full office name: BVM, Visitacio (n3)
edition: AH 24 #30
eccles:OP?
calendar:July 02
structure summary: Vespers: ARE
Matins: secular
Lauds: A5E
2nd Vespers: E +
Matins: I
Lauds: E
2nd Vespers: E
poetic forms: Vespers: T{oT}.o
Matins: g.g3{Tx,T,T}gsg{T,o,oT}o3{To,T,o}
Lauds: g3ov.i
2nd Vespers: .o
Matins: g.
Lauds: .g
2nd Vespers: .g [”]
type of saint: BVM.V
notes:BMV:
Persons: Zacharie Elisabeth Emmanuel
Places: Israelis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Colletentur
corda fidelium
virgo mater
concepto filio
scandit montes
ut duplex gaudium
geminetur
in matrum gremio
nam dum habet
salvator obvium
vatem implet
sancto tripudio
sic utraque
mater per filium
docta cantat
que dictat unccio
Vespers respons
Virga iesse iam floruit
repleta sacro flamine
sursum ire nos docuit
dum moncium cacumine
transito domum peciit
zacharie cum lumine
Vespers verse
Sol in sole
refulgens domina
prophetarum
accendit lumina
Vespers (gospel) special antiphon
Magnificat altissimum
virgo facto miraculo
aroma suavissimum
gerens in ventris loculo
dum canticum dulcissimum
pio profert oraculo
sermonemque gratissimum
fideli prestat populo
 
Matins I
Latentem in virgine
christum adoremus
mentisque dulcedine
matri iubilemus
Matins antiphon 1
Ex ore infancium
matres illustrantur
sicque patri omnium
laudes cumulantur
Matins antiphon 2
Ponit tabernaculum
dominus in sole
dum aufert piaculum
virginis cum prole
Matins antiphon 3
Dominus rex glorie
dominus virtutum
vatem facit hodie
virginis ad nutum
Matins respons 1
Mundum vocans
ad partum virginis
hora cene
plasmator hominis
vatem mittit
de ventre sterilis
similem angelis
Matins verse 1
Hec narrat angelus
et virgo credidit
quam mittens dominus
prophetam edidit
Matins respons 2
Datum signum
de cana sterili
tam est gratum
marie virgini
quod ad montem
pergit cum humili
gressu et utili
Matins verse 2
Sic festina
sterilem visitat
verbo verbum
pandens quod latitat
Matins respons 3
Verbum patris
postquam concipitur
in maria
prius ostenditur
precursori
dum virgo loquitur
sic celum panditur
Matins verse 3
Ventris alvo
verbum absconditum
per os matris
mundo fit pandidum
Matins antiphon 4
In labiis virginis
gracia diffusa
fit in ventre sterilis
gracia infusa
Matins antiphon 5
Cum impetus flaminis
virginem sanctificat
cursu sacri fluminis
prophetam letificat
Matins antiphon 6
Gloriosa dicimus
de te porta celi
teque benedicimus
cum mente fideli
Matins respons 4
Paupertatis
humane pallio
decoratum
dominum glorie
recognoscit
dictante filio
veterana
sterilis hodie
Matins verse 4
Unde mihi
quod ad me veniat
dei mater
ut mihi serviat
Matins respons 5
Fulget sponsus ecclesie
in thalamo virgineo
cantat cantum leticie
de tanto consanguineo
elisabeth cum hodie
se iungit celi cuneo
Matins verse 5
Benedicit cum angelis
fructum et vitem pariter
quibus fit nobis miseris
solamen integraliter
Matins respons 6
Granum quod vite moriens
fructum afferre venerat
in alvo matris oriens
antiquam stupefecerat
hinc clamitat exiliens
beata que crediderat
Matins verse 6
Plena inquit
deo et homine
cuncta cernens
in plenitudine
Matins antiphon 7
Canticum novum domino
cantat plena gracia
dum dato legi termino
nova prodit mysteria
Matins antiphon 8
Gaudet mons sion hodie
in quo vita ostenditur
exultent inde filie
dum virgo magna loquitur
Matins antiphon 9
Qui fecit mirabilia
novum dictavit canticum
quod virgo laudabilia
per verba facit pandidum
Matins respons 7
Felix virgo
cuius oraculo
dona magna
panduntur seculo
dei plena
magno miraculo
clausa piaculo
Matins verse 7
Ex ubertate dogmatum
fontes signat charismatum
Matins respons 8
Ascendenti
ad montem virgini
et cantanti
canticum domini
vates plaudunt
qui christi nomini
dant honorem
et summo culmini
Matins verse 8
Per hanc cernunt
luctum preteritum
commutatum
in cantum inclitum
Matins respons 9
O spem miram quam dedisti
decantando humilibus
dum ancillam te dixisti
et beatam pre omnibus
presta mater ut nos christi
fruamur aspectibus
Matins verse 9
Que tam magna cecinisti
tibi collata largiter
nos a morte salvans tristi
christo iunge feliciter
 
Lauds antiphon 1
Cum deus ex virgine
induit decorem
a te fetus femine
suscipit valorem
Lauds antiphon 2
In conspectu domini
puer exultabat
ex quo mater virgini
cantans prophetabat
Lauds antiphon 3
Fructum vite protulit
terra virginalis
populique attulit
laudes generalis
Lauds antiphon 4
Benedicens benedicta
benedic benedicentes
nobis cantrix cantum dicta
et fac tecum concinentes
Lauds antiphon 5
Omnis spiritus auscultet
decantantem virginem
secum plaudat et exultet
laudans deum hominem
Lauds (gospel) special antiphon
Benedictus emmanuel
qui visitavit hominem
et redempcionem israel
per visitantem virginem
intimavit precursori
cum salute humili
unde laudes salvatori
clamantur et sterili
 
2nd Vespers (gospel) special antiphon
O virago perinclita
de qua vir summus sumitur
humilitate predita
dum deus in te clauditur
montana velut subdita
petis et lumen oritur
hinc clausa pandit abdita
et infans clausus loquitur
secreta celi condita
verusque sol detegitur
 
Matins I .f
Ascendentem dominam
montem sociemus
et latentem dominum
christum adoremus
 
Lauds (gospel) special antiphon .f
Visitavit dominus
plebem israelis
dum per matrem virginem
gravidam de celis
genetricem visitat
prophete fidelis
 
2nd Vespers (gospel) special antiphon .f
Exultavit spiritus
sterilis et nati
dum verbi divinitus
marie donati
vis per vocem virginis
infunditur vati