibet plebs ordinis
psallat translacione
Matins antiphon 9
Portas vestras attollite
canonici florencie
transfertur presul optimus
in vestra nunc zenobius
Matins respons 7
Exultet urbs florencia
laurencii nam filia
dat templo salvatoris
membra quamvis arencia
miraculis nobilia
magnifici pastoris
Matins verse 7
Cum summa reverencia
translata sunt hec lilia
mirifici candoris
Matins respons 8
Qui tuum tabernaculum
ad nostrum domicilium
transferri voluisti
zenobi gubernaculum
sis nobis et auxilium
astando throno christi
Matins verse 8
Ne nobis reciaculum
sit demonis obstaculum
in ista valle tristi
 
Lauds antiphon 1
Hanc domum tuam domine
vocatam tuo nomine
hic decet sanctitudo
translatum tuo tegmine
nam servat hic testudo
Lauds antiphon 2
Peccato nostrum exule
precante sancto presule
translato celebrate
hoc festum florens popule
deoque iubilate
Lauds antiphon 3
Laurenti tua contulit
quem suo ventre protulit
nunc terra fructum suum
hunc o salvator transtulit
ad templum clerus tuum
Lauds antiphon 4
Creata benedicite
creanti laudes dicite
qui suum confessorem
transfert quod dotat licite
ecclesiam maiorem
Lauds antiphon 5
Tam bestie reptilia
quam pisces volatilia
laudate creatorem
qui fecit mirabilia
nam transtulit pastorem
Lauds (gospel) special antiphon
Florendo florens floribus
florencia floresce
translatus nam florescit
zenobius miraculis virescit
hoc ulma sicca
florens innotescit
plebs ergo florens
laude non quiesce
 
2nd Vespers (gospel) special antiphon
O lux et flos florencie
splendoris redolencie
zenobi pastor digne
qui dono tis presencie
condigno reverencie
sic dotas nos benigne
divine nos clemencie
commenda ne sentencie
tradamur post condigne
!Tis [alt: ?]