full office name: BVM, Assumpcio (n2)
edition: AH 24 #58
eccles:mon
calendar:August 15
structure summary: Vespers: A5RE
Matins: monastic
Lauds: A5RE
2nd Vespers: E
poetic forms: Vespers: iiI3{i}.i
Matins: i.ixIixi{ie,oi,i,i}Ixiiei{le,io,lx,i}.i{Ii,xi,ix,i}
Lauds: l5{$v}.l
2nd Vespers: .x [”q]
type of saint: BVM.As
notes:BMV:

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Letus plaudat
cetus ecclesie
celesti
congaudendo curie
vite generatrix
et gracie
a morte
resurrexit hodie
Vespers antiphon 2
Hec est illa
que vitam peperit
per quam mundus
salutem reperit
mortis aculeus
qua deperit
mortem sue
carnis que proterit
Vespers antiphon 3
Post hiemem
turtur insonuit
quando mortis
imber succubuit
qua corrumpi
virgo non potuit
que deum
incorrupta genuit
Vespers antiphon 4
Mater sancta
vita vivencium
per quam vita
vivit credencium
ades votis
pia fidelium
festis te
laudibus canencium
Vespers antiphon 5
Nunc resurgis
in carnis gloria
in qua carnem
se fecit gracia
nos a culpis
obtenta venia
tua resuscitet
potencia
Vespers respons
Conscendit ad
celi palacia
de nostri
pulveris angustia
in virore
carnis floridula
ut ex pigmentis
fumi virgula
Vespers verse
Ascendit de
deserto seculi
ad ipsum usque
caput anguli
Vespers (gospel) special antiphon
Hodie refloruit
caro virginis
labe superata
nostre originis
transit saccus nostre
vilitatis in gloriam
de squalore
terreno in leticiam
matris in premio
laudemus filium
simile sperantes
ab eo gaudium
 
Matins I
Filie sion concurrite
laudare deum accedite
festum in condensis agite
christi matrem canite
resurgenti choros ducite
Matins antiphon 1
In terram nudo
grani iacto semine
crescit leta seges
ex tali germine
sic marie corpus
resurgit in gloriam
mortalis casus
evincens tristiciam
Matins antiphon 2
Quod homo seminat
vitam non accipit
si non prius mortis
sinus hoc recipit
iam de sinu mortis
virgo reducitur
que vitam peperit
qua mors emoritur
Matins antiphon 3
Mors absorpta est
in christi victoria
vite mater in
vite redit gaudia
surgit que dormit
suscitante filio
fulget candens
eterne lucis radio
Matins antiphon 4
Post hiemem verni
flores dum rutilant
aves iam novo
tempori coniubilant
matri christi turba
complaudit celica
dum pleno surgit
gaudio mirifica
Matins antiphon 5
In spe sancta cuius
caro quieverat
humani generis
que spem pepererat
in rem spei sue
resurgit hodie
augeantur laudes
adaucte glorie
Matins antiphon 6
Carnis corruptelam
ipsa non pertulit
mundi corruptelam
que partu sustulit
nec in matrem
invaluit corrupcio
que vim suam
non tenuit in filio
Matins respons 1
Christus resurrexit
primicie dormiencium
nobis reserans aditum
ad terram vivencium
quo intemeratum
corpus transfertur hodie
in quo carnem se
fecit rex glorie
Matins verse 1
Verbum caro factum est
de carne virginis
que nunc renovatur
in decore luminis
Matins respons 2
Virgo singulare
templum deo et homini
expectabat beatam spem
atque adventum domini
venit ipse qui venerat
exurgit que dormierat
Matins verse 2
Resuscitavit
pater filium
et matrem filius
in gaudium
Matins respons 3
Hodie corpus
nostre humilitatis
de terrene surgens
sorde vilitatis
reformatur et per
graciam configuratur
de se nato corpori
divine claritatis
Matins verse 3
Sanctum est templum
tuum domine
mirabile
in equitate
Matins respons 4
Matrem christi
quam decuit sanctitudo
in quam gracie
descendit plenitudo
resurreccionis
ornat pulchritudo
et perpetua
dierum longitudo
Matins verse 4
Dominus regnator
decorem induit
se et eam que
christum carne genuit
Matins antiphon 7
Carnis vetustatem
virgo iam repulit
que nostram de se
novitatem protulit
gaude chorus iam
baptismo renovatus
atque spera quod
resurgas hinc beatus
Matins antiphon 8
Adduxit dominus
ventum de deserto
de ventre thalamum
carnis non experto
ille ventus urens
siccat mortis venas
eius in se rumpens
et in matre habenas
Matins antiphon 9
Sicut renovatur
aquile iuventus
ita novus in te
decor est inventus
dum resurgis
ad vocem filii
virgo carne
vincens decus lilii
Matins antiphon 10
Virgo que
resurreccionem genuit
flore resurreccionis
refloruit
spes ei reponitur
in usum rei
olim quam gesserat
in sinu fidei
Matins antiphon 11
Summe virginis
ossa iam glorificata
in terre gremio
prius humiliata
exultant in spiritu
summo spiritui
gaudium et leticia
dantur auditui
Matins antiphon 12
Cum ad te deus
omnis caro veniet
votum in ierusalem
sion perficiet
te decet hymnus
qui numquam deficiet
nec laus tue matris
finem inveniet
Matins respons 5
Ascendat vox nunc
canora iubilacione
in iucunda summe
matris resurreccione
que resurgens ad bravium
duplicis corone
regnat certato itaque
feliciter agone
Matins verse 5
Corde et manu gentes
redempte plaudite
regi et regine
sapienter psallite
Matins respons 6
In decachordo
psalterio cum cantico
in cithare laudemus
matrem in filio
exaltatam
super sidera
Matins verse 6
Regina regni davidici
stola iam fulget duplici
Matins respons 7
Beata progenies
unde christus natus est
eius qui portavit christum
venter beatus est
eius neque pes est datus
in commocionem
neque caro permissa
videre corrupcionem
Matins verse 7
Ante suscitata
diem novissimum
locum tenet regi
regina proximum
Matins respons 8
A dextris regis
assistit iam regina
carnis gloria
utique est divina
de quo passo
plus maria doluit
a regnante
plus beari meruit
Matins verse 8
Carni vicem
reddit immortalitatis
de qua sortem
sumpserat fragilitatis
Matins (gospel) special antiphon
Virgo tenens nostri
clavem auxilii
que iam dominaris
in regno filii
ut festum tui
iam perfecti gaudii
fiat nostri
solacium auxilii
Matins respons 9
Virga iesse
que quondam floruit
dum in ea
flos carnem induit
per eundem
quem primum attulit
secundo carnis
florem protulit
Matins verse 9
Que nobis
lignum vite peperit
sibi vitam
ex eo reperit
Matins respons 10
Felix illa fuit
temporalis hora
qua peracta mortis
preciose mora
in eternitatis
resurgit aurora
mater christi carne
sicut sol decora
Matins verse 10
Pertransit de aurora
in meridiem
omnem transcendens
angelorum seriem
Matins respons 11
Resurrexit christus
qui creavit omnia
maria resurgit
in eadem gloria
sedet christus in paterno
iudex solio
patri medius et matri
communi gaudio
Matins verse 11
Trinitas beata
ubi unitura
in tercio duorum
utraque natura
Matins respons 12
Gaude maria virgo mater gaudii
gaude principium
nostri remedii
iniciatrix
arcani consilii
pleno gaude
gaudio filii
dono cuius tibi
donatur culmen solii
Matins verse 12
Te venerantur
ordines celestium
omne genu se
substernit terrestrium
 
Lauds antiphon 1
Mater sancta dei
suscepta sinu requiei
pro nobis oret
ubi pleno lumine floret
Lauds antiphon 2
Post laudes christi
laus proxima competit isti
sub nostra sorte
de qua fit homo sine sorde
Lauds antiphon 3
Est sine lege patris
caro nati que caro matris
et duo sunt et idem
differt honor est tamen idem
Lauds antiphon 4
Matris honor totus
in te pie nate redundat
atque tuo tecum
per te tua mater abundat
Lauds antiphon 5
Ne quasi dimidie
pars sordeat una marie
spiritus atque caro
vernant in lumine claro
Lauds respons
Gaude et letare sion
natus in te deus homo
carnis matrem electam ex milibus
fundavit altissimam altissimus
Lauds verse
In sion prius fundata
nunc in ierusalem est
eius potestas firmata
Lauds (gospel) special antiphon
Eterna te maria
decet beatitudo
de qua nobis emanavit
vera redempcio
tua quam colimus
beata resurreccio
sicut perfudit angelos
felici gaudio
sic et nobis peccatorum
fiat remissio
 
2nd Vespers (gospel) special antiphon
In sui corporis
resurreccione
exultat bravio
duplicis corone
virgo per quam fortes
fimus in agone
serviamus ei
cum devocione
ut nos sua visitet
consolacione