full office name: BVM, Concepcio (n9)
edition: AH 24 #23
calendar:December 08
structure summary: Vespers: A5RE
Compline: E
Matins: secular-
Lauds: A5E
2nd Vespers: E
poetic forms: Vespers: oiloi{iv}.I
Compline: .I
Matins: x.ivi{Iv,ox,io}voo{io,il,Ii}oii{io,il}
Lauds: oioll.i
2nd Vespers: .i [”q]
type of saint: BVM.C
notes:BMV:

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Laus tibi sancta trinitas
per quam salus mundi datur
per mariam et caritas
tua cunctis propinatur
Vespers antiphon 2
Maria tuos letifica
famulos et salvifica
ducens nos ad regna celica
Vespers antiphon 3
Ave beata maria
per quam patet via
in regnum claritatis
nos iunge mater beatis
Vespers antiphon 4
Salve aula deitatis
omni ornata gloria
ave gemma castitatis
plena virtutum copia
Vespers antiphon 5
Pax christi et benediccio
o maria nos protegat
tua miseracio
in viam pacis nos deferat
Vespers respons
O clemens reorum
advocatrix
mater misericordie
o salus egrotorum
vite datrix
laus et honor ecclesie
nobis pia lapsorum
relevatrix
obtine locum venie
Vespers verse
O mater regis glorie
plena omnis gracie
nos salva clementer hodie
Vespers (gospel) special antiphon
O maria salus egrorum
nos salva flebilium solamen
succurre turbe miserorum
salva reos levamen lapsorum
debiles conforta et cunctorum
te poscencium esto iuvamen
 
Compline (gospel) special antiphon
Ave maria que dedisti
mundo salutis precium
deum hominem posuisti
ante conspectum omnium
semper exora mater christi
pro nobis pium filium
 
Matins I
Ad thronum matris glorie
precibus pulsantes
nos salva rex pie
tibi iubilantes
Matins antiphon 1
Advocata peccatorum
maria regina celorum
transcendit choros angelorum
Matins antiphon 2
Matris dei gloriam
protestantur ethera
cuius in terris graciam
senciat gens misera
Matins antiphon 3
Nos clamantes hodie
ad gracie tue solium
exaudi mater clemencie
et placa nobis filium
Matins respons 1
Salve maria virgo
tu de stirpe regia
refulsisti genita
tu virtutum gracia
claruisti predita
decus et claritas sanctitatis
tu tabernaculum trinitatis
Matins verse 1
Te spiritus sancti donum
fructu vite fecundavit
te dignissimum thronum
regi regum preparavit
Matins respons 2
Ave stella matutina
cohortem fugans hostium
tu flos carens culpe spina
tu singulare lilium
Matins verse 2
Tu prole dotata
domina nos salva
spes fidelium
Matins respons 3
Salve virtutum regula
et forma glorie virginalis
maria dei cellula
tu nostra pelle pericula
et libera nostris a malis
Matins verse 3
Sana anime vulnera
medela salutifera
virgo sola puerpera
Matins antiphon 4
Tu thronus divinitatis
dignissimus
nos iuvari a peccatis
et salvari petimus
Matins antiphon 5
Tu speculum mundicie
numquam fuscata macula
aula solis iusticie
vinctorum solve vincula
Matins antiphon 6
Tu flos cunctarum virginum
gloria mulierum
sanctorum iubar agminum
te landantem salva clerum
Matins respons 4
O maria vultum tuum
clemens suavissimum
dulcedine irriguum
regi regum gratissimum
ad nos converte mater pia
cuncta fuga noxia
Matins verse 4
Vultum benignum et preclarum
vultum plenum graciarum
Matins respons 5
O templum sancte trinitatis
maria virgo sanctissimum
tu in regno claritatis
locum tenens clarissimum
fer solamen desolatis
et iuvamen piissimum
Matins verse 5
Memor esto tuorum
domina servorum
Matins respons 6
Maria flos benignitatis
te venerantes petimus
ut nos qui in multis peccatis
salvatorem offendimus
fons summe mundet pietatis
o rex salvet nos optimus
Matins verse 6
Qui tibi nil negat filius
fac ut nobis sit propicius
Matins antiphon 7
Christo nato decantemus
redemptori iubilemus
et mariam collaudemus
Matins antiphon 8
Fac maria piissima
ut spiritus sancti unccio
nostra purificet intima
ab universo vicio
Matins antiphon 9
Deo patri psallant omnia
cuius filii presencia
mira nos salvet clemencia
Matins respons 7
O quam felix et beata
que in celi palacio
super angelos exaltata
regnas cum tuo filio
dei facie peroptata
potiris et alloquio
Matins verse 7
Obsequio angelico
letaris et laudis cantico
Matins respons 8
Ave maria lucidior
stellis et sole splendidior
tu sanctos gloria precellis
angelis excellis
tu cunctas hereses repellis
Matins verse 8
Post christum dignior
virginibus fecundior
christo dilectissima
clementibus clementissima
nos salva beatorum optima
 
Lauds antiphon 1
Ab eterno preparata
regi regum aula grata
es maria virgo beata
Lauds antiphon 2
Maria in celi solio
pia coniuncta filio
nos tuo suffragio
salva in exilio
Lauds antiphon 3
Vultum tue pietatis
ad nos converte domina
et aspectu claritatis
nostra propelle crimina
Lauds antiphon 4
Ab omni creatura
maria benedicatur
potens benigna pura
per quam pax et salus datur
Lauds antiphon 5
Celi virgo te dominam laudent
per quam renovantur
de tua gracia rei gaudent
qui per te salvantur
Lauds (gospel) special antiphon
Ave virgo sol claritatis
preelecta dei cella
aurora fons pietatis
et tu preclara maris stella
tenebras nostras illumina
noxios mores corrige
inimicos extermina
servos lapsos erige
confer virtutum germina
in viam pacis nos dirige
 
2nd Vespers (gospel) special antiphon
Salve regina clarissima
civium supernorum
ave mater dei humillima
consolatrix miserorum
omnis generacio
beatissimam predicat
eterni patris dileccio
tibi solium communicat
tu ad nos dei servulos
te invocantes hodie
pios converte oculos
mater misericordie