| |
| |
Vespers antiphon 1
mode: 1d |
Franciscus vir catholicus
et totus apostolicus
ecclesie teneri
fidem romane docuit
presbyterosque monuit
pre cunctis revereri
|
Vespers antiphon 2
mode: 2d |
Cepit sub innocencio
cursumque sub honorio
perfecit gloriosum
succedens his gregorius
magnificavit amplius
miraculis famosum
|
Vespers antiphon 3
mode: 3e |
Hunc sanctus preelegerat
in patrem quando preerat
ecclesie minori
hunc spiritu prophetico
provisum apostolico
predixerat honori
Sanctum [alt: v Mariani sanctus]
|
Vespers antiphon 4
mode: 4e |
Franciscus evangelicum
nec apicem vel unicum
transgreditur nec iota
nil iugo christi suavius
huic oneri nil levius
in huius vite rota
Hoc [alt: v huic]
|
Vespers antiphon 5
mode: 5f |
Hic creaturis imperat
qui nutui subiecerat
se totum creatoris
quidquid in rebus reperit
delectamenti regerit
in gloriam factoris
|
Vespers (gospel) special antiphon
mode: 6f |
O stupor et gaudium
o iudex homo mencium
tu nostre milicie
currus et auriga
ignea presentibus
transfiguratum fratribus
in solari facie
vexit te quadriga
in te signis radians
in te ventura nuncians
requievit spiritus
duplex prophetarum
tuis asta posteris
pater francisce miseris
nam increscunt gemitus
ovium tuarum
Solari specie [alt: v solari facie]
|
| |
Matins I
mode: 2d |
Regi que fecit opera
christo confiteantur
cuius in sancto vulnera
francisco renovantur
|
Matins antiphon 1
mode: 1d |
Hic vir in vanitatibus
nutritus indecenter
divinis charismatibus
preventus est clementer
|
Matins antiphon 1.a
mode: 1d |
Hic vir in vanitatibus
nutritus indecenter
plus suis nutritoribus
se gessit insolenter
|
Matins antiphon 2
mode: 2d |
Excelsi dextre gracia
mirifice mutatus
dat lapsis spem de venia
cum christo iam beatus
|
Matins antiphon 3
mode: 3e |
Mansuescit sed non penitus
in primis per languores
qui captis armis celitus
ad plenum mutat mores
|
Matins respons 1
mode: 1d |
Franciscus ut in publicum
cessat negociari
in agrum mox dominicum
secedit meditari
Inventum evangelicum
thesaurum vult mercari
|
Matins verse 1
mode: 1d |
Deum quid agat unicum
consultans audit celicum
insigne sibi dari
|
Matins respons 2
mode: 2d |
In dei fervens opere
statim ut sua vendit
pauperibus impendere
pecuniam intendit
Que gravi suo pondere
cor liberum offendit
|
Matins verse 2
mode: 2d |
Quam formidante paupere
presbytero recipere
abiectam vilipendit
|
Matins respons 3
mode: 3e |
Dum pater hunc prosequitur
latens dat locum ire
constanter post aggreditur
in publicum prodire
Squalenti vultu cernitur
Putatur insanire
|
Matins verse 3
mode: 3e |
Luto saxis impetitur
sed paciens vir nititur
ut surdus pertransire
|
Matins antiphon 4
mode: 4e |
Pertractum domi verberat
plus cunctis furens pater
obiurgans vincit carcerat
quem furtim solvit mater
|
Matins antiphon 5
mode: 5f |
Iam liber patris furie
non cedit effrenati
clamans se voluntarie
pro christo mala pati
|
Matins antiphon 6
mode: 6f |
Ductus ad loci presulem
sua patri resignat
nudusque manens exulem
in mundo se designat
|
Matins respons 4
mode: 4e |
Dum seminudo corpore
laudes decantat gallice
zelator nove legis
latronibus in nemore
Respondit sic prophetice
preco sum magni regis
|
Matins verse 4
mode: 4e |
Audit in nivis frigore
proiectus iace rustice
futurus pastor gregis
|
Matins respons 5
mode: 6f |
Amicum querit pristinum
qui spretum in cenobio
tunicula contexit
contemptu gaudens hominum
Leprosis fit obsequio
quos antea despexit
|
Matins verse 5
mode: 6f |
Sub typo trium ordinum
tres nutu dei previo
ecclesias erexit
|
Matins respons 6
mode: 6f |
Audit in evangelio
que suis christus loquitur
ad predicandum missis
hoc inquit est quod cupio
letanter his innititur
Memorie commissis
|
Matins verse 6
mode: 6f |
Non utens virga calcio
nec pera fune cingitur
duplicibus dimissis
|
Matins antiphon 7
mode: 7g |
Cor verbis nove gracie
sollicitus apponit
verbumque penitencie
simpliciter proponit
|
Matins antiphon 8
mode: 8g |
Pacem salutem nunciat
in spiritus virtute
vereque paci sociat
longinquos a salute
|
Matins antiphon 9
mode: 1d |
Ut novis sancti merita
remunerantur natis
his nova tradit monita
viam simplicitatis
|
Matins respons 7
mode: 7g |
Carnis spicam contemptus area
