| |
| |
Vespers antiphon
|
Per amaritudines
virgo quas habebas
dum pendentem filium
in cruce videbas
ut abstergas petimus
peccatorum glebas
|
Vespers respons
|
Sancta mater iesu christi
in dolore que fuisti
dum in cruce elevatus
fuit tuus dulcis natus
eius quinque vulnerinis
nos defende a ruinis
|
Vespers verse
|
Ne nos hostis trahat sevus
ubi dolor manet evus
|
Vespers (gospel) special antiphon
|
Tibi mundi domina
virgo gloriosa
pre dolore palluit
forma speciosa
cum videbas filium
captum a iudeis
vinctum manus traditum
ad crucem pro reis
compar hinc molestie
molestatis crede
et pro nobis iugiter
pia intercede
|
| |
Compline respons
|
Nos a malis subtus alis
tuis virgo tegito
manum tende et defende
nos cum nato inclito
|
Compline verse
|
Ne crudelis suis telis
hostis nos surripiat
|
Compline (gospel) special antiphon
|
Ut ad mortem vigilavit
tuus natus et oravit
nobis virgo sic largire
caute mortem prevenire
ut ipsius docti more
serviamus cum timore
|
| |
Matins I
|
De maria regem natum
adoremus captivatum
et pro nobis trucidatum
|
Matins antiphon 1
|
Nos te deum deprecamur
incarnatum quem miramur
passum cruce veneramur
|
Matins antiphon 2
|
Virgo tuum sanctum natum
scimus spinis coronatum
et pro nobis virgizatum
|
Matins antiphon 3
|
Cuius extat omnis orbis
est pro nostris passus morbis
ora virgo hunc pro nobis
|
Matins respons 1
|
Ut tu virgo filium
percepisti venditum
et iudeis scelerum
vinctum manus traditum
fremuisti animo
pre dolore nimio
plus quam ulla filium
planget mater mortuum
|
Matins verse 1
|
Dona nobis penitere
et peccata nostra flere
|
Matins respons 2
|
Sine spina rubens rosa
in virtute copiosa
quem ut sine genuisti
tum ve magno aspexisti
cum videbas hunc ligatum
et pretore presentatum
|
Matins verse 2
|
Nemo valet edocere
tuum amplum quod habebas
dum videbas hunc ligatum
|
Matins respons 3
|
Cum videbas filium
virgis flagellari
scimus quod optaveris
tibi virgo dari
in tuum remissius
quod dimittereris
ut pro ipso verbera
in te patereris
|
Matins verse 3
|
A dolore inferi
nos ferre digneris
tantam cum mesticiam
in te patereris
|
Matins antiphon 4
|
Pre cunctis hominibus
forma speciosum
aspexisti filium
virgis sanguinosum
istud tuum animum
fecit dolorosum
|
Matins antiphon 5
|
Natus tuus colaphis
virgo tribulatur
tribulatos gracia
sua qui solatur
dum eorum precibus
pius invocatur
|
Matins antiphon 6
|
Memor esto domina
vasis babylonis
ut nos pie doceas
viam racionis
propter tui filii
vulnus passionis
|
Matins respons 4
|
Dum coram iudicio
iesus condemnatur
iniqua sentencia
ut crucifigatur
simeonis gladius
tunc evaginatur
ut in tuam animam
virgo infigatur
|
Matins verse 4
|
Per quem erat israel
morte redimendus
foras extra ducitur
cruce suspendendus
|
Matins respons 5
|
Fletus nec non gemitus
tibi dat maria
scandens crucis arborem
tua proles pia
pedum atque manuum
manante cruore
intra tuam animam
figeris dolore
|
Matins verse 5
|
Nobis virgo filium
prece fac benignum
qui pro nobis tentus est
super crucis lignum
|
Matins respons 6
|
Dum in ramis moritur
crucis vera vita
tunc tu virgo lederis
corde tuo ita
quod tibi pre fremitu
vita effugisset
si te tuus filius
mori permisisset
|
Matins verse 6
|
Luna sol et omnia
parant se merere
planctu te miserrimo
cum videbant flere
|
Matins antiphon 7
|
Inter gentes dicite
dominus regnavit
super ligno positus
vere expiravit
quod o virgo virginum
tuum cor turbavit
|
Matins antiphon 8
|
Nunciarunt celica
virgo tuum planctum
nolentes aspicere
tuum natum sanctum
tam in cruce duriter
a iudeis anctum
|
Matins antiphon 9
|
Recordatur dominus
sue pietatis
dum nos lavat crimine
mors humanitatis
quam de tue thalamo
sumpsit castitatis
|
Matins respons 7
|
Nos ad crucem domini
stamus cum honore
dum matri compatimur
nati pre dolore
tantum quod in nomine
sue passionis
devitemus scoriam
turpis accionis
|
Matins verse 7
|
Te mariam petimus
nostram advocatam
ut de prole graciam
feras aspiratam
|
Matins respons 8
|
Virgo mater domini
sola singularis
stas ad crucem filii
tu es salutaris
cuius altis meritis
nullus est equalis
virgo mater insimul
sola nuncuparis
|
Matins verse 8
|
Nos sub capitaneis
crucis computari
iuva mater domini
tuo deprecari
|
Matins respons 9
|
Demus omnes gracias
nostro redemptori
suam qui constituit
matrem peccatori
ut nos tamquam filios
solens adiuvare
post excessus debeat
patri reformare
nos indignos filios
ergo omnipia
in extremo protege
de sevo golia
|
Matins verse 9
|
Propter tui filii
nimiam pessionem
nobis tuis servulis
da dileccionem
|
| |
Lauds antiphon 1
|
Virgo mater consolare
tuum natum deprecare
ut pro quibus captivatus
lavet sordes et reatus
|
Lauds antiphon 2
|
Prece placa natum reis
vinctum manus a iudeis
ut nos solvat a peccatis
dando regnum claritatis
|
Lauds antiphon 3
|
Natum duci cum vidisti
ad pretorem doluisti
inde tecum condolentes
post hanc vitam fac gaudentes
|
Lauds antiphon 4
|
Pium fructum ventris tui
prebe nobis sponte sui
propter nostras feces lesum
et flagellis dure cesum
|
Lauds antiphon 5
|
Passionem hore none
natum tuum virgo mone
ut per suum sanctum fatum
nostrum lavet hic reatum
|
Lauds (gospel) special antiphon
|
In domo davidica
cornu salutare
dedit nobis dominus
crucis dum altare
prole sancte virginis
pensa decoratur
hec de stirpe davidis
nata predicatur
mater ergo poscimus
dignitatem tuam
qua redemit filius
morte plebem suam
illuc prece adiuva
ubi conspicatur
sua clara facies
que conspuebatur
|
| |
Prime antiphon
|
Hora prima in hac die
venit fama tibi pie
natum nocte intempesta
fore captum inde mesta
virgo mater tribulare
nobis hinc propiciare
|
Terce antiphon
|
Hora terna ad pretorem
ducunt iesum salvatorem
multa turba iudeorum
morte sua perreorum
crucifige tunc clamatur
hinc iniuste condemnatur
tuque inde tristabaris
nostra prece monearis
ut per hanc molestiam
nobis dones graciam
|
Terce respons
|
Ut per suum cruciatum
nostrum tergat hic peccatum
ora virgo tuum natum
|
Terce verse
|
Iesum christum
valde gratum
|
Sext antiphon
|
Hora sexta lignum crucis
scandit iesus auctor lucis
ah quam dolor tibi datur
cum per manus clavulatur
virgo tuus dulcis natus
sic pro nobis tormentatus
hunc dolorem dum te matrem
admonemus roga patrem
misereri omnium
quibus dedit filium
|
Sext respons
|
Passionem recordamur
tui nati hinc precamur
ut a morte eruamur
|
Sext verse
|
A te virgo audiamur
|
Nones antiphon
|
Hora nona dominus
alte exclamavit
inclinato capite
statim expiravit
tunc te virgo gladius
ille penetravit
de quo senex simeon
tibi prophetavit
de perfosso latere
cruor qui manavit
fac nos lavet crimine
quod nos inquinavit
|
Nones respons
|
Quem vidisti cum dolore
fixum cruci in cruore
pete nobis mitem fore
|
Nones verse
|
Cum discedet mens ab ore
|
| |
2nd Vespers respons
|
Spes et nostra advocata
o regina celi grata
audi nostra deprecata
|
2nd Vespers verse
|
Hac de valle lacrimarum
duc ad regnum nos preclarum
|
2nd Vespers (gospel) special antiphon
|
Dulcis mater dominus
hora vespertina
est de ligno positus
tumba in petrina
christi fossum vulnere
corpus reparatur
paradiso anima
sanctis adoratur
ora ergo domina
mater gloriosa
nunc pro nobis filium
prece fructuosa
ut det nobis graciam
sua pietate
qua plangamus scelera
tanta caritate
ut cum nobis venerit
nostri finis dies
cum latrone sedula
detur nobis quies
|
| |
Lauds antiphon 1.a
|
Miserere mei deus
qui sum multi mali reus
ut per precem tue matris
me dissolvas a peccatis
|
Lauds antiphon 2.a
|
Ante tempus patre natus
nunc ex matre incarnatus
sua morte nos redemit
benedictus qui sic venit
|
Lauds antiphon 3.a
|
Accinentes matutinas
tue matri christe sinas
vultum tuum contemplari
et post mortem hinc letari
|
Lauds antiphon 4.a
|
Te quem virgo generavit
et de lacte suo pavit
benedicant voce pare
celum terra atque mare
|
Lauds antiphon 5.a
|
Mater dei te precamur
per te virgo mereamur
tuo nato conregnare
et eternum collaudare
|
Lauds (gospel) special antiphon .a
|
Benedicta es maria
iesu christi mater pia
que hec sola meruisti
quod tu deum genuisti
qui resolvit sua morte
infernalis claustra porte
vinctos suos redimendo
celum nobis largiendo
|
Lauds antiphon 1.f
|
Tua matre flagitante
et per eam te prestante
in me deus fac cor mundum
in preceptis tis iucundum
!Tis [alt: ?]
|
Lauds antiphon 2.f
|
Assistentes tue laudi
mane christe tu exaudi
ut precatu matris tue
reddas eos puros lue
|
Lauds antiphon 3.f
|
Ora virgo tuam prolem
relucentem super solem
ut nos cibet suo vultu
in eterno suo cultu
|
Lauds antiphon 4.f
|
Iesu bone consoleris
quos hic virga tua feris
causa matris eos cura
quamvis digni sint censura
|
Lauds antiphon 5.f
|
Sol et luna solis stellam
collaudate hanc puellam
cuius natus nos creavit
nos cruore suo lavit
|
full office name: