full office name: BVM, Assumpcio (n1)
edition: AH 17 #5
calendar:August 15
structure summary: Matins: A9R3
poetic forms: Matins: pl4i$ll{lh,i,i} [q]
type of saint: BVM.As
notes:BMV:
Persons: Salomonis
Places: Libano

By clicking on the icon you can search for offices within the corresponding category.

Here you find the raw text from the LMLO file

 
 
Matins antiphon 1
Immensi regis genetrix et cuncta creantis
evecta est hodie angelica super agmina cuncta
in iubilo vocis solvamus munera laudis
Matins antiphon 2
Hac profecto die
perpetua virgo maria
celos ascendit
terramque perosa reliquit
regnat nunc pia cum christo
letamini queso
Matins antiphon 3
Filius ecce dei properat occurrere matri
collocat in solio super omnia sidera celso
angelicisque choris prefert super ethera cunctis
Matins antiphon 4
Suscipitur mater christi
reginaque mundi
angelico letante choro
celo+que corusco
unde huius leti
veneremur festa diei
Matins antiphon 5
Si dominum in sanctis eius
laudare iubemur
multo plus sancta
celos migrante maria
gignere que meruit
ipsum qui cuncta creavit
Matins antiphon 6
Mundi regina perpetua
virgo maria
assumpta est hodie
in celis gaudete fideles
laudantes iesum
festivo carmine christum
Matins antiphon 7
Gaudeat ecclesia
mundi per climata cuncta
prefulget hodie meritis quia
virgo maria
mater sancta dei
transcendit culmina celi
Matins antiphon 8
Gaudent ecce chori
cives super astra superni
mundi reginam
secum sumpsisse mariam
nosque hodie tanti
celebremus gaudia festi
Matins antiphon 9
Ecce maria super cunctos transcendere celos
digna hodie meruit que ipsum qui cuncta creavit
virgo deum genuit post partum virgo permansit
Matins respons 1.a
Candida virginitas
paradisi cara colonis
hortus conclusus
florenti cespite vernans
cui merito mundus
celebrat preconia totus
Matins verse 1.a
Que meruit dominum
progenerare suum
Matins respons 2.a
O gloriosa domina
excelsa super sidera
que nec primam similem
visa es nec habere sequentem
sola sine exemplo
placuit virgo
placuisti femina christo
Matins verse 2.a
Sola fuit
mulier patuit
qua ianua leto
et qua vita rediit
Matins respons 3.a
Ave festiva ferculi salomonis conviva
regis aurea transcendens trinclinia
pro agni occisione mater puerpera mente
pro gracia benedicti oris
argenteis suffulta columnis
Matins verse 3.a
Monte libano magis candida
o quam terribilis in ordine caritatis
transis per medias ierusalem filias