| |
| |
Vespers (gospel) special antiphon
|
Insignis pater et defensor winnoce
ora pro nobis regem tuum
ut per te in hac nos via dirigat
atque vere lucis deducat in patria
ubi tecum epulemur in leticia
et cum angelis dicamus
/ alleluia
|
| |
Matins I
|
Venite oves pascue
dei et intrate
in gaudia winnoci
qui cum corona gloriam
possidet angelicam
|
Matins antiphon 1
|
Christi miles winnocus
claro stemmate in mundi salute editus
ab infancia in miliciam eleccionis domini migravit
|
Matins antiphon 2
|
Sprevit natalium gloriam
sprevit et patriam
tamquam cum patriarcha abraham audisset egredere de terra et de cognacione tua
|
Matins antiphon 3
|
Adhuc ut totus e mundo avolaret
habitu monachum et animo se fecit
et sub bertino patre onus et iugum domini tulit
|
Matins antiphon 4
|
Spiritus sanctus in humili
winnoci mente quievit
et speciosis signorum
miraculis exaltavit
qui se in evangelicum
parvulum convertit
|
Matins antiphon 5
|
Iam tum etate media ieiuniis et longis senuit vigiliis cum tamen emeritos artus omnium primus omnibus servire coegit
|
Matins antiphon 6
|
Fiebant mirum dictu celitus opera quibus sanctus instabat ipse vero manibus in celum tensis et clauso ostio orabat pater qui est in celis
|
Matins respons 1
|
Bertinus pater christi intuens tironem antiquo hosti concertantem iamiamque vincentem
Evangelice eum ponit ut eat et fructum ferat
|
Matins verse 1
|
Videns etenim in omnibus viis suis iuvenem deduci flamine sancto
|
Matins respons 2
|
Accinxit se in opus manuum athleta precluis
Et cum commilitonibus christo ecclesiam fundavit
|
Matins verse 2
|
Spreta natalium gloria manuum comedebat labores
|
Matins respons 3
|
Constitutus aurigare currum christi vir dei plenus
Exemplo sui subditos in evangelicam traxit vitam
|
Matins verse 3
|
Gradu et merito summus non ministrari sed cum christo delegit ministrare
|
Matins respons 4
|
Dum mirantur in milite claro hac virium inopia
hac operum copia
in cella exploratus lumina et palmas
Celo tensus conspicitur
Et mox mola currens figitur
|
Matins verse 4
|
Propicia deitas athlete sui opus administravit ipse autem psallebat et orabat celo fixus lumina et palmas
|
Matins antiphon 7
|
Non sola autem illum cecitas perculerat sed toto tremulus corpore omnibus caruerat muniis vite medicus autem noster ab integro hominem curavit
|
Matins antiphon 8
|
Quanto clarius virtutibus et signis fulsit
tanto se abieccius tulit
popularem frequenciam fugiens
et per internuncios angelos se celo committens
|
Matins antiphon 9
|
Regum virtus et gloria
tua hec sunt magnalia
quod captivato suo
beatus winnocus apparet
catena cedit liber exit
palus immeabilis
securum vie reddit
|
Matins antiphon 10
|
Tua domine terra
tui sunt qui habitant in ea
per te tui winnoci est beneficium
homo sospes post precipicium
|
Matins antiphon 11
|
Tibi ergo votum
tibi sacramus hymnum
qui inter casum vas
conservas vitreum
nec reversatur oleum
|
Matins antiphon 12
|
Floret nec marcescit
crescit nec senescit
cedrus procera libani
palma winnocus domini
ad cuius ossa dum precatur
mox lux ceco reformatur
senectam uberem
et medelam celerem
|
Matins respons 5
|
Ecce virga ire celestis
in caput pependit presumptoris
Qui protinus in terram ruit
et donum videndi amisit
|
Matins verse 5
|
Ecce winnoce salva tibi sunt secreti tui premia
quod videre indignum fuit
caput iniqui
|
Matins respons 6
|
Dilectam deo animam pietatis
viscera movebant
super virum ope lucis desertum
tunc carus dei fusus humi tura precum celo litat
