full office name: BVM, Presentacio (n1)
edition: AH 5 #16
calendar:November 21
structure summary: Vespers: A5RE
Compline: E
Matins: secular
Lauds: A5E
2nd Vespers: E
poetic forms: Vespers: o3vo{Io}.o
Compline: .o
Matins: g.o3{o,o,ov}o3{o3}o3{o3}
Lauds: ono3.o
2nd Vespers: .o [”]
type of saint: BVM.P
geographical information:Hamburg, Germany
notes:BMV:
pope
Persons: Iudith Gabrielis Esther Assueri
Places: Philisteo

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Salve deo preamanda
oblata voluntarie
castitate veneranda
in templum omnis gracie
Vespers antiphon 2
Firmata tu in gracia
rectrix misericordie
nos serves a fallacia
et litis et discordie
Vespers antiphon 3
Agne dei tibi mater
ne virgo ista placuit
quam elegit sibi pater
priusquam mundum statuit
!Mater [alt: ?]
Vespers antiphon 4
Prelecta genetricis
trinitatis filia
memor esto peccatricis
anime spes unica
Vespers antiphon 5
Presentata presentari
nos christo fac in patria
nostrum cursum consumari
feliciter cum gloria
Vespers respons
O inexcogitabilis
o dei ineffabilis
virtus humilitatis
non scio quis blandiciis
aut quibus violenciis
puella castitatis
hebrea iudith invadit
domum regis et induit
se veste claritatis
divinum cor desipuit
unde puella rapuit
scienciam deitatis
Vespers verse
Soror dei dissipasti
thesaurum sapiencie
cor divinum vulnerasti
dispergens fontem gracie
Vespers (gospel) special antiphon
O maria forma vite
et lex omnis mundicie
unde fluit totum rite
exemplar pudicicie
quod in monte est monstratum
inspiciendum miseris
redde natum deo gratum
quem te sequente viseris
 
Compline (gospel) special antiphon
Nunc dimittas fili dei
totum quo te offendimus
supplicamus omnes rei
matris voluti pedibus
 
Matins I
Ad honorem hodie
sponso presentate
iubilemus domino
virginis beate
Matins antiphon 1
Sponsam hanc in iuventute
tibi christe attraxisti
cum nos nostra pro salute
visitare decrevisti
Matins antiphon 2
Nec loquelis nec sermone
plene potest recitari
quanta benediccione
hanc contingat predotari
Matins antiphon 3
Montem scandens tam festiva
vota complens ut decebat
agitatur repentina
hoc amore quo languebat
Matins respons 1
Hec est virgo consecrata
vivum in templum domini
voluntate dedicata
salutem ferens homini
Matins verse 1
Illi offer donaria
in ista querito christum
Matins respons 2
Hec in templum presentata
templum dei efficitur
eo magis sublimata
quo sibi plus despicitur
Matins verse 2
Sanctum est templum domini
anima credens in ipsum
Matins respons 3
Racio accelerata
huius sacrate virginis
non tardata deo data
est expers omnis criminis
Matins verse 3
Hec desponsata minime
filio placuisset
divo patri ex crimine
si odio fuisset
Matins antiphon 4
Eructavit verbum bonum
cor gloriose virginis
recepture plenum donum
paracleti muniminis
Matins antiphon 5
In cor matris sunt translati
montes divini culminis
sensus huius dum sedati
carent motu libidinis
Matins antiphon 6
Omnes celos transcendendi
tunc fundamenta posuit
mentem cunctis descendendi
dum humilis proposuit
Matins respons 4
Virgo sancta non miraris
ex voto casta permanens
ut sis mater et vocaris
a voto non resiliens
Matins verse 4
Castus natus est donatus
tibi non ledens integra
Matins respons 5
En in sinu sunamitis
senex david incaluit
philisteo corde mitis
postquam funda prevaluit
Matins verse 5
Stas in laude dei fraude
devicta diabolica
Matins respons 6
Virgo dea ex natura
non es sed sic ex gracia
facta deum paritura
permutans naturalia
Matins verse 6
Centuplo plus accepisti
per dona gracialia
quam pro deo dimisisti
oblata voluntaria
Matins antiphon 7
Da nos virgo decantare
predigna extollencie
tibi carmen resonare
laudis et reverencie
Matins antiphon 8
Terra plaudat regnature
exhinc letentur insule
finiuntur qua figure
prefataque prophecie
Matins antiphon 9
Cantum novum decantate
patri pro tanta filia
hanc elegit iubilate
facturam mirabilia
Matins respons 7
Cum tu ioseph desponsata
esses spiritualiter
concepisti deo grata
verbum suum mentaliter
Matins verse 7
Ore sponsi osculata
virgo manens conserata
Matins respons 8
Ubera tu meliora
super vinum decrevisti
dum per dona dulciora
fecundari appetisti
Matins verse 8
Vitam eligens activam
non spernis contemplativam
Matins respons 9
O maria nescivisti
esse mater debuisti
ex gabrielis pneumate
castitatem que vovisti
contra legem non fecisti
fecundaris pneumate
Matins verse 9
Verbum dei concepisti
angelo annunciante
quod et casta genuisti
virgo semper post et ante
 
Lauds antiphon 1
Salve esther quam non tangit
lex assueri nec confrangit
serpentis sibilacio
Lauds antiphon 2
Soror dei prelecta
propter te non est effecta
hec legis institucio
Lauds antiphon 3
Mortis lege liberata
non levata preservata
es crimen ne attingeres
Lauds antiphon 4
Racio accelerata
cogit deo te oblata
in templum ut ascenderes
Lauds antiphon 5
Hero vero desponsata
servivisti deo grata
rectrix celi quo fieres
Lauds (gospel) special antiphon
Virgo tibi servientes
acta tua recolentes
infantes mater attrahe
carnis mota passione
tu a desperacione
nos pia manu retrahe
 
2nd Vespers (gospel) special antiphon
Virgo templum que ascendis
levitates reprehendis
et spernis mundialia
da peccata nos vitare
et quod iustum est amare
ut sic post transitoria
huius mundi tam immundi
mereamur semper mundi
perenni frui gloria