full office name: BVM, Visitacio (n8)
edition: AH 24 #35
calendar:July 02
structure summary: Vespers: A5RE
Compline: E
Matins: secular-
Lauds: A5E
2nd Vespers: E
poetic forms: Vespers: o5{oT}.i
Compline: .o
Matins: v.o3{no,vo,vo}o3{o,ov,ov}o3{og,o}
Lauds: o5.v
2nd Vespers: .i [”]
type of saint: BVM.V
dollarcode: YV42 YV55
notes:BMV:
Persons: Elisabeth Ioannes Ioannem Ioanni

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Mariam missus celitus
cum salutasset angelus
festina montes adiit
elisabeth salutavit
Vespers antiphon 2
Adventum summi iudicis
preco clausus in utero
cognovit quem post indicis
demonstravit obsequio
Vespers antiphon 3
Beata dei genetrix
maria decus virginum
cognate sue obstetrix
fit regem portans omnium
Vespers antiphon 4
Nova condens et vetera
demonstrantur in virgine
ioannes per inicia
cognitus saluberrima
Vespers antiphon 5
Precursor laudat dominum
dominus implet servulum
spiritu sapiencie
atque intelligencie
Vespers respons
Granum quod vite moriens
fructum afferre venerat
in alvo matris oriens
antiquum stupefecerat
hinc clamat exiliens
beatam que crediderat
Vespers verse
Plena inquit
deo et homine
cuncta cernens
in plenitudine
Vespers (gospel) special antiphon
Tu templum summe trinitatis
maria virgo virginum
que gestas lumen veritatis
regem regum altissimum
memor tue humilitatis
quod elisabeth visitasti
coheredes fac nos beatis
nato mundum tu reparasti
 
Compline (gospel) special antiphon
Turbulentos letos fecit
ventre clausum dum reficit
ioannem nato inclito
benedicta mater dei
larga datrix sancte spei
et solamen misero
 
Matins I
Quem virginalis uterus
super montana vexit
nunc adoretur dominus
iesus qui nos dilexit
Matins antiphon 1
Regali ex progenie
mater procedens domini
plena divino munere
verbo fulget altissimi
Matins antiphon 2
Parens verbi dominici
verbo fuso letificat
matrem vatis mirifici
quam ad montana visitat
Matins antiphon 3
Ferax est terra domini
venter sacrate virginis
qui thesaurum fert homini
nostre parem imaginis
Matins respons 1
Speciosas filias
tractantes divicias
mater transcendit domini
thesauro ventris gravidi
Matins verse 1
Benedictus iste fructus
fructus gaudii non luctus
fructus dulcoris intimi
Matins respons 2
Modo inestimabili
sol lunam illustravit
maria cursu agili
dum montes visitavit
gaudet puer in utero
clausus christo presente
elisabeth christiferam
manibus complectente
Matins verse 2
Verbum protulit suave
cognate intrans in conclave
superni mater filii
Matins respons 3
Vox implevit vatis mentem
mentem lumen sicientem
christus se ponens presentem
illi sol iusticie
matres letantur ad tactum
divinum tractantes pactum
salutacionibus
Matins verse 3
Virga sicca germen dedit
virgo angelo dum credit
maria plena gracia
Matins antiphon 4
Cordis cantent tripudio
chori hic militancium
carmen nato virgineo
nam vates laudat dominum
Matins antiphon 5
Torrens sacrati fluminis
urbem dei letificat
maria dum vi numinis
ore deum magnificat
Matins antiphon 6
Mundus exultat flebilis
laudes persolvens domino
alvus dum tumet virginis
sine viri contagio
Matins respons 4
Concurrunt sacri uteri
laude exultat celebri
ioannes de presencia
regis qui fecit omnia
Matins verse 4
Verbum patris altissimi
mentem implevit servuli
Matins respons 5
Miranda omni seculo
stupenda quoque populo
conveniunt insignia
dum maria humillima
vatis matrem letificat
se ipsam beatificat
Matins verse 5
Iesus noster iesus bonus
pie matris pium onus
fecit hec magnalia
Matins respons 6
Secreta celi transcendit
mater christi dum ascendit
montana gressu agili
ventre clausum reseravit
et ioanni demonstravit
verbum patris altissimi
quod vates ut conspexit
mentis oculum direxit
in salvatorem seculi
Matins verse 6
Cognatarum tunc ad tactum
claret verbum caro factum
insigni miraculo
Matins antiphon 7
Cantemus laudis canticum
christo suavi iubilo
quem vates novit dominum
clausus in matris utero
Matins antiphon 8
Exultet terra propere
multe letentur insule
en rore sanctus spiritus
nubem replevit celitus
Matins antiphon 9
Immenso gaudet iubilo
infans matris in utero
maria dum altissimo
hunc visitavit filio
Matins respons 7
Exultat clausus utero
ioannes plenus spiritu
adveniente domino
qui mundum ab interitu
descenderat salvaturus
morte vitam mercaturus
Matins verse 7
Cognatam dum visitat
celestis regina
dominum magnificat
plena gracia divina
Matins respons 8
Tunc refulsit lumen clarum
in convalle tenebrarum
dum munus tot graciarum
prodiit divinitus
ex te virtutum regina
que elisabeth festina
tuis honoras gressibus
Matins verse 8
Dulcis emanavit rivus
mellis cum stillicidio
 
Lauds antiphon 1
Hec celestia arcana
sunt devote celebranda
mater christi dum montana
adit virgo veneranda
Lauds antiphon 2
Elisabeth ait pie
matri domini marie
unde mihi quod me adisti
prolis mater adorande
Lauds antiphon 3
Beata que obedisti
angelo et credidisti
deo cuncta implebuntur
que ab eo promittuntur
Lauds antiphon 4
Benedicant creature
infantem virginis pure
mentem sui precursoris
quod implet favo amoris
Lauds antiphon 5
Celum terra atque mare
decet nunc symphonizare
iubilo dulcis carminis
in laudem tante virginis
Lauds (gospel) special antiphon
Clausus ineffabiliter
puer tripudiabat
maria dum elisabeth
devote salutabat
montana plausu nimio
cuncta iucundabantur
dum ioanne mysteria
divina vulgabantur
 
2nd Vespers (gospel) special antiphon
Preparata ab eterno
mater dei filio
elisabeth salutavit
vocis cum tripudio
cuius puer ventre clausus
mox plenus sancto spiritu
mirabiles gessit plausus
de summi regis aditu