| |
| |
Vespers antiphon 1
mode: 1d |
Sancte martyr domini olave
pro nobis quesumus apud deum intercede
ut concedat nobis delictorum veniam
vite eterne largiatur premia
|
Vespers antiphon 2
mode: 2d |
Sancte martyr olave
tua deo placita prece
nos semper et ubique protege
|
Vespers antiphon 3
mode: 3e |
Sancte martyr olave
te humiliter deprecamur
ut a peccatorum nostrorum colluvionibus
tuis sacris nos expurges oracionibus
|
Vespers antiphon 4
mode: 4e |
Sancte olave
martyr domini preciose
adesto nostris precibus
pius ac propicius
|
Vespers antiphon 5
mode: 8g |
O beate pater olave
pium dominum iesum pro impietatibus nostris deposce
|
Vespers (gospel) special antiphon
mode: 1d |
Adest dies leticie
laudis adest materia
resultet vox ecclesie
pulset hymnis celestia
martyr insignis hodie
palme ferens insignia
feliciter ex acie
traductus in palacia
per coronam victorie
vera migrans ad gaudia
stolam suscepit glorie
olavus regum gloria
|
| |
Matins I
mode: 2d |
Magnus dominus et laudabilis valde
Qui regis olavi industria
in lateribus aquilonis
fundavit civitatem suam
|
Matins antiphon 1
mode: 1d |
Regnante illustrissimo
rege olavo
apud norvegiam
venerunt illic precones verbi dei
|
Matins antiphon 2
mode: 2d |
Rex autem ille licet gentilis natura benignus erat
et ad honesta queque sequenda quadam mentis ingenuitate promptissimus
|
Matins antiphon 3
mode: 3e |
Hic evangelice veritatis sinceritate comperta ad baptismi graciam devota alacritate convolavit
|
Matins respons 1
mode: 1d |
In regali fastigio constitutus
spiritu pauper erat rex olavus
Ac licet regni negociis implicatus
mentis devote libera contemplacione meditabatur celestia
|
Matins verse 1
mode: 1d |
Sordebat ei omnis vana spes et terreni regni gloria
ac voluptas vilescebat
|
Matins respons 2
mode: 2d |
O quantus fidei fervor
invictissimi martyris pectus accenderat
qui in medio gencium
efferarum constitutus
Non cessabat tamen salutis verbum
cunctis predicare
|
Matins verse 2
mode: 2d |
Multos habebat adversarios
qui vias domini rectas
conabantur evertere
|
Matins respons 3
mode: 3e |
Iustus vero ut leo confidens absque terrore erat et iuxta exemplum sancti iob
Non expavescebat ad multitudinem nimiam nec despeccio propinquorum terrebat eum
Multictudinem [alt: e Reiss]
|
Matins verse 3
mode: 3e |
Offerebat se sponte periculis martyrium suscipere non recusans
|
Matins antiphon 4
mode: 4e |
Purificatus igitur lavacro salutari repente mutatus est in alium virum
|
Matins antiphon 5
mode: 5f |
Consepultus christo per baptismum in mortem in novitate vite religionis quam susceperat
perfectissimus observator ambulabat
|
Matins antiphon 6
mode: 6c |
Cavebat vehementer quicquid fieri lex vetat divina quicquid autem precipit ardentissimo complectabatur affectu
|
Matins respons 4
mode: 4e |
Itaque devotissime perficiens
officium evangeliste
indutus lorica fidei et galea salutis
Circuibat civitates vicos et villas
salutarem doctrinam ubique disseminans
|
Matins verse 4
mode: 4e |
Iesu bone quantos labores sustinuit antequam populum incredulum convertere posset
|
Matins respons 5
mode: 5f |
Confluebant ad baptisma certatim populi et in multis insule partibus
Propter fidelium multitudinem omnis iniquitas opilabat os suum
|
Matins verse 5
mode: 5f |
Confusi erant confidentes in sculptili et numerus credencium augebatur in dies
|
Matins respons 6
mode: 6c |
Florebat fides et ubertim germinabat verbi dei nova plantacio
Fabricandis ecclesiis offerebant dona populi devoti et alacres
|
Matins verse 6
mode: 6c |
Exultabat rex plus quam credi potest iam laboris sui suavissimos fructus pregustans
|
Matins antiphon 7
mode: 7g |
Nec propria salute contentus populos quibus preerat ad fidem convertere vigilanti nitebatur instancia
|
Matins antiphon 8
mode: 8g |
Novo rerum ordine rex apostoli vicem gerens
ipse dux verbi christi graciam passim omnibus predicabat
|
Matins antiphon 9
mode: 1d |
Predicacionis gracia que diffusa erat in labiis eius
plurimos a demonum nefandis cultibus
ad veri dei culturam revocabat
|
Matins respons 7
mode: 7g |
Devenerat martyr christi in locum ubi corpus eius sanctissimum modo requiescit
Huius loci incole
obstinati in malicia
veritatis hostes
erant inexorabiles
|
Matins verse 7
mode: 7g |
Hi ergo collecto exercitu convenerunt in unum adversus dominum et adversus christum eius
|
Matins respons 8
mode: 8g |
Egregius martyr olavus nocte precedente diem passionis splendore amictum contemplatur iesum astantem sibi ac dicentem
Veni care meus tempus est ut laborum tuorum dulcissimos percipias fructus
|
Matins verse 8
mode: 8g |
In admiracione aspectus illius attonitus celeste percepit oraculum
|
Matins respons 9
mode: 1d |
Rex inclitus olavus
martyr domini gloriosus claritate confortatus divine visionis
exultans accessit ad locum passionis
Et per effucionem sanguinis pervenit ad palmam eterne iucunditatis
|
Matins verse 9
mode: 1d |
Felici commercio pro celesti regnum commutans terrenum regem rex videt in decore suo et in salutari regis magna gloria regis
|
| |
Lauds antiphon 1
mode: 1d |
Post mortem martyris aqua mixta sanguine qui de vulneribus fluxerat lavans cecus oculos lumen recepit
|
Lauds antiphon 2
mode: 2d |
Implorata ope martyris dux guthormus cum parva manu ingentem fudit exercitum
|
Lauds antiphon 3
mode: 3e |
Ad sepulchrum sancti pernoctans enormiter contracta mulier integre reddita sanitati leto vultu et alacri animo ad propria remeavit
|
Lauds antiphon 4
mode: 4e |
Adulescens qui lingua precisa loquendi officium amiserat ad sepulchrum martyris veniens recepto usu lingue recessit cum gaudio
|
Lauds antiphon 5
mode: 5f |
Quidam sacerdos truncatis membris ex animis
imploravit opem martyris gloriosi moxque sanctus in somnis ei apparuit
et subito plene sospitati restituit
|
Lauds (gospel) special antiphon
mode: 6f |
Imperator grecus oppressus in prelio et attricius ab exercitu barbarorum
deposcit opem martyris gloriosi cum repente sanctus christianis apparet atque illos precedens insignis signifer hostilem profudit exercitum
|
| |
2nd Vespers (gospel) special antiphon
mode: 3e |
Hodie preciosus martyr olavus
ab inimicis veritatis occisus pro iusticia de castris victor ad aulam regis eterni de bello migravit ad pacem que exuperat omnem sensum
|
full office name: