full office name: BVM, Gaudia (n2)
edition: AH 24 #54
calendar:September 23
structure summary: Vespers: A5RE
Matins: secular
Lauds: A5E
Terce: R
Sext: R
Nones: R
2nd Vespers: E
Compline: E +
Matins: I
poetic forms: Vespers: o5{o}.o
Matins: s.ooi{lh3}o3{lh3}o3{ol3}
Lauds: o5.o
Terce: {lv}
Sext: {lv}
Nones: {v}
2nd Vespers: .i
Compline: .i
Matins: n. [”q]
type of saint: BVM.G
notes:BMV:

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Gaude regina nobilis
virgo incomparabilis
rosa rosarum omnium
et liliorum lilium
Vespers antiphon 2
Gaude virgo dulcissima
cuius corpus et anima
singulare miraculum
miraculorum speculum
Vespers antiphon 3
Gaude cuius eloquia
sunt sicut mala aurea
et cuius motus animi
vincunt odorem balsami
Vespers antiphon 4
Gaude cuius operibus
tamquam stolis regalibus
nitet corpus ecclesie
vestitur rex iusticie
Vespers antiphon 5
Gaude virgo amabilis
tota desiderabilis
da nobis desiderium
videndi te et filium
ut nostro desiderio
vestra accedat visio
Vespers respons
Gaude decus ecclesie
mater misericordie
virgo mitis et benigna
sola bona sola digna
omni laude et honore
omni loco et tempore
Vespers verse
Fac ad nostrum solacium
dilectum tui uteri
nostrorum semper cordium
totis medullis inseri
Vespers (gospel) special antiphon
Gaude matrona celica
exultando magnifica
deum tuum salutarem
qui te fecit singularem
tu ancillam iesu christi
te vocari voluisti
sed ut docet lex divina
tu ipsius es domina
nam ius habet et racio
matrem preesse filio
ergo ora suppliciter
et precipe sublimiter
ut nos in mundi vespera
ad regna ducat supera
 
Matins I
Regentem sine fine
christum adoremus
mentisque dulcedine
marie iubilemus
Matins antiphon 1
Virgo deo plenissima
ad nos tua presidia
misericors propicia
converte sancta maria
Matins antiphon 2
Te genetricem splendidam
confitemur et unicam
eterne sapiencie
maria tu nos respice
Matins antiphon 3
Deterge nostra crimina
corda sanans languencia
cui egra clamat anima
succurre sancta maria
Matins respons 1
O spes divina
via tuta potens medicina
porrige subsidia
miseris o sancta maria
Matins verse 1
In te gaudemus
per te commissa dolemus
Matins respons 2
Lux indeficiens
venerabile sidus et ingens
illucesce pia
relevandis sancta maria
Matins verse 2
Preduce te patriam
tendimus ad superam
Matins respons 3
O clemens domina
spes desperantibus una
culparum venia
largissima virgo maria
Matins verse 3
Per te vivamus
ad te per te veniamus
Matins antiphon 4
Quibus te virgo laudibus
attollere poterimus
quorum sordent eloquia
et actus sancta maria
Matins antiphon 5
Emunda conscienciam
conserva innocenciam
fidem in nobis robora
o theotocos maria
Matins antiphon 6
Mentes nostras sanctifica
tranquilla donans tempora
misericors pacifica
o theotocos maria
Matins respons 4
Vera dei genetrix
humane stirpis amatrix
ex te iusticia
processit sancta maria
Matins verse 4
Que damnum reparat
quod prima propago pararat
Matins respons 5
O celi porta
nova spes mortalibus orta
duc refove sana
properantes sancta maria
Matins verse 5
Ad te respicimus
quam tota mente sitimus
Matins respons 6
Oramus domina
carnis quos crebra ruina
allicit ad vicia
releves o sancta maria
Matins verse 6
Parce libens miseris
que cunctorum misereris
Matins antiphon 7
Gaude nostra sollemnitas
gaude nova iucunditas
o flos florem concipiens
o rosa rosam pariens
per te mens nostra gaudeat
et in deo refloreat
Matins antiphon 8
Gaude que pio filio
in virginali gremio
dulcem infigens oculum
suave dedisti osculum
Matins antiphon 9
Exaudi nostra carmina
acta delens peccamina
et bona reddens perdita
o sanctorum sanctissima
Matins respons 7
Sacratissima virginum
corrupte mentis oculum
in te rei defigimus
et protegi deposcimus
Matins verse 7
Te lacrimis precibus
matrem pietatis adimus
Matins respons 8
O spes nostra et gaudium
singulare refugium
o sola salus omnium
te caste diligencium
Matins verse 8
Salve salvatrix
et lapsorum relevatrix
Matins respons 9
Gaude regina prepotens
eterna luce prenitens
gaude celorum domina
o virginum pulcherrima
o misericordissima
gaude perenni gloria
Matins verse 9
Fac nos letari
faciemque tuam speculari
plenam virtutis
dulcedinis et pietatis
 
Lauds antiphon 1
O mater regis filii
cuius regni non est finis
felix dies ortus tui
qua illuxisti seculis
Lauds antiphon 2
Per te divino iubilo
iungamur celi asylo
quo tecum iesu domino
fruamur sine termino
Lauds antiphon 3
Laudent te nostra labia
o virgo sacratissima
qui velamento tuarum
nunc exultamus alarum
Lauds antiphon 4
Celum mare et arida
te benedicant domina
nosque et nostra omnia
benedic et sanctifica
Lauds antiphon 5
Collaudent deum omnia
in matre sacratissima
cuius amori debitum
persolvimus obsequium
Lauds (gospel) special antiphon
O angelorum gloria
o pietatis viscera
subveni nobis domina
plena misericordia
qui sedemus in tenebris
ad te directis oculis
 
Terce respons
Salve porta poli
per quam lux splenduit orbi
Terce verse
Fer pia devotis
auxilium famulis
Sext respons
Salve christifera
celesti munere digna
Sext verse
Ora pro famulis
o benedicta tuis
Nones respons
Salve maria
lux et mundi domina
Nones verse
Nato tuo nos
clementer concilia
 
2nd Vespers (gospel) special antiphon
Ave summi regis sponsa
virgo et mater gloriosa
celorum regina
preciosa
paradisi rosa
stella rutilans aurora
angelorum gloria
sanctorum leticia
iustorum subsidium
spes defunctorum
advocata pia
esto nobis apud deum
semper virgo maria
 
Compline (gospel) special antiphon .a
O maria virgo virginum
summum trinitatis sacrarium
angelorum speculum
scala sanctorum omnium
tutum peccatorum refugium
cerne pia nostrum periculum
sume suspirium
fac nobis placatum
tuum pium natum
redde nobis filium
 
Matins I .a
Gaude virgo virginum
gaude florens lilium
maria mater domini