full office name: BVM, Commendacio (n1)
edition: AH 24 #49
calendar:?
structure summary: Vespers: A5RE
Matins: IA3R3
Lauds: A5E
2nd Vespers: E
poetic forms: Vespers: ilooi{i}.i
Matins: i.ovi{oi,i,lh}
Lauds: ioeei.i
2nd Vespers: .i [”q]
type of saint: BVM.Cmd
notes:martyr
doctor
BMV:
Persons: Tobias Simeon Simeonis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Cubante iesu dolorose
in crucis patibulo
accessit mater lacrimose
sub cruce stans in patulo
quam intuens amorose
commendat discipulo
Vespers antiphon 2
Filii presencia
mater destituta
ut cedar tabernacula
est nigra constituta
Vespers antiphon 3
Felicior erat mater
concepto dei radio
sed erat infelicior
orbata tanto filio
Vespers antiphon 4
Sol virginem coloravit
decore concepcionis
sed eam decoloravit
dolore compassionis
Vespers antiphon 5
Recolorata dicitur
dulcis virgo et mater
in resurreccione filii
dei genetrix et martyr
Vespers respons
Dum tobias filio
vias virtutum demonstravit
figurando et notando
christum designavit
cum amentem et dolentem
sibi matrem commendavit
Vespers verse
Christus sol verus oriens
ac in cruce moriens
secreta discipulo
reseravit
Vespers (gospel) special antiphon
Simeon vates domini
ad te reginam celi
tuam predixit sanctissimam
gladium vibrare animam
tuam igitur agentes
compassionis memoriam
perduc precibus
ad perennem gloriam
 
Matins I
Christum pro nobis passum
adoremus dominum
qui pie respexit matrem
secum in dolore positam
Matins antiphon 1
David regem dum fugavit
persecutoris gladius
patrem matrem preservavit
a malo devotus filius
Matins antiphon 2
Dulcem parentis animam
tunc pertransivit acrius
iuxta verbum simeonis
passionis gladius
Matins antiphon 3
Dum simeonis gladius
animam matris perforavit
tunc christus in cruce positus
virginem virgini commendavit
Matins respons 1
Verbum prophete celitus
nati supplet inopiam
sed vite natus redditus
matris pellit tristiciam
Matins verse 1
Lignum crucis
intulit mesticiam
dulci matri
per mortis miseriam
Matins respons 2
Verbum vite
dum palam moritur
legis mandati
parens ostenditur
clamant omnes vincitur
hinc fides extollitur
Matins verse 2
Christus in cruce
dum triumphavit
matrem discipulo
commendavit
Matins respons 3
Mater parens christi
in luctu dum extitisti
es consolata
per verba filii grata
sic commendata
discipulo virgo beata
Matins verse 3
Et tu mater pia
tuo nato nos recommenda
 
Lauds antiphon 1
Fides marie virginis
consumpta iesu passione
excessit sidus apostolicum
immobili adhesione
Lauds antiphon 2
Fides marie latuit
in christi mortis triduo
in lucem tandem prodiit
multiplici miraculo
Lauds antiphon 3
Discipulis recedentibus
maria perduravit
stabilis in fide
sic illos educavit
Lauds antiphon 4
Fides catholica
recepit tunc incrementum
dum virgo theotocos
tenuit fundamentum
Lauds antiphon 5
Te invocamus o beata
potissime ad vite terminum
conserva nos in fide grata
devotum tibi populum
Lauds (gospel) special antiphon
O mundi lampas
et margarita prefulgida
que in morte filii obfuscata
fuisti et commendata
discipulo reformata
extitisti maria
mater christi semper pia
exoratrix pro nobis ora
ad deum qui te elegit
 
2nd Vespers (gospel) special antiphon
O lumen ecclesie
christus verus deus
moriens in cruce
nec peccati reus
matrem tibi condolentem
vidisti in populo
quam quasi morientem
commendasti discipulo