franciscus frangens terens terrea
Granum purum excussa palea
summi regis intrat in horrea
|
Matins verse 7
mode: 7g |
Vivo pani morte iunctus
vita vivit vita functus
|
Matins respons 8
mode: 6c |
De paupertatis horreo
sanctus franciscus saciat
turbam christi famelicam
in via ne deficiat
Iter pandit ad gloriam
et vite viam ampliat
|
Matins verse 8
mode: 6c |
Pro paupertatis copia
regnat dives in patria
reges sibi substituens
quo hic ditat inopia
|
Matins respons 9
mode: 6f |
Euntes inquit in eum
qui nutriat vos dominum
iactate cogitatum
sic fratribus erroneum
Precludit et interminum
Callem cupiditatum
|
Matins verse 9
mode: 6f |
Sit curis cor extraneum
non providet in crastinum
in zonis es ligatum
Sic [alt: v sit]
Previdet [alt: v providet]
Novis [alt: v zonis]
|
| |
Lauds antiphon 1
mode: 2d |
Sanctus franciscus previis
oracionum studiis
quid faciat instructus
non sibi soli vivere
sed aliis proficere
vult dei zelo ductus
|
Lauds antiphon 2
mode: 3e |
Hic predicando circuit
et quem non homo docuit
fit doctis in stuporem
virtutum verba loquitur
novumque nova sequitur
milicia ductorem
|
Lauds antiphon 3
mode: 4e |
Tres ordines hic ordinat
primumque fratrum nominat
minorum pauperum+que
fit dominarum medius
sed penitentum tercius
sexum capit utrumque
|
Lauds antiphon 4
mode: 5f |
Doctus doctrice gracia
doctus experiencia
que sunt perfeccionis
hec fratres docet omnia
tam factis quam frequencia
melliflui sermonis
|
Lauds antiphon 5
mode: 6f |
Laudans laudare monuit
laus illi semper adfuit
laus inquam salvatoris
invitat aves bestias
et creaturas alias
ad laudem conditoris
|
Lauds (gospel) special antiphon
mode: 7g |
O martyr desiderio
francisce quanto studio
compaciens hunc sequeris
quem passum libro reperis
quem aperuisti
tu contuens in aere
seraph in cruce positum
ex tunc in palmis latere
et pedibus effigiem
fers plagarum christi
tu gregi tuo provide
qui post felicem transitum
dure prius et livide
glorificate speciem
carnis pretendisti
Dire [alt: v dure]
|
| |
2nd Vespers (gospel) special antiphon
mode: 1d |
Sancte francisce propere
veni pater accelera
ad populum qui premitur
et teritur sub onere
palea luto latere
et sepulto egypcio
sub sabulo nos libera
carnis extincto vicio
|
2nd Vespers (gospel) special antiphon
mode: 8g |
O virum mirabilem
in signis et prodigiis
languores cum demoniis
quoslibet pellentem
dat aurem suis avium
predicans silvestrium
verbis intendentem
o vitam laudabilem
qua fidem sic magnificat
sed et multos vivificat
mortuos defunctus
francisce nos celestium
fac consortes civium
quibus es coniunctus
|
2nd Vespers (gospel) special antiphon .o
mode: 2d |
Salve sancte pater
patrie lux norma minorum
virtutis speculum
recti via regula morum
carnis ab exilio
duc nos ad regna polorum
Forma [alt: v Mariani norma]
|
| |
Matins respons .a1
mode: 1d |
Sex fratrum frater septimus
absorptus luce celitus
futura contemplatur
inter minores minimus
Quis parvi gregis exitus
preclare speculatur
Pater [alt: v Mariani frater]
|
Matins verse .a1
mode: 1d |
Quadrans quoque novissimus
culparum sibi penitus
dimitti revelatur
|
Matins respons .a2
mode: 3e |
Arcana suis reserans
octavum tandem recipit
et ad diversas gentes
binos mittendos federans
Humiliari precipit
et esse pacientes
|
Matins verse .a2
mode: 3e |
Grex procidit obtemperans
pastor erectos suscipit
ad oscula gaudentes
|
Matins respons .a4
mode: 8g |
Regressis quos emiserat
completur bissenarius
fratrum dum confirmando
normam sancto quam scripserat
Iussa dat innocencius
papa de predicando
|
Matins verse .a4
mode: 8g |
In mna franciscus fenerat
quem dati movet racio
de lucro reportando
|
| |
Vespers (gospel) special antiphon .a
mode: 1d |
Plange turba paupercula
ad patrem clama pauperem
hoc lugubre suspirium
pater francisce suscipe
et prode christo stigmata
lateris pedum manuum
ut nobis reddat orphanis
tanti patris vicarium
Plaude (g but plaude really is the H incipit) [alt: v plange]
Ut vobis [alt: v ut nobis]
|
Vespers (gospel) special antiphon .a
mode: 7g |
Celorum candor splenduit
novum sidus emicuit
sacer franciscus claruit
cui seraph apparuit
signans eum charactere
in volis plantis latere
dum formam crucis gerere
vult corde ore opere
|
full office name: