| |
| |
Vespers antiphon 1
mode: 1d |
Iam sancte clare claritas
splendore mundi cardines
mirifice complevit
cuius perfecta sanctitas
in devotas propagines
velocius excrevit
|
Vespers antiphon 2
mode: 2d |
Mundi tocius gloriam
ut christum lucrifaceret
vile quid arbitrata
finibilem leticiam
ne infinitam perderet
semper est aspernata
|
Vespers antiphon 3
mode: 3e |
Hec in paternis laribus
puella sacris moribus
agebat celibatum
quam predocebat unccio
sine magistro medio
cor christo dare gratum
|
Vespers antiphon 4
mode: 4e |
Sacra spirat infancia
magni regis conubia
virtute promereri
moxque francisci studia
sectatur et in gracia
conatur exerceri
|
Vespers antiphon 5
mode: 5f |
Hanc et papa gregorius
fovit et innocencius
patrum more piorum
quam alexander inclitus
ascripsit motus celitus
catalogo sanctorum
|
Vespers (gospel) special antiphon
mode: 8g |
Duce celesti numine
matre favente virgine
clara re clara nomine
spreto nativo sanguine
est in sanctorum lumine
ac beatorum agmine
gloria tibi domine
Spreto paterno limine
spreto [alt: v WE.a1 spreto]
|
Vespers (gospel) special antiphon
|
O decus o gaudium
o virginale lilium
tu iubar ecclesie
gemma claritatis
floridum virginibus
fers speculum prudentibus
specialis glorie
splendor sanctitatis
vite signis radians
in te pie delicians
requievit spiritus
dulcis pietatis
pia mater humilis
clara preclara nobilis
post presentes gemitus
iunge nos beatis
|
| |
Matins I
mode: 2d |
Regi qui carnem induit
sit laus cordis et oris
cuius in clara claruit
perfecti vis amoris
|
Matins antiphon 1
mode: 1d |
Hec una de prudentibus
prefulsit virgo prudens
in annis puellaribus
christo placere studens
Puerilibus [alt: v puellaribus]
|
Matins antiphon 2
mode: 2d |
Excelsi servus virginem
franciscus incitavit
amare deum hominem
quem amor humanavit
|
Matins antiphon 3
mode: 3e |
Cuncta pro christi nomine
contemnens crine tonso
coram altari domine
nubet eterno sponso
|
Matins respons 1
mode: 1d |
Francisci prima plantula
mire fructificavit
in orbe cum discipula
clara quam informavit
Castitatis per secula
cultum multiplicavit
Pia [alt: v Ms prima]
|
Matins verse 1
mode: 1d |
Virgo sub sacra regula
multarum iam preambula
se deo consecravit
|
Matins respons 2
mode: 2d |
In via penitencie
glebas terit membrorum
semen serit iusticie
lucem diffundit morum
Lucratur sic cottidie
thesauros meritorum
Lumen [alt: v lucem]
|
Matins verse 2
mode: 2d |
Cuius ferventer hodie
gressus devote filie
sequuntur exemplorum
|
Matins respons 3
mode: 3e |
Hec paupertatis titulo
pollens intitulata
post christum sine sacculo
currit exonerata
Relicto foris seculo
mens intus est ditata
|
Matins verse 3
mode: 3e |
In paupertatis nidulo
nostri presepis parvulo
pauperi conformata
|
Matins antiphon 4
mode: 4e |
Oblata per gregorium
refutat possidere
nihilque transitorium
cum christo vult habere
|
Matins antiphon 5
mode: 5f |
Parat magistra vasculum
ut oleum queratur
mox vero per miraculum
vas plenum celo datur
|
Matins antiphon 6
mode: 6f |
Hortatur hec ut pauperes
pauperis matris nate
nequaquam sint degeneres
a matris paupertate
|
Matins respons 4
mode: 4e |
A civibus obsidio
removetur ob lacrimas
et preces sancte clare
Dum cinere cilicio
iubet sorores optimas
ad deum exclamare
|
Matins verse 4
mode: 4e |
Oracionum prelio
meretur gentes pessimas
de claustro deturbare
|
Matins respons 5
mode: 5F |
Amica crucis plangere
crucifixum novicias
docet quem ipsa plangit
crux ei digno pondere
Maiores dat delicias
quo maior dolor angit
|
Matins verse 5
mode: 5f |
Hec christi sui munere
morbos atque molestias
fugat dum cruce tangit
|
Matins respons 6
mode: 6f |
Vivens in mundo labili
sponso coniuncta nobili
sursum deliciatur
clausoque carne fragili
tamquam in vase fictili
Thesauro gloriatur
|
Matins verse 6
mode: 6f |
Sic in rota versatili
fulta virtute stabili
cum christo delectatur
|
Matins antiphon 7
mode: 7g |
Cor verbis sapiencie
medullitus apponit
cum predicator gracie
verba vite proponit
|
Matins antiphon 8
mode: 8g |
Trahit de testa nucleum
de littera saporem
de petra sugens oleum
de spina legens florem
|
Matins antiphon 9
mode: 1d |
Format clara discipulas
celesti disciplina
cuius est ad iuvenculas
convictus pro doctrina
|
Matins respons 7
mode: 7g |
Carnis templo soluto spiritus
celos scandit et patet aditus
Benedictus sit talis exitus
multo magis talis introitus
|
Matins verse 7
mode: 7g |
Vivo pani morte iuncta
vita vivit vita functa
|
Matins respons 8
mode: 8G |
De pane pascit unico
turbam sororum pauperum
claret signo mirifico
virtus signorum veterum
Dum cibat ex tam modico
magni conventus numerum
|
Matins verse 8
mode: 8g |
Pro tenui viatico
mensa letatur superum
regno beatur celico
pro vilitate cinerum
|
| |
Lauds antiphon 1
mode: 2d |
Post vite clare terminum
clara cum turba virginum
ad celos evolavit
suum complexa dominum
regnat in regno luminum
quo dominus regnavit
|
Lauds antiphon 2
mode: 3e |
Agnes ad agni nupcias
ad eternas delicias
post claram evocatur
ubi per sion filias
post transitas miserias
eterne iubilatur
|
Lauds antiphon 3
mode: 4e |
Sicut sorore previa
christi passi vestigia
sectatur gaudens cruce
sic dum hec signis rutilat
agnes post ipsam vigilat
deus ad te de luce
|
Lauds antiphon 4
mode: 5f |
Honorat christi dextera
per sanitatum munera
virginis mausoleum
sanat morbos et vulnera
ut benedicant opera
que fecit deus deum
Manu soleum [alt: v Ms mausoleum]
|
Lauds antiphon 5
mode: 6f |
Laudans laudare studeat
in laudem semper prodeat
plebs ista salvatoris
quam tanta ditat sanctitas
non cesset ipsa civitas
a laude conditoris
|
Lauds (gospel) special antiphon
mode: 6F |
Novum sidus emicuit
candor lucis apparuit
lux claritatis adfuit
celi splendor enituit
nam lux que lucem influit
claram clarere voluit
|
| |
2nd Vespers antiphon 1
mode: 6f |
O lumen atque decus quod premonstratur celitus
tu abstinencie forma
tu in precum imperans demoniis
et variis languoribus
in pueri specie ludit iesus tecum
tuque signis radians
in te ventura nuncians
requievit spiritus tuus quo vocata introisti tu nobis o mater clara miseris apud christum
iam succurre quem hic vidisti
|
2nd Vespers antiphon 2
mode: 6F |
O felix assisia
portus salutaris
clara virgo possides
cuius illustraris
signis et prodigiis
velut stella maris
ad te currunt propere
cuncti pacientes
orant et accipiunt
devote petentes
revertuntur prospere
sani congaudentes
|
2nd Vespers antiphon 3
mode: 6F |
O lumen ecclesie
clara virgo et mater rosa paciencie
ebur castitatis
aquam sapiencie
propinasti gratis
veritatis gracie
nos iunge beatis
et sis nostra advocata
apud dominum nostrum iesum christum
|
2nd Vespers antiphon 4
mode: 5f |
Gaude celum terra plaude
dies adest digna laude
plena dies gloria
qua clara virgo antiquum
castitatis inimicum
elisit victoria
pia mater atque bona
tuis sacris precibus
inter ventrix et patrona
sis pro nobis omnibus
|
2nd Vespers (gospel) special antiphon
mode: 5F |
Sara vincis demonia
tobie nubens omnia
rulit intingens
in aceto iob compassa
mundo spreto
anna flens tu samuelem
peperisti israelem
sara ridens concepisti
isaac tu genuisti
tu rebecca prebe haustum
isaac amore haustum
ut tecum intra gaudia
celi fruamur gloria
|
2nd Vespers (gospel) special antiphon
|
Salve sponsa dei
virgo sacra planta minorum
tu vas mundicie
tu previa forma sororum
clara tuis precibus
duc nos ad regna polorum
|
2nd Vespers (gospel) special antiphon .a1
mode: 7g |
Duce celesti numine
matre favente virgine
clara re clara nomine
spreto paterno limine
spreto nativo sanguine
est in sanctorum lumine
ac beatorum agmine
gloria tibi domine
|
2nd Vespers (gospel) special antiphon .a2
|
O virgo clarens vespere
preclaris clara meritis
liga perfecto federe
nos in amore christi
da membra fore capitis
et sensibus et moribus
iesu quem dilexisti
|
2nd Vespers (gospel) special antiphon .a3
|
Clara dei famula
florens rosa primula
puellarum christi
sub francisci cordula
pii patris emula
mundum subegisti
|
| |
Vespers (gospel) special antiphon .a1
|
O clara lux gaudium
o fides vera mencium
tu nostre milicie
spes omnis gracie
nobile collegium
tu sacrum privilegium
lex obediencie
flos consciencie
|
Vespers (gospel) special antiphon .a2
|
Tu nostrum refugium
et beatum subsidium
regula paupertatis
intercede natis
pro nobis ad dominum
beata clara terminum
obtine cum beatis
luce claritatis
|
full office name: