| |
| |
Vespers antiphon
|
Plaude regnum
gaude valencia
comitata
duce angelico
offer deo
cordis frequencia
laudes promptas
devoto cantico
sed non desis
tu catalonia
defensata
ense cherubico
pange prome
pro nostro angelo
invitata
tu aragonia
|
Vespers respons
|
Solis aspersa radiis
tellus gaudet ex ethere
cum nobis missis angelis
deus cessat a verbere
cuncta succedunt prospere
sub cura tanti principis
|
Vespers verse
|
Deus nobis
dedit in vespere
presidentem
custodem hominis
|
Vespers (gospel) special antiphon
|
Transit custos
ad vallem flencium
dux ad plebem
princeps ad populum
consolatur
luctum gemencium
gaudent urbes
per suum angelum
|
| |
Compline antiphon
|
O patriarche populi
qui curam geris hominum
ad te suspirant famuli
quos premit culpa criminum
funde preces ad dominum
more custodis angeli
|
Compline (gospel) special antiphon
|
Christus lapis verus deus
supponatur capiti
somnus noctis ne sit reus
adsit lucta angeli
sursum tendant oculi
ad locum montis carmeli
ubi nil aliud est quam
domus dei porta celi
|
| |
Matins I
|
Adsunt custodis angeli
regni nostri sollemnia
devocione vigili
laudes promat ecclesia
|
Matins antiphon 1
|
Custos fortis et providus
datus pro scuto populi
quo iustus fit intrepidus
plectit coronam homini
|
Matins antiphon 2
|
Servat amiciciam
homini prelatus
impetrat mundiciam
angelus beatus
|
Matins antiphon 3
|
Confidenter agimus
sub tanto patrono
per quem vitam trahimus
de celesti throno
|
Matins respons 1
|
Castra movens
per suum angelum
trahit deus
subiectum populum
nocte portat
accensum cereum
per iter devium
|
Matins verse 1
|
Miles insequitur
mare dividitur
pharao mergitur
populus graditur
|
Matins respons 2
|
Timet tremit
elias fugiens
dormit adest
custos subveniens
cibum affert
somnum excuciens
et viam dirigens
|
Matins verse 2
|
Surge mande
et perge protinus
montem pete
hec ait angelus
|
Matins respons 3
|
Viam vite
pergens diluculo
vir tobias
cum lucis angelo
manet pater
cecus in clanculo
innitens baculo
magnus in populo
|
Matins verse 3
|
Decoratus
patri reducitur
excecatus
lumini traditur
|
Matins antiphon 4
|
In huius maris fluctibus
et procellarum flatibus
extinguit ensem igneum
deus per suum angelum
|
Matins antiphon 5
|
Trahit ad robur animi
tutela sancti angeli
datur virtus conamini
et venia piaculi
|
Matins antiphon 6
|
Exardescit
ira cum gladio
expavescit
rex coram angelo
sic tepescit
pestis in populo
|
Matins respons 4
|
In fornacis
ligati medio
sidrach misach
sanctus abdenago
descendente
ad ipsos angelo
irrorantur
dulcore nimio
|
Matins verse 4
|
Torquet flamma
chaldeos devorans
mulcet sanctos
ad laudem provocans
|
Matins respons 5
|
Pestis devorat populum
regis david pro scelere
furentem videt angelum
rex ferientem aspere
|
Matins verse 5
|
Ait david
corde condoleo
statim ad hec
parcitur gladio
|
Matins respons 6
|
Dum sequentem lot expectat
suadentem angelum
impellentem mox prospectat
ad instantem exitum
prohibentem ne tepescat
intra fines urbium
|
Matins verse 6
|
Trahit secum paucos clamans
civitatis culpam damnans
provocantem dominum
|
Matins antiphon 7
|
Revelavit deus
grande mysterium
de supernis loquens
per suum angelum
|
Matins antiphon 8
|
Verba dei nunciat
fidei ad lumen
sic a morte revocat
gladii acumen
|
Matins antiphon 9
|
Civitatis ostia
angelus costodit
ne subintrent odia
murum anteponit
|
Matins respons 7
|
Scalam videt
tangentem superos
scandentes et
descendentes angelos
deum cernit
cum levat oculos
iacob innoxios
|
Matins verse 7
|
Sed constringente bracchio
colluctatur cum angelo
|
Matins respons 8
|
O spem miram quam dedisti
hanc urbem incolentibus
cum angelum statuisti
presidentem civibus
imple deus quod dixisti
indulgens peccatoribus
|
Matins verse 8
|
Qui sic mundum dilexisti
ut traderetur filius
et custodem transmisisti
dedicatum mortalibus
|
| |
Lauds antiphon 1
|
Pugil noster angelus
draconem prostravit
concrepemus vocibus
dominus regnavit
|
Lauds antiphon 2
|
Offert presul hostiam
sperate in eo
ad nostri custodiam
iubilate deo
|
Lauds antiphon 3
|
Te ad laudem excitat
custos ne sis reus
tecum corde iubilat
deus deus meus
|
Lauds antiphon 4
|
Alte preco clamitat
ad celum prospicite
et vox de celo promicat
deo benedicite
|
Lauds antiphon 5
|
Tonat in celestibus
omnes properate
custos noster angelus
dominum laudate
|
Lauds (gospel) special antiphon
|
Presul custos
tutor sanctissime
urbem istam
serva tutissime
inimicum
pelle fortissime
pestem cunctam
sana piissime
|
| |
Prime antiphon
|
Audi preces supplicis
angeli beati
confer deus servulis
sint immaculati
|
Terce antiphon
|
Serva pastor ovium
regni huius gregem
qui per sanctum angelum
tuam pandis legem
|
Sext antiphon
|
Fove quo per angelum
populus profecit
qui sequendo invium
in multis defecit
|
Nones antiphon
|
Plantent mentis hortulum
tui credibilia
qui per sanctum angelum
facis mirabilia
|
| |
2nd Vespers antiphon 1
|
Adest dies lucidus
quo plebs gratulatur
aquam movet angelus
languidus curatur
|
2nd Vespers antiphon 2
|
Purgat labra calculo
prophete tacentis
deus misso angelo
ad salutem gentis
|
2nd Vespers antiphon 3
|
Portat pium lazarum
ad sinum celorum
et celeste gaudium
chorus angelorum
|
2nd Vespers antiphon 4
|
Laudant deum parvuli
christo adherentes
horum sancti angeli
deum sunt videntes
|
2nd Vespers antiphon 5
|
Astant plures angeli
thronum circumdantes
digna vota populi
deo presentantes
|
2nd Vespers (gospel) special antiphon
|
O virtus debilium
splendor castitatis
o ductor humilium
decor puritatis
o princeps nobilium
ardor caritatis
o scala sublimium
nos iunge beatis
|
| |
Matins respons .a
|
Immolandum abrahe filium
deus iubet per suum angelum
sed revocat preceptum positum
dum permanet fixum consilium
|
Matins verse .a
|
Ad hec pater exemit gladium
ponit manus ad nati iugulum
|
Matins Q .a
|
Indulge custos et defende populum
semperque intercede pro nobis ad dominum
prece sedula deum nobis placa
expurga nostra corda a commissa culpa
ut mereamur habere graciam
et tecum possidere eternam gloriam
ubi semper tecum dicamus
te deum laudamus
|
full office name: