full office name: MARIE TRES (n3)
edition: AH 45 #76
calendar:?
structure summary: Vespers: RE
Matins: secular
Lauds: A5E
2nd Vespers: E
poetic forms: Vespers: {v}.i
Matins: g.ogg{vo,io,io}vgg{g,ig,g}sgg{g,ot,g}
Lauds: fg3s.o
2nd Vespers: .g [”]
dollarcode: XZ32
notes:nun or holy womans
Persons: Esther Ioachim Cleopham Salome Cleophas
Places: Provincia Provincie Magdalene

By clicking on the icon you can search for offices within the corresponding category.

Here you find the raw text from the LMLO file

 
 
Vespers respons
Benedicta villa maris
quam thesauris tam preclaris
rex ditavit glorie
in te portus salutaris
sal virtutis et amaris
aqueductus gracie
Vespers verse
Sola digna gloriaris
quod sorores amplexaris
virginis eximie
Vespers (gospel) special antiphon
O felix prosapia
ex regali germine
david propagata
beata provincia
sub marie nomine
stellis illustrata
digne gaudes villa maris
que duabus filiabus
anne venustaris
 
Matins I
Iubilemus in hac die
dignis deo laudibus
qui claris virtutibus
regnum dat sororibus
virginis marie
Matins antiphon 1
Ecce dies gloriosa
dies mundo graciosa
qua sorores matris christi
meruerunt celi sisti
Matins antiphon 2
Gratuletur civium
cetus supernorum
festivans sollemnium
sacrarum sororum
Matins antiphon 3
Alme matris nomine
vocate sorores
stelle maris femine
pollent graciose
Matins respons 1
Dies festus beatarum
matris christi germanarum
celebratur hodie
quas invitat ad superna
christus luce sempiterna
fruituras glorie
Matins verse 1
Felicium par sororum
chorus gaudet supernorum
Matins respons 2
Mirande propagines
tres ex una vite
generantur
procreantur
ex quibus sex homines
et creator vite
Matins verse 2
Sic ex anna tres puelle
omnes dicte maris stelle
Matins respons 3
Ante regis solium
astat purpurata
per duarum
puellarum
fulta ministerium
esther delicata
Matins verse 3
He puelle duo flores
matris dei sunt sorores
Matins antiphon 4
Anna coniunx ioachim
trinos sponsos habuit
et mariam domini
matrem primo genuit
Matins antiphon 5
Quo defuncto cleopham
maritum accepit
de quo matrem iacobi
mariam concepit
Matins antiphon 6
Demum sponso salome
tercio donatur
hinc maria salome dicta generatur
Matins respons 4
Maria post sabbatum
dueque sorores
emerunt aromatum
mysticos odores
cupientes stigmatum
ungere livores
Matins verse 4
Et dicunt ad invicem
quis revolvet silicem
ad sepulchri fores
Matins respons 5
O iesu deifere
lucis instrumentum
olive fructifere
dulce condimentum
quem due matertere
mane querunt ungere
portantes unguentum
Matins verse 5
He super candelabrum
duo sunt olive
post crucis ventilabrum
testes carnis vive
Matins respons 6
Orto solis radio
mulieres visio
clara consolatur
angelus terribilis
veste delectabilis
amoto signaculo
reserato tumulo
eas sic adfatur
Matins verse 6
Non est hic quem queritis
sed prout videbitis
surgens gloriatur
Matins antiphon 7
Maria de ioachim
fuit primogenita
que christi per graciam
mater fuit inclita
Matins antiphon 8
Hec maria iacobi
minoris est mater
cuius fuit cleophas
homo iustus pater
Matins antiphon 9
Et maria salome proles erudita
paterno sic nomine
fuit insignita
Matins respons 7
Duo luminaria
preclara formantur
duo sanctuaria
que huc destinantur
de quorum presencia
fulget hec ecclesia
celum terra maria
pariter letantur
Matins verse 7
Felices matertere
sorores christifere
cum virtutum munere
ad nos applicantur
Matins respons 8
Scriptam deus in tabulis
duabus legem statuit
post verbum caro populis
gracie plenum claruit
quam signis et miraculis
mundo vivens exposuit
!Verbum !caro [alt: ?]
Matins verse 8
Dum sorores matris hic posuit
duas legis tabulas tribuit
Matins respons 9
Gaudeamus hodie
immense leticie
laudes extollantur
dum regine glorie
sorores egregie
anne due filie
celo coronantur
Matins verse 9
Hic chorus ecclesie
ubi sunt reliquie
plebs tota provincie
digne gloriantur
 
Lauds antiphon 1
Cum maria magdalene
sorores venerunt
et unguentum fide plene
mane portaverunt
Lauds antiphon 2
Ad sepulchrum veniunt
socie beate
quod solis aspiciunt
orta claritate
Lauds antiphon 3
Et intrantes splendidum
iuvenem sedere
vident stola candidum
et obstupuere
Lauds antiphon 4
Mulieres leniter
angelus adfatur
et paventes dulciter
eas consolatur
Lauds antiphon 5
Scio iesum queritis
credentes hunc mortuum
surrexit videbitis
ecce locum vacuum
Lauds (gospel) special antiphon
Benedicta sit trinitas
ter anne replens uterum
benedicta germanitas
trium preclara siderum
benedicta sit iterum
trine marie claritas
per quas hos fines visitas
dator eterne munerum
 
2nd Vespers (gospel) special antiphon
O lux luce clarior
gemina lucerna
ceteris splendidior
dies hodierna
qua sorores strenue
scandunt ad superna
gaudentes assidue
luce sempiterna