full office name: BVM, Gaudia (n4)
edition: AH 24 #56
calendar:September 23
structure summary: Vespers: AE
Matins: secular-
Lauds: A5E
poetic forms: Vespers: g.g
Matins: o.o3{g,g,go}o3{o,o,go}o3{o,gf}
Lauds: g5.o [”]
type of saint: BVM.G
notes:BMV:
Persons: Gedeonis Salomonis
Places: Galileum Sina Babylonis Bethania

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Gaude mater domini
virgo singularis
iam ascendit filius
tuus salutaris
nobis tuis famulis
hinc miserearis
Vespers (gospel) special antiphon
Virgo tuus filius
ascendit in nube
iubilabant cithara
quasi voce tube
intra celum valide
ipsi congaudetur
nam excelsi filius
ibi nunc videtur
in paterna gloria
ad quem matris sedes
iuxta solem fulgida
stella lucem prebes
tua pulchritudine
prolis deitate
exultant celicole
in eternitate
unde te suppliciter
virgo imploramus
nato nos concilia
polo ut cernamus
et cum ipso pariter
in sereno cultu
confruamur gaudio
suo claro vultu
 
Matins I
Regem natum de maria
ascendentem mira via
adoremus mente pia
Matins antiphon 1
Virgo dulcis tuus natus
ista die exaltatus
supra celos est levatus
Matins antiphon 2
De te matre qui egressus
mortem propter nos perpessus
est ad patrem nunc regressus
Matins antiphon 3
Qui exivit virginales
portas frangens infernales
nunc inivit eternales
Matins respons 1
Dilectus meus abiit
in ipsius hortum
ubi semper gaudium
penis non retortum
illuc vere tendite
ad salutis portum
Matins verse 1
Dona nobis graciam
hic ad penitendum
et in morte studeas
nobis succurrendum
Matins respons 2
Virgo decus seculi
clara stella maris
pulchra tua facies
fulgor ut lunaris
preelecta omnibus
ut sol luminaris
Matins verse 2
Fac nos tuum filium
modo ascendentem
iudicem suscipere
lete venientem
Matins respons 3
Cunctarum pulcherrima
o tu mulierum
quo dilectus abiit
tuus hic dierum
ad celorum solium
nunc ascendit mire
iuva nos post obitum
illuc pervenire
Matins verse 3
Fac in nobis cor sincerum
ut noscamus iter verum
Matins antiphon 4
Ora virgo nobis deum
per te factum galileum
ascendentem ad oeum
?Oeum [alt: ?]
Matins antiphon 5
Condignatum de te nasci
et de tuo lacte pasci
ascendentem nobis acci
Matins antiphon 6
In te qui se humanavit
modo celos penetravit
hinc mens tua exultavit
Matins respons 4
Sponsus tue castitatis
natus et virginitatis
cum ascendit super celos
decantabant sancti melos
o quam leta extitisti
cum tu mater hoc vidisti
Matins verse 4
Voce tube angelorum
iam ascendit rex celorum
Matins respons 5
Gaude virgo celi porta
per quam nobis lux est orta
gaude vellus gedeonis
throne novi salomonis
qui elegit te in matrem
ivit letus iam ad patrem
Matins verse 5
Hunc pro nobis mater ora
in extrema mortis hora
Matins respons 6
Gaude virgo virginum
celi tu regina
iam ascendit filius
in excelsum sina
hunc pro nobis flagita
rosa sine spina
Matins verse 6
Chori gaudent angelorum
quod advenit rex ipsorum
Matins antiphon 7
Iam ascendit voce tube
tuus natus clara nube
hunc placare nobis iube
Matins antiphon 8
Dele labes peccatorum
ista die qua celorum
scandit regnum lux sanctorum
Matins antiphon 9
Eia nostra advocata
propter ista festa grata
dele nostra scelerata
Matins respons 7
Virgo mater nunc exulta
adornaris laude multa
fructus namque tui alvi
per quem facti sumus salvi
iam ascendit super celos
unde tibi damus melos
Matins verse 7
Victo bello babylonis
sedet modo super thronis
Matins respons 8
Foras in bethania
iesu precedente
turbaque fidelium
cum prosequente
elevatis manibus
sursum ferebatur
a te et discipulis
illud videbatur
propter istud gaudium
quo tunc fruebaris
virgo tuis famulis
nunc miserearis
Matins verse 8
Iuva quod post obitum
illuc veniamus
ubi te cum filio
semper videamus
 
Lauds antiphon 1
Isto die domina
tecum gloriamur
quod ascendit filius
celos recordamur
illuc per te ingredi
virgo mereamur
Lauds antiphon 2
Nato tuo psallimus
celum ascendenti
tibique concinimus
inde pergaudenti
sibi nos concilia
olim venienti
Lauds antiphon 3
Foras in bethania
iesu precedente
sequuntur quam plurimi
quos benedicente
scandit super sidera
te aspiciente
Lauds antiphon 4
Hunc a tuis oculis
nubes occultavit
gaudent omnes angeli
celos cum intravit
quantum tuus spiritus
inde exultavit
Lauds antiphon 5
Mox videbas angelos
letos descendentes
adventurum iudicem
natum predicentes
nos ipsum suscipere
iuva tunc gaudentes
Lauds (gospel) special antiphon
Gaude virgo in hac die
in qua tua proles pie
de deserto babylonis
scandit regnum aquilonis
ibi secum nunc letaris
et a nobis veneraris
illuc per te adiuvemur
ut eternum iucundemur