full office name: BVM, Presentacio (n2)
edition: AH 5 #17
calendar:November 21
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: lsoov.o
Matins: o.o3{vl,vp,vh}ovo{op,op,vp}ovo{vp3}
Lauds: v3so.v
2nd Vespers: .v [”q]
type of saint: BVM.P
notes:BMV:
pope
Persons: Ioachim Simeonis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Pueri cum senibus
dominum laudate
et inclinatis genibus
mariam adorate
Vespers antiphon 2
Omnes gentes seculi
dominum laudate
universi populi
mariam collaudate
Vespers antiphon 3
Virgo sancta cogitavit
templum tuum intravero
psallam deo sicut david
quamdiu ibi fuero
Vespers antiphon 4
Humilis et letabunda
marie presentacio
deo nostro sit iucunda
decoraque laudacio
Vespers antiphon 5
Seras templi confortavit
rex celorum dominus
sancta virgo cum intravit
ut succurrat omnibus
Vespers (gospel) special antiphon
O vos duces et potentes
superbiam abicite
humiles esurientes
ad virginem conspicite
quam devotis pro exemplo
anna presentavit templo
ut virgo cum virginibus
vacaret leccionibus
 
Matins I
Reginam celi mariam
concorditer adoremus
que intrans templum domini
spem contulit ut laudemus
Matins antiphon 1
Hec virgo ab infancia
portavit iugum domini
quapropter eius gloria
non est minor quam angeli
Matins antiphon 2
Solem posuit dominus
in suo tabernaculo
de quo sole sol est ortus
tamquam sponsus de thalamo
Matins antiphon 3
Innocens et mundo corde
ascendit montem domini
vixit ibi sine sorde
et sine dolo proximi
Matins respons 1
Ioachim ex stirpe david
annam sibi desponsavit
castam pulchram nobilem
erant ambo ante deum
iusti ac timentes eum
postulantes subolem
Matins verse 1
Clamaverunt iusti
et dominus exaudivit eos
Matins respons 2
Anna quippe flens oravit
et frequenter ieiunavit
vovens deo firmiter
quod si prolem sibi daret
ipsam deo manciparet
ut serviret iugiter
Matins verse 2
Non vidi iustum derelictum nec semen eius querens panem
Matins respons 3
Anna ergo impetravit
pro quo deum exoravit
et mariam peperit
et hanc postquam ablactavit
id quod vovit non tardavit
sed confestim reddidit
Matins verse 3
Sicut iuravit domino votum vovit deo iacob
Matins antiphon 4
Species et pulchritudo
marie deo placuit
castitas et mansuetudo
in vita sua claruit
Matins antiphon 5
Virgo sancta dum intravit
templi habitaculum
dominus sanctificavit
suum tabernaculum
Matins antiphon 6
Virgo templo presentata
ut in eo pasceretur
est a domino fundata
ut ex ea nasceretur
Matins respons 4
Surgens maria parvula
transivit cum matercula
volens ad oratorium
non cogitur nec trahitur
quindenos gradus graditur
non querens adiutorium
Matins verse 4
Introivit in tabernaculum dei adoravit in loco ubi steterunt pedes eius
Matins respons 5
Alma virgo dum intrasti
templum dei quod amasti
declinans mores hominum
sic in illo tu vicisti
quod quesisti invenisti
graciam apud dominum
Matins verse 5
Quid retribuam domino pro omnibus que retribuit mihi
Matins respons 6
Hac in terra fructuosa
sine spina crevit rosa
productura lilium
hoc in templo fulsit stella
gignens solem et puella
genitura filium
Matins verse 6
Sicut lilium inter spinas sic amica mea inter filias
Matins antiphon 7
Anna postquam ablactavit
mariam primam filiam
ipsam deo immolavit
acceptam sibi hostiam
Matins antiphon 8
Celi et omnes angeli
mariam adorate
et universi populi
ipsam simul laudate
Matins antiphon 9
Iubilate omnis terra
in psalmis et in canticis
concrepantes alleluia
ad laudem sacre virginis
Matins respons 7
Non descendit propter aurum
sed quesivit hunc thesaurum
dei unigenitus
quem in templo loco sacro
concepit in patris agro
matris primogenitus
Matins verse 7
Tollite portas principes vestras et elevamini porte eternales ei introibit
Matins respons 8
Preciosa margarita
que in templo es polita
te quesivit dominus
te invenit te amavit
teque care comparavit
pretulit te omnibus
Matins verse 8
Audi filia et vide et inclina aurem tuam quia altissimus filius pretulit te omnibus
Matins respons 9
O maria celi porta
ex regali stirpe orta
hec per te plebecula
regno dei presentetur
et in eo toleretur
per eterna secula
Matins verse 9
Beati qui habitant in domo tua domine et facie ad faciem videbunt te
 
Lauds antiphon 1
Anna sancta prolem primam
mariam nominavit
quam omnipotenti trinam
ad templum immolavit
Lauds antiphon 2
Virgo sepe fruebatur
divina visione
angelique utebatur
crebra locucione
Lauds antiphon 3
Virgo sancta vigilavit
deo omni tempore
laboravit aut oravit
corde ore opere
Lauds antiphon 4
Senes atque iuvenes
hymnum deo dicite
angeli et virgines
mariam benedicite
Lauds antiphon 5
Maria virgo virginum
vacavit dei laudibus
magnificavit dominum
pre cunctis mulieribus
Lauds (gospel) special antiphon
Plebem suam visitavit
creator seculorum
templum dei cum intravit
regina celorum
ergo virgo ora regem
ut defendat suum gregem
tuis enim precibus
nihil negat dominus
 
2nd Vespers (gospel) special antiphon
Stella maris a trimatu
cepit deo psallere
et in virginali statu
meruit concipere
facta mater verum solem
genuit iusticie
educavit suam prolem
virgo plena gracie
stabat autem cum pendente
crucis in patibulo
moritur cum moriente
simeonis gladio
assumpta nunc a filio
super choros angelorum
stellato sedet solio
protectrix peccatorum