full office name: MARTYRES QUINQUE (n2)
edition: AH 28 #54
eccles:OFM
calendar:?
structure summary: Matins: secular-
poetic forms: Matins: v.o3{o3}o3{o3}o3{o,o} [”]
notes:martyrs
Places: Hispalim Marochium

By clicking on the icon you can search for offices within the corresponding category.

Here you find the raw text from the LMLO file

 
 
Matins I
Regem qui altat minores
martyres honoremus
et qui compensat labores
venite adoremus
Matins antiphon 1
Novit dominus iustorum
viam qui pro eius lege
se manibus impiorum
tradunt et pro christo rege
Matins antiphon 2
Quando fremuerunt gentes
adversus christum domini
fratres minores ferventes
iuncti sunt eius agmini
Matins antiphon 3
Dum ab his tribularentur
clamaverunt ad dominum
optantes ut mererentur
pervenire ad terminum
Matins respons 1
Ferventes ad martyrium
minores zelo fidei
venerunt ad palacium
hispalim virtute spei
regi furenti nimium
dicunt se legatos dei
Matins verse 1
Non timentes supplicium
formidantes iudicium
ne invenirentur rei
Matins respons 2
Dum ante regem steterunt
loquente sancto spiritu
grandia proposuerunt
de fidei sacre ritu
ad quam ipsi pervenerunt
dissimulato habitu
Matins verse 2
Ad baptismum induxerunt
eum sed non valuerunt
levare ab interitu
Matins respons 3
Rex iratus non mutatus
iubet capite truncari
sed ad preces mitigatus
nati mandat carcerari
propter hunc qui incarnatus
dignatus est immolari
Matins verse 3
Ab ipsis est predicatus
iesus atque exaltatus
cupientes morti dari
Matins antiphon 4
Hi habitabunt domine
in tuo tabernaculo
qui mercati sunt sanguine
renunciantes seculo
Matins antiphon 5
Non dabis sanctos videre
penarum corrupcionem
qui pro te non timuere
mortis dire passionem
Matins antiphon 6
Ista est generacio
querencium mundo corde
te deum cum martyrio
carencium culpe sorde
Matins respons 4
Educti de ergastulo
deductique marochium
coram barbaro populo
observant desiderium
predicabant in patulo
presente rege gencium
Matins verse 4
Iesum qui in patibulo
solvit a mortis vinculo
quos predilexit nimium
Matins respons 5
Rex mox succensus furore
iubet a suis finibus
hos expelli qui timore
impavidi in omnibus
revertuntur cum fervore
coram lupis rapacibus
Matins verse 5
Mortis sublato horrore
nominis christi amore
derelectis comitibus
Matins respons 6
Sancti dei carcerantur
iterum iussu impio
regis atque vinculantur
absque ullo remedio
ut afflicti moriantur
famis sitis supplicio
Matins verse 6
Sed a deo confortantur
ac refecti roborantur
quos rex condemnat odio
Matins antiphon 7
Exultate in domino
iusti martyres cantate
cum sanctis sine termino
gloriose iubilate
Matins antiphon 8
Multe tribulaciones
vos in terra afflixerunt
unde consolaciones
eterne vos receperunt
Matins antiphon 9
In tribulacionibus
que invenerunt vos nimis
deus fuit in omnibus
vester adiutor in imis
Matins respons 7
Sanctis detentis fratribus
divina sevit ulcio
nam eris caumatibus
assatur tota regio
propter quod de carceribus
dantur horum arbitrio
Matins verse 7
Magnis infirmitatibus
pro fratrum gravaminibus
languent dei iudicio
Matins respons 8
Sancti dei ludibria
experti atque vincula
virgis cesi ac fustibus
plagati sunt crudeliter
qui fusa bulliencia
aceti acri pabula
oleique vulneribus
sustinuerunt fortiter
Matins verse 8
Post innumerabilia
dire mortis pericula
amputatis cervicibus
coronantur perenniter