full office name: PUERI IESU (n1)
edition: AH 24 #2
calendar:?
structure summary: Vespers: AQE
Matins: IA9
Lauds: A5 +
Matins: A
poetic forms: Vespers: o`g'.v
Matins: l.otgoiigvl
Lauds: oovof
Matins: n [”]
geographical information:Meissen, Germany
notes:Christ:

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Felix marie gaudium
festivum dat tripudium
dum recolit ecclesia
quod mater innupta sola
meste quesitum filium
gaudens invenit unicum
Vespers Q
1 qui fuit in nubilo
fulget sol iam denuo
vibrato radio
cessit frendens aquilo
auster flavit in horto
blande virgineo
2 splendet florum area
vallis nitent lilia
ardent rosacee
vernales delicie
succedunt tristicie
fugate boree
3 versum est in gaudium
doloris suspirium
post iesum puerum
virginis pectusculum
capit vix tripudium
intra se positum
Vespers (gospel) special antiphon
Magnificanti dominum
marie assistamus
inventum iesum puerum
leti suscipiamus
eique laudis canticum
exultantes dicamus
 
Matins I
Queramus dominum cum virgine matre repertum
semper adoremus et ei lete iubilemus
Matins antiphon 1
Ex ore iesu pueri
perficitur laus domini
dum doctores interrogat
que sunt patris commemorat
Matins antiphon 2
Non sunt loquele neque sermones
quibus exprimi possent dolores
quos virgo mater sustinuit
quando puerum iesum quesivit
Matins antiphon 3
Puer in ierusalem
quidem remanserat
quando cum parentibus
illuc ascenderat
quod eis recedentibus
incognitum erat
Matins antiphon 4
Verbum bonum eructavit
iesus cum interrogavit
scribas que non ignoravit
Matins antiphon 5
Dum in medio residebat
doctorum
impetu celestium
fluviorum
sanctificat templum
deus deorum
Matins antiphon 6
Cuius fundamenta in montibus
stillat doctrinam sentibus
puer duodecim annorum
repertus a maria
in medio doctorum
Matins antiphon 7
Afferte domino
gloriam et honorem
date iesu puero
benediccionem
Matins antiphon 8
Lux atque leticia
rectis corde oritur
dum iesus a parentibus
quesitus invenitur
Matins antiphon 9
O iesu puer dulcissime
quantum exultare
cor matris amantissime
fecisti dum dignare
quesitus te ostendere
ut inveniare
 
Lauds antiphon 1
Domo tua sedes grata
tibi christe est parata
doctisque mirabilia
tua sunt testimonia
Lauds antiphon 2
Fac sitibundam animam
amore tuo languidam
te invenire cupidam
habere tui copiam
Lauds antiphon 3
O iesu amantissime
iam desine subtrahere
te matri amantissime
querenti te anxie
Lauds antiphon 4
Benedictus puerulus
celi terreque dominus
marie iesus filius
obedit matri subditus
Lauds antiphon 5
Prole mater est beata
matrem que creavit
inque suo sion nata
rege exultavit
 
Matins antiphon .a
Magnus et laudabilis
et cunctis admirabilis
iesus puer amabilis