| |
| |
A verse LR
|
Maria virgo virginum
aaron virga florida
lumen produxit luminum
stella pre cunctis lucida
|
A verse LV
|
Hec quam in terris filius
replevit luce gracie
repleta fuit hodie
in celis luce glorie
|
A verse CA
|
O quam festivum gaudium
est supernorum civium
de matre iuxta filium
sedente super regium
a dextris nati solium
|
A verse IR
|
Assumpcionis virginis
festum venerabiliter
fideles colant populi
honorent et sollemniter
cantent eius preconia
et personent suaviter
|
A verse IV
|
Hec virgo immaculata
mater dei deo grata
est in celis exaltata
et a christo coronata
|
A verse IA1
|
Ut oliva fructifera
per pietatis viscera
mater misericordie
ascendit thronum glorie
|
A verse IA2
|
In vestitu deaurato
a dextris tuis domine
stat regina variato
cincta virtutum agmine
|
A (gospel) verse _E
|
Matrem christi magnificam
preconiis magnificis
magnificet ecclesia
cum hymnis atque canticis
que hodie preficitur
sanctis choris angelicis
|
A verse B$
|
Pia mater salvatoris
sociata celi choris
nos commenda cunctis oris
pietati conditoris
ut nos salvet intus foris
gracia tui amoris
|
| |
A M _R1
|
Gaudet cetus celestium
quod mater regis omnium
conscendit regni solium
assumpta iuxta filium
spes nostra et refugium
|
A M _V1
|
Genetrix dei deorum
super choros angelorum
exaltata est cunctorum
advocata peccatorum
|
A M _A1
|
Graciosa mulier
tunc invenit gloriam
cum vas plenum gracie
virgo intrat patriam
|
A M _R2
|
Admirabantur angeli
dum cernerent ascendere
matrem innixam filio
deliciis affluere
ac ipsi reverenciam
christum tantam impendere
|
A M _V2
|
Mater dei regalibus
choris tripudiantibus
est deducta celestibus
|
A M _A2
|
De valle miserie
ad regni palacium
virgo mater ducitur
per dilectum filium
|
A M _R3
|
Dilecte fili dextere
mee manum tenuisti
in voluntate virginem
tua matrem deduxisti
cum gloria magnifica
exaltatam suscepisti
|
A M _V3
|
In sede tue glorie
genetricem exaltasti
legem implens mosaicam
excellenter honorasti
|
| |
A Q $A1
|
Exaltatur hodie
hominis natura
in maria virgine
matre dei pura
eius super angelos
posita statura
que humana extitit
felix creatura
|
A Q $R
|
Que est ista querentibus
angelicis spiritibus
ascendentem cerentibus
responsio sit omnibus
|
A Q $V
|
Hec mater dei nobilis
est angelis mirabilis
hominibus amabilis
demonibus terribilis
|
A Q $A2
|
Virgo stella matutina
hospes facta celestina
infirmorum medicina
omnes sana nos regina
viciorum de sentina
trahe nos ac de ruina
|
A Q KA
|
Supportat matrem filius
assumens super sidera
quem virgo beatissima
portavit intra viscera
|
| |
A L HR
|
Angelorum domina
sine pari femina
celi scandens culmina
sancta lustrat agmina
et nobis iuvamina
pia dat precamina
|
A L HV
|
Ipsam christus amplectitur
per quem throno imponitur
cum laudibus recipitur
sanctis cunctis preficitur
|
A L LR1
|
Surgens de throno salomon
matri occurrit obviam
hanc christus rex pacificus
honoris reverenciam
matri regine contulit
intranti suam curiam
|
A L LV1
|
Matrem misericordie
repletam dono gracie
recepit christus hodie
in gloria rex glorie
|
A L LR2
|
Virgo sponsa puerpera
que sine pari altera
surge veni et propera
conscendens super sidera
oblata sume munera
|
A L LV2
|
Ad coronam invitata
es de libano vocata
virgo sponsa candidata
super celos sublimata
|
A (gospel) L _E
|
Benedicatur dominus
natus ex anne filia
quam benedixit hodie
ipsam sumens in patria
|
| |
A H _A1
|
Iesu nostra redempcio
presta ut crucis passio
sit nostra gloriacio
per quem mundum redemisti
morte mortem diluisti
vitam vita reddidisti
genetricem sublimasti
sublimatam honorasti
|
A H _A2
|
Cuncti fideles populi
cantent deo gloriose
qui gloriam perpetuam
matri dedit graciose
|
A H _A3
|
Beata celi agmina
deum benedicite
ac de assumpta virgine
nato eius psallite
|
A H _A4
|
Nos in assumpte virginis
festo laudemus dominum
quam ad superna gaudia
duxit redemptor hominum
|
A H B$
|
Nos adiuva christifera
que regnas super sidera
nostrorum sana vulnera
peccatorum mortifera
da semper salutifera
perficere nos opere
|
| |
A $_A1
|
Totus festivus obvius
occurrit matri filius
quam processionaliter
septem choris celestibus
in regnum ducit glorie
dulces odas canentibus
|
A $_A2
|
David et domus israel
ducunt arcam cum gaudio
et matrem dei angeli
ducunt innixam filio
in supernam ierusalem
sanctorum cetu previo
circumdant flores rosei
et lilia convallium
|
A $_A3
|
Caterva rubra martyrum
virginale collegium
matrem dei et viole
confessorum humilium
scandentem super sidera
reginam factam omnium
|
A $_A4
|
Columbam mite animal
in arcam noe intulit
cum intra regnum celicum
mariam deus extulit
quem simplex et mitissima
virgo columba protulit
|
A $_A5
|
Rependit vicem filius
matri innixe filio
quem ipsa beatissima
sepe portavit gremio
|
A $_A6
|
In celis christus merito
donavit habitaculum
matri que suum fuerat
in terris tabernaculum
|
A $_A7
|
In sancto quod creaverat
quievit tabernaculo
christus qui novem mensibus
matris fuit corpusculo
|
A $_A8
|
Virgo dei genetrix
super omnes graciosa
hodie preficitur
super omnes gloriosa
|
A $_A9
|
Anne recepta filia
nunc in superna patria
consociatur filio
perenni fruens gaudio
|
A $_A10
|
Decoram habens faciem
rex virgo tuam speciem
concupiscens desiderat
qui pulchram te zelaverat
|
A $_A11
|
In terris dei genetrix
super omnes humillima
super omnes efficitur
celi sanctos altissima
|
A $_A12
|
Floris christi florifera
que sedes super sidera
de valle nos hac misera
transfer ad bona supera
|
| |
A K _A
|
Anna gaude felix mater
cuius nepos tuus pater
christus homo noster frater
cuius mater egregia
tua dilecta filia
migravit ad celestia
|
| |
A W _R
|
Ascendit sicut virgula
fumi ex aromatibus
mater dei proficiens
et crescens in virtutibus
ut dies verni redolens
rosarum septa floribus
|
A W _V
|
Hanc lilia convallium
et cuncta florum genera
regni scandentem solium
circumdant odorifera
|
full office name: