full office name: BVM, Visitacio (n10)
edition: AH 24 #37
calendar:July 02
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: vggff.v
Matins: v.g3{v,vg,gi}g3{g3}v3{T,T,vi}
Lauds: T5.g
2nd Vespers: .v [”]
type of saint: BVM.V
geographical information:England
notes:BMV:
Persons: Elisabeth Elie Zacharie Gabrielis
Places: Iudee

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Eterni patris filius
mariam concupivit
de sanctorum splendoribus
in matrem introivit
Vespers antiphon 2
Lilium convallium
fragrans in odorem
iter ornat moncium
ferens celi florem
!Fragrans [alt: ?]
Vespers antiphon 3
Paradisus celicum
fructum afferebat
gravide qui puerum
gaudio replebat
Vespers antiphon 4
Lucernam veri luminis
dominus accendit
quo drachmam nostram perditam
salvans apprehendit
Vespers antiphon 5
Conforta mater filios
simul et veracem
tocius ierusalem
ponens fines pacem
Vespers (gospel) special antiphon
Psalterio decachordo
psallit virgo regia
dominum magnificando
qui fecit magnalia
pellens potentes de sede
divina iusticia
servos humiles exaltans
ex misericordia
 
Matins I
Reginam celi glorie
devote collaudemus
matrem misericordie
venite adoremus
Matins antiphon 1
Pater matris filio
singula subiecit
ex infantis gaudio
laudem que perfecit
Matins antiphon 2
Sol in tabernaculo
solus illucescit
dum sponsus in thalamo
sponse requiescit
Matins antiphon 3
Hec est terra domini
quam ipse fundavit
germineque filii
sui fecundavit
Matins respons 1
Elisabeth ut virgini
senectus presentatur
hanc voce venerabili
salutat amplexatur
intacta mater sterili
matri congratulatur
Matins verse 1
In sacris claustris viscerum
precursor puer puerum
messiam protestatur
Matins respons 2
Exultat infans gaudiis
in spiritu elie
cuius mater mirabilis
fit compos prophecie
celi manat deliciis
introitus marie
Matins verse 2
Propter arcam domini
benedixit domui
deus zacharie
Matins respons 3
Benedictam predicat
senex portam spei
unde hoc ut veniat
ad me mater dei
te loquente iubilat
infans ventris mei
Matins verse 3
Beata que credidisti
perficientur que audisti
ecce signum rei
Matins antiphon 4
Stat in regis dextera
glorie regina
vide regis filia
et aurem inclina
Matins antiphon 5
Dei tabernaculum
quod ipse sacravit
ex te vite fluvium
cunctis derivavit
Matins antiphon 6
Florida sterilitas
senex virtuosa
de te dei civitas
dixit gloriosa
Matins respons 4
Laudis cum preconio
cultu singulari
letabatur cantico
suo salutari
cum pudoris lilio
parens absque pari
Matins verse 4
Nam debet ab omnibus
generacionibus
beatificari
Matins respons 5
Christi sanctuarium
spiritus sacrarium
mater pietatis
pregnanti solacium
cognate subsidium
administrat gratis
Matins verse 5
Sic maria nobilis
formam vere singulis
dat humilitatis
Matins respons 6
Digna quam respiceret
cuius concupisceret
dominus decorem
se velut pauperculam
prebet et ancillulam
post matris honorem
Matins verse 6
Nam virgo christifera
graciarum munera
refert in datorem
Matins antiphon 7
Per te mater omnis terra
cantat nova cantica
laudans que perfecit deus
in te mirabilia
Matins antiphon 8
Per te lux est orta iustis
et rectis leticia
sion audit et letatur
cum iudee filia
Matins antiphon 9
Dum cepit virgo salutare
senem piis vocibus
missum suum salutare
notum fecit dominus
Matins respons 7
Felix parens
et puerperium
quibus adest
regina virginum
ibi nequit
esse periculum
ubi salus
que curat seculum
Matins verse 7
Gabrielis
iuxta presagium
tunc est natum
multorum gaudium
Matins respons 8
Gloriosa
celorum domina
sponsa regis
et mater inclita
celi melos
mundi fiducia
nostra clemens
audi precamina
Matins verse 8
Stella maris
occasus nescia
placa nobis
mundi certamina
Matins respons 9
Regalis stirpis virginem
ob sui pulchritudinem
rex summus adamavit
clandestinum conubium
infans per matris uterum
exultans revelavit
Matins verse 9
Ioseph noli metuere
quod natum est a coniuge
de spiritu manavit
 
Lauds antiphon 1
Scandit montes
aurora gracie
luce fulgens
celestis glorie
iustis ferens
solem iusticie
diem monstrat
nove leticie
Lauds antiphon 2
In concursu
matrum cum gaudio
preco parvus
carens eloquio
servus regem
noscens in utero
puer infans
colludit puero
Lauds antiphon 3
Senex plena
celesti munere
rorem fusum
cernens in vellere
flammam ignis
rubum non urere
iesse virgam
clamat florescere
Lauds antiphon 4
Salvatoris
conceptus panditur
virgo pura
mater efficitur
benedicta
predigne dicitur
in qua vite
fructus exoritur
Lauds antiphon 5
Mater pia
plena virtutibus
deum laudat
fervore spiritus
ipsi psallens
cum letis vocibus
quod respexit
ancillam dominus
Lauds (gospel) special antiphon
Redemptor rex israel
venit in virgine
repletur elisabeth
sacro spiramine
prophetat puerulus
in rerum ordine
miranda fit novitas
laus tibi domine
 
2nd Vespers (gospel) special antiphon
Exultat virgo virginum
in deo salutari
confortans semen abrahe
gracia singulari
quod patribus promissum est
in fide regulari
verbum de celo missum est
in radio solari