| |
| |
Vespers antiphon 1
|
Viri vere portendentes
principes ecclesie
verbum vite continentes
disperguntur hodie
|
Vespers antiphon 2
|
A se vadunt non divisi
quibus unus spiritus
ab eterno sic provisi
sic electi celitus
|
Vespers antiphon 3
|
Hi bis seni fide pleni
semina iusticie
dum dispensant recompensant
fructibus leticie
|
Vespers antiphon 4
|
Semen sanctum verbum dei
quia duris mentibus
depulerunt sunt iudei
relicti sub sentibus
|
Vespers antiphon 5
|
Gaudent gentes attendentes
fidei doctrine
error cedit et obedit
gracie divine
|
Vespers respons
|
Christi testes et amici
nimis honorati
super omnem inimici
nimis confortati
in verbo virtutem
celum claudunt reserant
verbo ligant liberant
verbo dant salutem
|
Vespers verse
|
Quorum lingue celi claves
pia prece nostros graves
excessus operiant
et nobis aperiant
ad vitam ingressum
|
Vespers (gospel) special antiphon
|
Mira dei gracia
dispersis apostolis
per terrarum spacia
gloriose subolis
collegit ecclesiam
et sic idolatriam
fidei subegit
|
| |
Compline (gospel) special antiphon
|
Coruscante fidei
luce per apostolos
testes veritatis
infidelitatis
tenebre fugerunt
et gentes viderunt
salutare dei
|
| |
Matins I
|
In apostolorum
exultemus gaudiis
et in psalmis iubilemus
regi seculorum
|
Matins antiphon 1
|
In messem discipulos
deus sator omnium
mittit ut manipulos
inferant fidelium
|
Matins antiphon 2
|
Ibant flentes et cum luctu
semina mittebant
veniebant et cum fructu
gaudia metebant
|
Matins antiphon 3
|
Hi sunt fontes populum
in elim potantes
nobis rite poculum
vite propinantes
|
Matins respons 1
|
Romam petrus consecravit
paulum habens socium
una dies ambos stravit
quos in unum complantavit
fidei consorcium
|
Matins verse 1
|
Letus his pro gloria
dies est pro merito
tyranni pro victoria
|
Matins respons 2
|
Andreas vir mitissimus
et crucis amator
gaudet in supplicio
christi sine vicio
verus imitator
|
Matins verse 2
|
Sic respondens vocabulo
populum docebat
pendens in patibulo
|
Matins respons 3
|
Filii tonitrui
meruere cernui
faciem videre
christi transformati
in figure speciem
glorie future
|
Matins verse 3
|
Iacobus in gladio
triumphator cesus
ioannes in dolio
dolore non lesus
|
Matins antiphon 4
|
His innixa fundamentis
surrexit ecclesia
et imbuta sacramentis
profecit in gracia
|
Matins antiphon 5
|
Isti sunt lenunculi
throni salomonis
qui in suis singuli
sunt sessuri thronis
|
Matins antiphon 6
|
Ut leonum rugiet
fremitus eorum
dum in malos seviet
vox iudiciorum
|
Matins respons 4
|
Thomas vero iam non nutans
nec a deo fidem mutans
gentibus salutem
predicavit et monstravit
fidei virtutem
|
Matins verse 4
|
Declarando veritatem
quam palpando maiestatem
et vidit et credidit
|
Matins respons 5
|
Iacobus alphei
vultu frater dei
merito succedit
fratris pontificio
philippus in filio
patrem esse credit
|
Matins verse 5
|
Ad eunuchum spiritu
iubente condescendens
et quem in propheta
legerat ostendens
|
Matins respons 6
|
Iudas christum indicans
et baptismi graciam
bartholomeus predicans
fidei iusticiam
gentibus ostendit
et eas a diaboli
cultura suspendit
|
Matins verse 6
|
Aquis penitencie
flebiles emundans
fructibus iusticie
steriles fecundans
|
Matins antiphon 7
|
His alumnis nos nutriti
fidei doctrinis
his columnis stabiliti
vite disciplinis
|
Matins antiphon 8
|
Hi vere duodecim
cophini fuerunt
qui fragmenta littere
spiritu legerunt
|
Matins antiphon 9
|
Quibus dum gentilitas
pasta convalescit
iudeorum cecitas
misere tabescit
|
Matins respons 7
|
Ad apostolatus
graciam vocatus
levi thronum meruit
dum statim deseruit
statum quem habuerat
ab eoque fuerat
subito mutatus
|
Matins verse 7
|
Mutatos ethiopes
fide vestit gracie
fonte dealbatos
|
Matins respons 8
|
Simon chananeus
virtutis zelator
torculus thaddeus
cordis habitator
cultor castitatis
gloriosi facti sunt
testes veritatis
|
Matins verse 8
|
Agoniste fidei
et cognati sanguinis
et amici dei
|
Matins respons 9
|
Dono dei nobis datus
loco proditoris
est mathias surrogatus
nam locus honoris
honor loci hunc decebat
quem sors signo preferrebat
meriti maioris
|
Matins verse 9
|
Iste talis est electus
ut sacrati compleretur
numeri defectus
|
| |
Lauds antiphon 1
|
Patriarche victoria
hos in typo posteris
erant pretendentes
populi parentes
|
Lauds antiphon 2
|
Ut ex illis plurimi
carne propagati
sic ex his in numeri
spiritus renati
|
Lauds antiphon 3
|
Hi sunt bovem eneum
mare supportantes
baptismi mysterium
mundo predicantes
|
Lauds antiphon 4
|
Ad versanda gencium
corda destinatis
iugum est impositum
suave caritatis
|
Lauds antiphon 5
|
Missi contumeliis
fortiter affecti
gaudent christi servuli
taliter effecti
|
Lauds (gospel) special antiphon
|
Electos ecclesie
architectos hodie
dominus divisit
et in viam misit
gencium ut gratis
fundamenta iaciant
et ut opus faciant
nove civitatis
|
| |
2nd Vespers (gospel) special antiphon
|
Duodene margarite
porte nobis sancte vite
fidei doctrina
dum de mundo vos elegit
et a carne vos abegit
gracia divina
quesumus devote
memorum vestrorum
in sorte iustorum
memores estote
|
full office name: