full office name: SENIORES 24 (n1)
edition: AH 5 #24
calendar:?
structure summary: Vespers: ARE
Matins: secular
Lauds: A5E
2nd Vespers: E
poetic forms: Vespers: I{vo}.I
Matins: i.gii{vp,ie,ip}slf{gp,Ip,fp}igi{lp,gl,sp}
Lauds: ifnio.i
2nd Vespers: .I [”q]
notes:Christ:

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Gratuletur plebs fidelis
cuius extat spes in celis
quattuor sex nunc seniorum
festum agens predecorum
pro hac stent ut ante thronum
postulantes dari donum
sacri flatus ut reatus
omnis cedat et non ledat
sacram hanc plebeculam
?Predecorum [alt: ?]
Vespers respons
Contendunt rite quattuor
evangelia simul+que
sex dierum opera
inclitos viginti quattuor
seniores legis bine
ecclesie pastores
Vespers verse
Celestes hi periboli
sunt in salutem populi
celi rore fecundati
summe dulces maiestati
Vespers (gospel) special antiphon
Radix david sede sedens
dextra sancta librum tenens
solus potens omnia
hic captivus et occisus
ac a morte redivivus
libri pandit abdita
hunc adorant venerando
vultus suos summittendo
quater seni proceres
adsunt ei reverenter
adorando et decenter
quattuor animalia
 
Matins I
Ornatibus refectis
actuum et morum
in laudem viginti
quattuor seniorum
venite suavissimum
adoremus dominum
Matins antiphon 1
In lege dominica
electi meditantur
quorum oris folia
fixe profundantur
impiorum devia
quando ventilantur
Matins antiphon 2
Reges atque subditi
ab his erudimini
ne irascatur dominus
propellat vosque eminus
beatus qui perstiterit
in ira si exarserit
Matins antiphon 3
In tribulacione
corde dilatati
in persecucione
iuste animati
sopore dulci dormiunt
et in pace requiescunt
Matins respons 1
Duodecim apostoli
bis sex a iacob filii
typo gerunt liquido
a primevo seculo
quater senos seniores
omni laude digniores
Matins verse 1
Pro patribus tuis nati sunt filii propterea populi confitebuntur tibi
Matins respons 2
Unum atque sex considera
quater sex connumera
uno trino extant omnia
celum terra astra maria
unum duo tria
generant senarium
bis sex delibuunt
vasti orbis populum
Matins verse 2
In omnem terram exivit sonus eorum
et in fines orbis terre verba eorum
Matins respons 3
Depasta hi sunt lilia
a superis elata
mala quoque rosea
ab impiis truncata
hi pauperum refugia
nam florent super ethera
Matins verse 3
Laudate dominum in sanctis eius laudate eum in firmamento virtutis eius
Matins antiphon 4
Fulti cordis gemitum
et fervidum clamorem
hausit in his dominus
et abstulit livorem
scutum prestans gracie
et coronam glorie
Matins antiphon 5
Vere admirabilis
tota ineffabilis
gracie piscina
omnia subdens homini
is ut vero lumini
non subtrahat divina
?Subdens [alt: ?]
Matins antiphon 6
Ingressi sine macula
eterna tabernacula
tenent confidenter
grandescunt vite poculis
videntes mentis oculis
deum reverenter
Matins respons 4
Cingunt bis duodecim
sedentem in throno
caritate prediti
largitatis dono
aureis coronis
et bysso decorati
nobis pro suffragio
in eternum dati
Matins verse 4
Nimis honorati sunt amici tui deus nimis confortatus est principatus eorum
Matins respons 5
Sedes sunt ecclesie
horum seniorum
aurea corona
pro lucta viciorum
valet rubet splendet
aurum miro decore
typicans sanctorum
dotes suo tenore
Matins verse 5
Mirabilis deus in sanctis suis deus israel ipse dabit virtutem et fortitudinem plebi sue
Matins respons 6
Corporis immortalitas
albus est amictus
quam dabit christi dignitas
presul benedictus
cum ceteris munusculis
corpusculi per maximis
Matins verse 6
Non fecit taliter omni nacioni et iudicia sua non manifestavit eis
Matins antiphon 7
Hi sunt qui principe
utuntur in decore
eiusque affatu
fruuntur ex amore
eorum patrocinia
fecundant terre spacia
Matins antiphon 8
Innocentes manibus
et corde mundati
vanitatis profugi
plagas vulnerati
tractaverunt iugiter
ne essent ingrati
Matins antiphon 9
Letantur in domino
delictis remissis
corpore exultant
cum cunctis benedictis
triticeis cibantur
triumpho gloriantur
Matins respons 7
Fulgura et tonitrua
thronus tunc emisit
dum christus apostolos
in orbem divisit
docuerant et unxerant
oleo leticie
quos spiritu excusserant
fermento malicie
Matins verse 7
Annunciaverunt opera dei et facta eius intellexerunt
Matins respons 8
Quattuor animalia
deum collaudabant
quater seni proceres
quibus resonabant
erant sine requie
nequaquam cessabant
laudisque frequenciam
requiem putabant
Matins verse 8
Exultaciones dei in gutture eorum
et gladii ancipites in manibus eorum
Matins respons 9
Genitor ingenitus
cunctorum instaurator
natus unigenitus
lapsorum reformator
spiritus non genitus
mestorum consolator
laudetur ab omnibus
solus inthronizator
Matins verse 9
Laudate dominum omnes gentes laudate eum omnes populi
 
Lauds antiphon 1
Quattuor animalia
et seniores
ecclesiarum primates
atque rectores
iugiter sanctus proclamant
quem venerantur et amant
Lauds antiphon 2
Salutem qui dat regibus
illi iubilate
et moritur pro gregibus
lecius cantate
Lauds antiphon 3
Pre luce surgentibus
deus misereatur
reis atque nocentibus
a se benedicatur
viam eterni luminis
cognoscant ut in tenebris
Lauds antiphon 4
Benedicite suaviter
lumen celorum
et omnes cives pariter
regni polorum
ut de valle miserie
pateat inter glorie
?Inter [alt: ?]
Lauds antiphon 5
Sessor sedis adoratur
sinceris cum conatibus
laus et honor proclamatur
a sanctis senioribus
en corona terre datur
non sine flexis mentibus
Lauds (gospel) special antiphon
Quattuor animalia
patriarchales
quattuor sunt ecclesie
nec plures tales
sed sedes viginti quattuor
figurant seniorum
sedes ceterorum
benedictus rex israel
hos benedixit
quibus et benedicere
nobis edixit
 
2nd Vespers (gospel) special antiphon
Dixit primus seniorum
vicit leo radix david
arcanum arcanorum
summi patris emanavit
terrigenis qui miseris
de sublimi sinu dei
ut hos daret requiei
altissimi itineris
hic est agnus quem adorant
cui sanctus et proclamant
quator seni nobiles
totus orbis in decore
huic psallat hoc tenore
mellico magnificat
!Quator [alt: ?]