full office name: BARNARDUS (n3)
edition: AH 13 #22
eccles:OSB
calendar:April 23?
structure summary: Vespers: A5E
Matins: IA3R3
Lauds: A5E
2nd Vespers: E
poetic forms: Vespers: oovoo.o
Matins: o.oto{t3}
Lauds: o4t.o
2nd Vespers: .t [”]
type of saint: archbishop abbot
geographical information:Ambronay, France
notes:abbot or abbess
archbishop
Persons: Barnarde Reinoldo Barnardi Barnardus Barnardo Barnardum
Places: Romanensis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Congaudeat ecclesia
summa cum devocione
leta psallens preconia
barnardi translacione
Vespers antiphon 2
Vivens in mundo fundavit
templum istud mirifice
et locum amplificavit
adiacentem magnifice
Vespers antiphon 3
O barnarde pastor pie
aperi tuos oculos
respice nos hodie
ad te clamantes famulos
Vespers antiphon 4
Sicut miles arma sua
custodit a rubigine
sic barnarde ossa tua
preservas a putredine
Vespers antiphon 5
Nam reinoldo precepisti
corpus tuum exhumari
nec non illud mandavisti
honestius collocari
Vespers (gospel) special antiphon
Puerum suum suscepit
israel devotissime
dum barnardi corpus cepit
redolere dulcissime
omnes ergo voce pia
decantemus alleluia
 
Matins I
Translatus est in gloria
pastor noster alleluia
Matins antiphon 1
Ad laudem tui nominis
barnardique sit hec dies
christe pater fons luminis
cunctorum conditor qui es
Matins antiphon 2
Dum thesaurus occultus queritur
puerilis manus conteritur
vino sacro post hec aspergitur
et illesa per cunctos cernitur
Matins antiphon 3
In die translacionis
sanitatis obsequia
data pluribus personis
sunt divina potencia
Matins respons 1
Visione multis apparuit
sacer presul lapsis temporibus
ipsos quoque dulciter monuit
pro levandis ipsius ossibus
Matins verse 1
Finaliter uni de fratribus
beatus vir comminatus fuit
Matins respons 2
Romanensis populus gaudeat
videns patrem suum exaltatum
et patronum sibique studeat
exhibere dignum famulatum
Matins verse 2
Sacerdotum sidus irradiat
quis est homo qui nunc sufficiat
exhibere dignum famulatum
Matins respons 3
O barnarde pater egregie
ad te puris spiramus cordibus
rogantes quod conserves hodie
locum tuum cum habitantibus
Matins verse 3
Festum tuum devote colimus
ut gubernes semper deposcimus
 
Lauds antiphon 1
Indutus fortitudinem
contra malignos spiritus
dat odoris dulcedinem
barnardus presul inclitus
Lauds antiphon 2
Servite in leticia
barnardo nostro presuli
ut impetret cum gracia
salutem sui populi
Lauds antiphon 3
In terra deserta fuit
invia et inaquosa
et per tempora latuit
margarita speciosa
Lauds antiphon 4
Benedicite omnia
opera dei domino
qui barnardum in gloria
posuit sine termino
Lauds antiphon 5
In hoc festo tuba cum tympano
psalterium chorus cum organo
et cithara resonent vocibus
cum cymbalis bene sonantibus
Lauds (gospel) special antiphon
Iusiurandum quod iuravit
hunc se locum servaturum
usque nunc ipse servavit
et servabit in futurum
si pro posse honoremus
eum in hac ecclesia
ergo fratres nunc clamemus
simul omnes alleluia
 
2nd Vespers (gospel) special antiphon
Cum barnardus in alto ponitur
in bracchio fecit potenciam
deus salus egris impertitur
ad presulis laudem et gloriam
et beatum perenniter omnes
dicunt ex hoc generaciones