full office name: BVM, Presentacio (n3)
edition: AH 5 #18
calendar:November 21
structure summary: Vespers: A5RE
Matins: secular
Lauds: A5E
Hours (little hours): A4
2nd Vespers: E +
Vespers: A
Matins: R
poetic forms: Vespers: og3l{it}.t
Matins: l.ovv{tl,tl,il}voo{ol,xl,oa}lfg{ol,of,i}
Lauds: e3ll.o
Hours (little hours): TlIg
2nd Vespers: .i
Vespers: o
Matins: {lh} [”q]
type of saint: BVM.P
notes:pope
BMV:
Places: Nazareth Hierosolyma

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Lauda mater ecclesia
alme matris infanciam
cuius immensa gracia
tibi paravit gloriam
Vespers antiphon 2
In templo dei laudibus
virgo dei dicata
a supernis civibus
gaudet visitata
Vespers antiphon 3
Omnis eius accio
in deum tendebat
toto vite spacio
meritum augebat
Vespers antiphon 4
Quidquid egit penitus
est forma salutis
et doctrina spiritus
est causa salutis
Vespers antiphon 5
Quantum facultas sufficit
laudent mentes pie
nam omnis lingua deficit
a laudibus marie
Vespers respons
Laudemus omnes dominum
qui mariam implevit gracia
ut mediatrix hominum
apud deum esset propicia
Vespers verse
Hec est mater misericordie
per quam venit ad nos rex glorie
Vespers (gospel) special antiphon
Ave maria plena gracia
per quam datur misericordia
salus vita honor et gloria
sis benedicta inter omnia
sis benedicta super omnia
te laudent te adorent omnia
sacra hec tua presentacio
sit celigenis gratulacio
sit terrigenis exultacio
et sempiterna benediccio
 
Matins I
Salve stella maris
iubilo sancto veneraris
sit tuus adventus
simul introitus benedictus
Matins antiphon 1
Infans lactensque in via
dei genetrix futura
infertur in templum pia
sue genetricis cura
Matins antiphon 2
Quod prophete precinerunt
ob christi memoriam
hoc celi enarraverunt
admirantes gloriam
Matins antiphon 3
Montem dei hec ascendit
innocens per omnia
virgo mater nec attendit
vana mundi gaudia
Matins respons 1
Advenisti desiderabilis
omnium seculorum seculis
virgo et mater venerabilis
Matins verse 1
Salve flos campi
lux celi gloria mundi
Matins respons 2
Quam preelegit eam dominus
ex multis milium milibus
in templo presentatur domino
debito parentum officio
Matins verse 2
Imperitans cunctis
infans gestatur in ulnis
Matins respons 3
Benedicta speciosa
virgo virginum generosa
tibi plaudit
omnis celi milicia
te collaudat
omnis sancta ecclesia
Matins verse 3
Omnes exultent
et laudes voce resultent
Matins antiphon 4
Humilis in templo lata
astat in celestibus
super omnes trabeata
nunc virtutum vestibus
Matins antiphon 5
Prefert ipsa templo sisti
prout istud lex mandavit
ipsa tamen templum christi
quod altissimus dicavit
Matins antiphon 6
Quam mira quam gloriosa
de te dicta dei castrum
nunc preclara nunc formosa
super omne regnans astrum
Matins respons 4
Miris varietatibus
omnigenis ornatibus
procedit ecce splendida
regis celorum filia
Matins verse 4
Virgo et sponsa dei
dignaque mater ei
Matins respons 5
Igne dei fragrans
sancta deo viva
placens hostia virgo maria
Matins verse 5
Spirat odore bono
celesti predita dono
Matins respons 6
Prefigurata celitus
repromissa divinitus
virgo prodit spectabilis
omnibus desiderabilis
Matins verse 6
Effloret virga
pia regia
virgo maria
Matins antiphon 7
Flos in floris tempore
ad locum floris mittitur
sic de floris corpore
gloriose concipitur
Matins antiphon 8
Iesu flos virga maria
verque tempus floris
floris nazareth patria
plena sunt decoris
Matins antiphon 9
Candens flos multiplicat
virgule decorem
conceptus glorificat
marie pudorem
Matins respons 7
Ave gemma principalis
universe sanctitatis
o maria o quam pia
o benigna o quam digna
Matins verse 7
Virgo omni hora
natum pro nobis implora
Matins respons 8
Omnes gentes attendite
ad tam pulchrum spectaculum
deo gracias agite
qui sic dilexit populum
marie formam sumite
que virtutis est speculum
Matins verse 8
Virgo sancta templo data
post facta est dei templum
est plebs deo grata
marie sequens exemplum
Matins respons 9
Gaude et letare
urbs nobilissima
civitas regis
summi hierosolyma
adorna templum sanctum
et altare gratulare
israel et iucundare
ecce advenit pia
virgo maria
terrarum domina
celorum regina
Matins verse 9
Hec est civitas dei
templum domini
et sacrarium
spiritus paracleti
 
Lauds antiphon 1
Surgis ut aurora
benedicta maria decora
respicias famulos
nos pia virgo tuos
Lauds antiphon 2
Ignis diurnus
ut nos illuminet intus
sancta maria tuis
obtineas meritis
Lauds antiphon 3
Prava refrigeant
in nobis sancta calescant
christus ut hoc donet
mens pia nunc vigilet
Lauds antiphon 4
Splendida formosa
mitis dulcis generosa
nos agnosce tuos
pia sit tua cura super nos
Lauds antiphon 5
Nil tibi difficile
nil quippe negat puer ille
nasci dignatus
de te mitissimus agnus
Lauds (gospel) special antiphon
Benedicta dulcis virguncula
iudicis iesse virgula
columba sine macula
regis eterni filia
columna templi fulgida
placens et viva hostia
o decora infantula
maria splendidissima
 
Prime antiphon
Nove laudis
adest festivitas
grata mundo
ac celi civibus
qua beate
marie virginitas
templo data
est a parentibus
Terce antiphon
O virgo sancta
mater domini veneranda
nos rege nos serva
rogitat te nostra caterva
quo te ductrice
capiamus pascua vite
Sext antiphon
Benedictus
virginis filius
replens matrem
misericordie
advocatam
dans hanc propicius
ne quisquam
exceptus sit gracie
Nones antiphon
Oliva fructifera
mater pietatis
fugans mundi scelera
stella claritatis
per quam cuncta prospera
dantur nobis gratis
nos tandem in ethera
transfer cum beatis
 
2nd Vespers (gospel) special antiphon
Omnis fidelis anima
lauda dei magnalia
cuius misericordia
a seculo in secula
que respexit
marie humilitatem
quam exaltavit
ditando matrem virginem
eius prece ac meritis
christe miserere nobis
 
Vespers antiphon .a
Veni dulcis virguncula
radicis iesse virgula
columba sine macula
regis eterni filia
columna templi fulgida
placens et viva hostia
o decora infantula
maria splendidissima
 
Matins respons .a1
Offertur sanctum
domino vivens holocaustum
divini totum
spiraminis igne crematum
Matins verse .a1
Hoc super altare
dulci fit odore suave