full office name: TRINITAS (n2)
edition: AH 5 #1
eccles:OFM
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: v5.v
Matins: v.v3{v3}v3{v,v,vo}v3{to,o,v}
Lauds: v5.i
2nd Vespers: .v [”] (with monastic version)
dollarcode: FR21
notes:Christ:
Persons: Salomon Salomoni
Places: Iudei Egypti

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Sedenti super solium
congratulans trishagium
seraphici clamoris
cum patre laudat filium
indifferens principium
reciproci amoris
Vespers antiphon 2
Sequamur per suspirium
quod geritur et gaudium
in sanctis celi choris
levemus cordis studium
in trinum lucis radium
splendoris et amoris
Vespers antiphon 3
Si nosse vis hec gemina
non semina sed lumina
consideret indago
lux deus est intermina
de qua res manat gemina
tam amor quam imago
Vespers antiphon 4
Lux non decisa radium
diffundens per hoc medium
multiplicat ardorem
sic pater gignit filium
cum ipso spirans tercium
concorditer amorem
Vespers antiphon 5
Eterno patri gloria
ex quo subsistunt omnia
per verbum in amore
cuius signavit gracia
nostra sue precordia
imaginis splendore
Vespers (gospel) special antiphon
O seraphim iucunditas
et cherubim limpiditas
thronorum robur trinitas
fac digne te laudemus
memorie sis unitas
noticieque veritas
te utriusque bonitas
perenniter amemus
 
Matins I
Regem trinum et simplicem
venite adoremus
trinumque mentis apicem
ter uni presentemus
Matins antiphon 1
Celum terramque digitis
qui tribus appendisti
preposuisti conditis
humanitatem christi
Matins antiphon 2
De deo deus prodiens
se fecit viatorem
scanditque cursum finiens
distribuens calorem
Matins antiphon 3
Leventur cordis ostia
memoria gignenti
nato intelligencia
voluntas procedenti
Matins respons 1
Confirmat hoc mysterium
sacrarium scripture
nam dixit auctor omnium
ut essent creature
verbum dedit inicium
vertibili nature
Matins verse 1
Hoc summe lucis radium
hoc verbum dico filium
eterne geniture
Matins respons 2
Qui celi fecit ambitum
molisque non fecunde
supertulisse spiritum
informi fertur unde
eundem hic paracletum
in nos fudit abunde
!Paracletum [alt: ?]
Matins verse 2
Per hunc donatur caritas
per hunc mentis vacuitas
impletur gemebunde
Matins respons 3
Arcani dat indaginem
in opere finali
qui plasmans ait hominem
sermone numerali
ad nostram sit imaginem
in apice mentali
Matins verse 3
Cum simplex esset operans
sic tamen ait numerans
re sola personali
Matins antiphon 4
Excelso regi glorie
psallamus sapienter
concordet vox memorie
noticie gaudenter
Matins antiphon 5
O paucis quondam trinitas
sion nota colonis
quam laudat grandis civitas
ad fines aquilonis
Matins antiphon 6
Descendit dei filius
ad pauperis honorem
manavit celi fluvius
amoris rigans florem
Matins respons 4
Quod abraham ad ostium
per trium contubernium
virorum speculatur
dum trium differencium
indifferens dominium
adorans protestatur
Matins verse 4
In his vidit indicium
trium quorum fastigium
in nullo separatur
Matins respons 5
Eterna mundi serie
conceptum sapiencie
fert salomon preisse
paris efficiencie
communisque leticie
cum domino fuisse
Matins verse 5
Tres sunt in throno glorie
parens proles leticie
per natum nobis misse
Matins respons 6
Quis aquis vestem tribuit
quis spiritum continuit
in manu more doni
iudei iuris inscii
quod nomen eius filii
hoc dicant salomoni
Matins verse 6
Iesus quem qui est genuit
per donum qui nos induit
subiectus locioni
Matins antiphon 7
A celi terre termino
laus iudici venturo
levetur trino domino
vox manus corde puro
Matins antiphon 8
Superne lucis radius
in nube fulguravit
et ignis regi previus
contraria purgavit
Matins antiphon 9
Cor cantet vox et opera
concordet psalmo lyra
nam bracchio cum dextera
rex celi fecit mira
Matins respons 7
Candor lucis perpurum speculum
patris splendor perlustrans seculum
nubis levis intrans umbraculum
in egypti venit ergastulum
Matins verse 7
Virgo circumdedit virum
mel mandentem et butyrum
Matins respons 8
A veterani facie
manavit ardens fluvius
antiquus est ingenitus
et facies est filius
ardoris fluxus spiritus
duorum amor medius
Matins verse 8
Sic olim multifarie
prophetis luxit trinitas
quam post pandit ecclesie
in carne fulgens veritas
Matins respons 9
Sequamur testimonium
quod patri super filium
complacuit effari
cui spiritus solacium
columbe per prodigium
ostendit immorari
Matins verse 9
Hoc probat turba testium
qui signis lucent clari
nec heresis mendacium
his potest refragari
 
Lauds antiphon 1
Quam clara testimonia
nimisque credibilia
precelse trinitatis
oracula miracula
imagines et specula
que lucent in creatis
Lauds antiphon 2
Cum laudibus et iubilis
colatur increabilis
patronus populorum
quo generata veritas
donataque suavitas
sunt pascua celorum
Lauds antiphon 3
In te fons vite siciunt
te trinum panem cupiunt
in invio vexati
dum benedici supplicant
ter nomen dei replicant
intenti trinitati
Lauds antiphon 4
Tres in fornacis medio
cum quarto quasi filio
celestis geniture
trino rerum principio
psallerunt in vestigio
tocius creature
Lauds antiphon 5
Laudet factura dominum
imponit laudi terminum
in copia sermonum
in te sit finis carminum
per natum pater luminum
et par utrisque donum
Lauds (gospel) special antiphon
Quam felix celi civitas
cui splendet trina claritas
quamque iucunda visio
lustrari trino radio
mulcebris ardoris
illustra deus oriens
his qui sedent in tenebris
ne tendat grex cecuciens
circumdatus illecebris
in viam erroris
 
2nd Vespers (gospel) special antiphon
Eterna mens dum flectitur
in se par proles nascitur
noticie mentalis
simplicitatis racio
concludit ut distinccio
persone sit equalis
iucundaque germanitas
requirit ut par caritas
sit duum medialis
hic sanctus extat spiritus
quem donet nobis celitus
cum nato principalis