| |
| |
Vespers antiphon 1
|
Torrentem per martyrium
quinque fratrum minorum
adepti sunt consorcium
celestium splendorum
|
Vespers antiphon 2
|
Mirabilem victoriam
dominus renovavit
quando fratrum familiam
triumphis decoravit
|
Vespers antiphon 3
|
Hec vere generacio
rectorum perhibetur
que preclaro martyrio
coronam promeretur
|
Vespers antiphon 4
|
Vota fratrum humilium
deus celsus respexit
quos ad celi fastigium
martyriis erexit
|
Vespers antiphon 5
|
Lauda christum preconiis
religio minorum
qui tuis dedit filiis
martyrium decorum
|
Vespers (gospel) special antiphon
|
Actor magnificencie
que lucet in martyribus
christus magnificetur
venie dos et gracie
precetur cum sodalibus
ottoque nobis detur
|
| |
Matins I
|
Rex martyrum et premium
christus lete laudetur
pro quo fratrum collegium
occidi non veretur
|
Matins antiphon 1
|
Felix fratrum quinarius
firmus in christi lege
factis probat et cercius
se de francisci grege
|
Matins antiphon 2
|
Adversus christi emulos
saraceni frementes
augent penarum stimulos
ferunt illi gaudentes
|
Matins antiphon 3
|
Perversi multifarie
sanctos aggrediuntur
sed a deo propicie
illi suscipiuntur
|
Matins respons 1
|
Quinaria familia
francisci genitura
spreta carnis lascivia
et mundanorum cura
docebat in hispania
documenta secura
|
Matins verse 1
|
Per penas et opprobria
horum probat sibilia
vota firmaque pura
|
Matins respons 2
|
Rege coram sibilie
flatu sancto muniti
de causa de progenie
respondent requisiti
nec minis nec blandicie
cesserunt impetiti
|
Matins verse 2
|
Ieiuniis vigiliis
ac eciam suspiriis
non neglegunt inniti
|
Matins respons 3
|
Turris in summo positi
non cessant predicare
sed viri satan subditi
conantur hos turbare
quos populi rex perditi
dire iubet necare
|
Matins verse 3
|
Agente prece geniti
non necantur immeriti
iubentur navigare
|
Matins antiphon 4
|
Sancti fratres et humiles
virtutibus perfecti
sunt ad manendum habiles
divino regno tecti
|
Matins antiphon 5
|
Voluntates mirificat
suas deus in sanctis
letificans dignificat
quos donis tot et tantis
|
Matins antiphon 6
|
Francisci generacio
quod vere querat deum
probat hec felix concio
tot passa propter eum
|
Matins respons 4
|
Ferventes ad martyrium
christi propter amorem
perveniunt marochium
non parvum post laborem
infans portugalensium
receptis dat honorem
|
Matins verse 4
|
Divum pandunt eloquium
leti ferunt supplicium
querunt regis furorem
|
Matins respons 5
|
Diro ducti de carcere
crudeliter ceduntur
nec propter hoc ab opere
incepto retrahuntur
fidem veram disserere
nolentibus nituntur
|
Matins verse 5
|
Bene cum barbe vellere
cum labiis ex verbere
cruore perfunduntur
|
Matins respons 6
|
Maurorum dux aggrediens
consorcium decoris
nunc blandiens nunc seviens
perversi consors moris
quem dei plebs despiciens
vim non perdit rigoris
|
Matins verse 6
|
Seorsum ligat furiens
dux flagellans et feriens
servos mundi factoris
|
Matins antiphon 7
|
Confessi deo cithara
mortificacionis
contemnunt facta barbara
perverse nacionis
|
Matins antiphon 8
|
Ex angustiis omnibus
hos sanctos liberavit
deus horum qui mentibus
dulce lumen donavit
|
Matins antiphon 9
|
Spes virtus et refugium
sanctis deus censetur
per cuius beneficium
omnis iustus meretur
|
Matins respons 7
|
Vinctis post terga manibus
nudi discalceati
flagellis pugnis fustibus
per totum verberati
regis diri conspectibus
sunt sancti presentati
|
Matins verse 7
|
Letis constantes vultibus
respondent variis vocibus
a deo confortati
|
Matins respons 8
|
Premissis minis voluit
rex almiramolinus
pervertere nec potuit
sic amor nam divinus
hos firmiter retinuit
sinceros intra sinus
|
Matins verse 8
|
Tres gladios exacuit
in his sertaque tribuit
deus unus et trinus
|
Matins respons 9
|
Reliquie prenobiles
vilissime tractantur
quas igni dant ignobiles
sed a christo servantur
tristantur incredibiles
christiani letantur
|
Matins verse 9
|
Deus conservat humiles
per lapides terribiles
proiectos ne ledantur
|
| |
Lauds antiphon 1
|
Quinque fratrum martyria
firme credulitatis
sunt firma testimonia
eorum sanctitatis
|
Lauds antiphon 2
|
Constanter in leticia
hi christo famulantur
ob quod eius presencia
eterne gratulantur
|
Lauds antiphon 3
|
Francisci dat religio
preclarum fructum suum
quo prava christe nacio
cognoscit nomen tuum
|
Lauds antiphon 4
|
Sacerdotes et laici
christo benedixere
martyrio multiplici
dum mortem sustulere
|
Lauds antiphon 5
|
Lauda christum colimbria
gaudenter laude plena
hosque laude quinaria
pangat plebs agarena
|
Lauds (gospel) special antiphon
|
Gloriosi martyrii
preciosa devocio
infantem liberavit
de tediis exilii
sanctoque desiderio
antonium inflammavit
|
| |
2nd Vespers (gospel) special antiphon
|
Gaude quino martyrio
sed plange mahometicos
urbs marochiana
pro tanto patrocinio
plausus age melodicos
plebs colimbriana
|
2nd Vespers (gospel) special antiphon .a
|
O regnum portugalie
quod vergis ad occasum
te ditavit altissimus
sanguine quinque fratrum
rex impius marochiorum
tibi per petrum obtulit
thesaurum hunc minorum
quem beata crux suscipit
gaude illorum meritis
o tam felix hispania
sed tu iubila pre ceteris
devota plebs colimbriana
|
full office name: