full office name: VULNERA DOMINI (n1)
edition: AH 24 #4
eccles:Carm?
calendar:June 04
structure summary: Vespers: A4E
Matins: secular
Lauds: A5E
Prime: A
Terce: A
Sext: A
Nones: R
2nd Vespers: E
poetic forms: Vespers: v4.v
Matins: v.sge{gp,ge,g}seg{fp,gh,gp}vvo{iv,oi,vp}
Lauds: g4f.v
Hours (little hours): ggf{lp}
2nd Vespers: .v [”q]
notes:Christ:
Persons: Pilatus Salomon

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Adsunt sacrosancta festa
beatorum vulnerum
que inflixit gens funesta
creatori siderum
Vespers antiphon 2
Hi cancelli pietatis
per quos sponsus prospicit
ad amplexus caritatis
sponsam clemens allicit
Vespers antiphon 3
His in cavernis petrarum
turtures nidificant
et accipitris avarum
raptum preludificant
Vespers antiphon 4
Vasa pulchra regis fortis
stillancia dulcedinem
effugarunt dire mortis
perpetim acredinem
Vespers (gospel) special antiphon
Gaude celum terra plaude
festum adest dignum laude
beatorum vulnerum
christi pii redemptoris
quem collaudat vox dulcoris
hominis interioris
dulcedine drachmatum
nos qui vulnerum cruore
redempti sumus honore
debito festum colamus
vulnerum perennibus
ut inferamur gaudiis
 
Matins I
Adoremus summi regis
preciosa vulnera
vigilanter offeramus
ipsi laudum munera
Matins antiphon 1
Pilatus vulneribus
christi corpus cruciat
ut flagrum generibus
sanguinem excuciat
Matins antiphon 2
Cruor fluit roseus
ex membris sacratis
per que stillat dulciter
gracia beatis
Matins antiphon 3
Corpus mite iesu numeroso vulnere lesum
ad caput a planta
transvolat ille dolor
Matins respons 1
Agnus sine macula
mundana piacula
vulnerum cruore
tergens tabernacula
celi fecit pervia
flagranti amore
Matins verse 1
Ad deum accedite et illuminamini et facies vestre non confundentur
Matins respons 2
Mira providencia
diva sapiencia
domum quam fundavit
ex gentis malicia
presidis milicia
flagris cruentavit
Matins verse 2
Lana munda tingitur
sanguine concilii
dum flagellis cingitur
caro dei filii
Matins respons 3
Stolas tingunt martyres
genas pingunt virgines
in agni cruore
ex fontibus vulnerum
debriantur plurimum
angeli dulcore
Matins verse 3
Ad christum accedite
mundo corde bibite
poculum salutis
Matins antiphon 4
Mare fudit eneum
salomon in templo
ut mundetur sordidum
sanguinis exemplo
Matins antiphon 5
Coccus bis cinctus
est christi sanguine tinctus
qui mortis gemine
vincula dura tulit
Matins antiphon 6
O beata latria
christi per quam patria
celi reseratur
o preclara vulnera
clavi spina lancea
per que vita datur
Matins respons 4
Hedi tincta sanguine
tunica talaris
est cruoris unguine
caro salutaris
purpurata stipite
sacri torcularis
Matins verse 4
Torcular calcavi solus et de gentibus non est vir mecum
Matins respons 5
Templum tabernaculi
pellibus caprinis
rubricatis tegitur
atque hyacinthinis
sic verbum altissimi
vulnerum sentinis
purpuratum corpore
protegit ab imis
Matins verse 5
Cui diximus sub umbra tua vivemus in gentibus
Matins respons 6
Christus vulneratus est
pro nostris peccatis
pro mundi sceleribus
attritus est gratis
o insignis gracia
honor libertatis
immolato filio
redit venumdatis
Matins verse 6
O inestimabilis dileccio caritatis ut servum redimeres filium tradidisti
Matins antiphon 7
Vulnerasti sponsa meum
cor amoris iaculo
taliter ut pro te crucis
sim affixus baculo
Matins antiphon 8
Sponse dulcis deitate
floribus humilitate
vulnerate caritate
queso mihi dic amate
ubi te reperiam
Matins antiphon 9
Sum in horto voluptatis
areola aromatis
carpens rosas caritatis
et lilias castitatis
humilitatis violas
Matins respons 7
Vir indutus lineis
atramento femoris
pinxit tau crucis in fronte
inebrians cruoris fonte
merentis in vinculis
Matins verse 7
Angelus exterminator
ubi vidit tau signatos
signo postes consecratos
impunitos deserit
Matins respons 8
O sacratum corpus christi
qui tot penas pertulisti
vulneratum lanceatum
diris vinclis coartatum
ciba nos in hora mortis
reseratis regni portis
introduc ad gaudia
Matins verse 8
Ubi beatorum anime
perenni beatitudine
feliciter iucundantur
Matins respons 9
Vidi regem coronatum
multo diademate
clara stola candidatum
purpurata sanguine
quem in albis sequebantur
celestes milicie
regi regum concinentes
canticum leticie
Matins verse 9
Laverunt stolas suas et candidas eas fecerunt in sanguine agni
 
Lauds antiphon 1
Dominus rex glorie
vulnerum cruore
purpuratus hodie
vestitur decore
Lauds antiphon 2
Iubilet ecclesia
christo redemptori
qui pro ipso voluit
vulneratus mori
Lauds antiphon 3
Auctor vite sicio
profatur in cruce
liber a supplicio
quod regnes in luce
Lauds antiphon 4
Benedicant dominum
omnes creature
qui pro nobis voluit
vulnerari dure
Lauds antiphon 5
In chordis et organo
christum regem celi
collaudemus adorantes
pectore fideli
Lauds (gospel) special antiphon
Benedicta benedicti
salvatoris vulnera
per que vinculis astricti
libertatis munera
consecuti sunt abluta
criminum contagia
vera vita morte trita
prestatur et gracia
 
Prime antiphon
Hec est dies inclita
que christi memoria
vulnerum habetur
per mundana climata
militans ecclesia
festive letetur
et preclara stigmata
christi laude debita
digne veneretur
Terce antiphon
O fons indeficiens
summe voluptatis
angelos reficiens
proles deitatis
per beata vulnera
sacre passionis
nos supernis applica
post cursum agonis
Sext antiphon
Sex millena sescentena
vulnera beata
sexagena atque sena
illis aggregata
nobis a perenni pena
sint tutela grata
Nones respons
Agno vulnerato
de pura virgine nato
cum prece devota modulizet concio tota
Nones verse
Adoramus te christe et benedicimus tibi quia per preciosa vulnera redemisti mundum
 
2nd Vespers (gospel) special antiphon
Hodie celesti sponso
iubilet ecclesia
pro suorum et sacrorum
vulnerum memoria
sex millena sescentena
numerosa gracia
sexagena atque sena
post vite curricula
paradisi ad amena
nos perducant gaudia