Cecos orbes cruce signat
et lumine donat
|
Matins verse 6
|
Factusque est exemplum domini pacientis
pro inimicis exorantis
|
Matins respons 7
|
Iam solo autem corpore mundo tenebatur emeritus senex
Spiritu cupiens emigrare
patris in sede siderea faciem cernere
|
Matins verse 7
|
Hoc ore hoc mente lacrimis petebat indefessis
ut vas carneum deponeret
|
Matins respons 8
|
Advenit dies sancto optata winnoco
et dissolutus morte preciosa
Angelorum militante caterva
conscendit celestia
|
Matins verse 8
|
Munitus dominicis sacramentis et reddens spiritum
|
Matins (gospel) special antiphon
|
O winnoce supplices ad te manus tendimus
et te patrem pium et bonum poscimus
ut nos in via qua ambulasti
dirigat per te pietas christi
|
Matins respons 9
|
Qui quondam in tribus pueris ignes babylonicos triumphavit
Ipse inter incendia intactam militis sui glebam irroravit
|
Matins verse 9
|
Cuius enim vere semper flagrarat amore
|
Matins respons 10
|
Ecce preciosus
dei miles winnocus
cum patriarchis exulat
cum apostolis seipsum abnegat
cum martyribus crucem suam baiulat
Cum virginibus agni comitatu tripudiat
|
Matins verse 10
|
Ergo translatus
celi super astra beatus
|
Matins respons 11
|
Cum in hora sancti sacrificii
calix deesset mysteriis
vas vitreum
sed casu contritum
lenta aqua mundatur
Et redintegratum
sacramento aptatur
|
Matins verse 11
|
Vas erat electum
solidat qui vas ita fractum
|
Matins respons 12
|
Te tui coronam winnoci
iesu benignissime poscimus
Ut quomodo nobiscum ipse corpore
in terris
ita spiritu ipsi cohabitemus
In celis
|
Matins verse 12
|
Delectare christe hymnis nostris
et intende precibus coram te fusis
|
| |
Lauds antiphon 1
|
Cum winnocum rex regum mundo iussisset obire et sibi reddi de morte eum preciosiorem reddidit
quantique celis steterit
ad tumbam eius revelavit
|
Lauds antiphon 2
|
Laxis habenis furens ignis et obvia queque peredens mox ut sancti loculo accessit retortus defugit
manus enim dei eum protexit
quem sue amicicie iunxit
|
Lauds antiphon 3
|
Hinc de conflagrata levant ecclesia sanctam incliti corporis glebam quod celica virtus fixit
et dignum tenendis ossibus locum ostendit
|
Lauds antiphon 4
|
Ecce ad tumbam sancti claudus advenit
sospitari peciit
cum esset oratum equavit
imparem gressum surrexit et exilivit
|
Lauds antiphon 5
|
In argumentum fidei qui fusus est sanguinem ostendit
ictum se celitus igneis sagittis dixit
atque rumorem facti sic auxit
|
Lauds (gospel) special antiphon
|
Ave pater pie
ave dux clare
salve dulcedo patrie
salve gaudium plebis tue
fulges ante dei conspectum
tuum prospice populum
sis presens pietate
quibus es presens corpore
tu omnem mancum
tu omnem morbum
tu omnem debilem curas
et nos a labe mentis expedias
|
| |
2nd Vespers (gospel) special antiphon
|
Exultent superne virtutes
exultent omnes celorum cives
exultent et filii
in gloria winnoci patris
o sacerdos angelis at archangelis iuncte
in requie pacis tue
saluti nostre
coram rege regum consule
|
| |
Q $
|
Adesto trinitas alma
tui winnoci recolentibus merita
cuius muneris est
quod orante famulo
mola absque manu vertitur
cecatus speculator luci redditur sepulchri locus inter ignes non aduritur
claudus vadit
conquassatus surgit
de prole ergo gaudeat britannia
tripudiet de patre flandria
exultet una universalis ecclesia
/ alleluia alleluia
|
| |
Vespers antiphon 1.v
|
Christe bone dux gloriosi militis tui winnoci festa sollemni laude prevenimus oramus pii patris precatu ignem viciorum servis amoveas qui ossibus eius nimium furentes amovisti flammas
|
Vespers antiphon 2.v
|
Pater pie preconia nostra suscipe
baculum tue opis porrige
cuius meritis homo diu claudus
repente sanus exilivit
devota plebs hymnum solvit
laus tibi deus
|
Vespers antiphon 3.v
|
Preveni vota tuorum prece sancta precluis pater
lucem veram mentibus confer
te subveniente cecus illuminatur
conditor digne glorificatur
|
Vespers antiphon 4.v
|
Vincula errati solve
mane asta mane viam nostram dirige
qui compedes vincti servi fregisti
securo hostis
per invia paludis
iter dedisti
|
Vespers antiphon 5.v
|
Ferrei nexus franguntur
tuis meritis vincti winnoce solvuntur
expelle hostes
nobis insidiantes
qui corporum depellis languores
|
Vespers respons .v
|
Sancte pater genere clare factus es humilis
ex humili altus celo insigniris
suscipe laudes
quas solvimus tua festa prevenientes
Et qua celi gaudes leticia
pium iesum nobis concilia
|
Vespers verse .v
|
Nobilitans vitam munus adeptus es
summam humilitatis
hac meruisti celi gaudia
illo fer nostrarum precum vota
|
| |
Matins antiphon 1.v
|
Interius animi gloriosa florebat hilaritas
exterius faciei celestis aderat iucunditas
quas semper digno cultu insignibat humilitas
|
Matins antiphon 2.v
|
Spe robustus
dileccione refertus
intentus animum celo
sibi vigilavit
dum regi stirpe ortus
mundi gloriam amori christi postposuit
|
Matins antiphon 3.v
|
Macte dei
virtute fortis athleta
magna et mira celabas
que per te et propter te faciebat alta dignacio et omnipotens potestas
|
Matins (gospel) special antiphon .v
|
O miles domini incola patrie summe leticie precantum votis annue
suscipe cantica atque oratu tuo mali dilue admissa
|
Matins respons 1.v
|
Gloriosus vir winnocus summa sanctitate
cuius tanti stabat promotum eligitur
Tum iuxta id veri atque norme
ecclesie titulis preesse insignitur
|
Matins verse 1.v
|
Clarum sese muniis famulum dederat
ideo ad onus pastoralis cure digne prestabat
|
Matins respons 2.v
|
O quam dulce oratu exemplar sanctitatis
quam pium relatu specimen humilitatis
alto regum sanguine ortus
Semper paracior accelerabat servitum sibi subiectis fratribus
|
Matins verse 2.v
|
Mente humilis sui custos christi assiduus imitator
|
Matins respons 3.v
|
Quanti fuerit meriti quam gloriose militans deo precluis pater winnocus vixerit
post victorie palmam rex regum declaravit
Dum ossa sancti celestibus signis donavit
|
Matins verse 3.v
|
Celestis patrie dignum civem regis summi virtus ostendit
|
Matins respons 4.v
|
Tellus dat iubilos
et celum concinat hymnos
annua festa patris
revehunt pia gaudia nobis
Hunc cui servivit
rex signis nobilitavit
|
Matins verse 4.v
|
Insignem terris
et clarum reddidit astris
|
Matins respons 5.v
|
Pendens vas vitreum
luci servabat olivum
id sonitum fecit
festinant cernere quid sit
Aspiciunt casum
stat lampas servat olivum
|
Matins verse 5.v
|
Ascribunt meritis
patris vas futile sanum
|
Matins respons 6.v
|
Miles christi gloriose
winnoce sanctissime
Tuo pio interventu
culpas nostras ablue
|
Matins verse 6.v
|
Ut celestis regni sedem
valeamus scandere
|
| |
$A
|
Hi sunt tres eternitatis columne
quos trinitas huic providit ecclesie
winnocus oswaldus cum levinna
quorum nos salvent suffragia
|
$R1
|
Summum summe pater te esse fatemur
natum perpetua lege cluentem
flamen iure suo Cuncta gubernans
|
$V1
|
Te trinum loquimur unus haberis
|
$R2
|
Te laudant celi
tellus tibi carmina dicit
Predicat esse suum primum natura parentem
|
$V2
|
Omnia cernis
cuncta tenes racione gubernas
|
full office name: