full office name: CORPUS CHRISTI (n5)
edition: AH 24 #6
eccles:mon
OSB?
OP
structure summary: Vespers: AE
Matins: IA6R4.A3R8
Lauds: AE
Hours (little hours): A4
2nd Vespers: E ? no
Matins: E
poetic forms: Vespers: I.i
Matins: x.oggoio{Tg,T,T,iT}ifg{oi,io,iT,oT,vg,g,vs,vo}
Lauds: i.T
Hours (little hours): gsfs
2nd Vespers: .g [”]
notes:Christ:
Persons: Iudas

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Gaude felix
mater ecclesia
nove laudis
agens sollemnia
tota mentis
plaude leticia
redemptoris
laudans magnalia
inter que cuncta
plus considera
mira que fecit
in cena opera
Vespers (gospel) special antiphon
Magnificent anime
fideles christum dominum
qui iustis famelicis
sacrum dat convivium
dimittens inanes divites
gerentes hinc fastidium
 
Matins I
Adsunt dominice
mense delicie
plaudunt ecclesie
cantu leticie
Matins antiphon 1
Panis novus et celicus
missus in fine seculi
patris eterni filius
est cibus suavitatis
Matins antiphon 2
Hic a sacerdotibus
dum missa celebratur
in eorum manibus
transubstanciatur
Matins antiphon 3
Hoc sacramentum dominus
instituit in cena
cui sedit comminus
turba duodena
Matins antiphon 4
Sub legis dei regula
mens iusta sit et sedula
saginata dulcedine
de carne christi et sanguine
Matins antiphon 5
Agonizans post cenam dominus
morte factus iam proximus
cruorem fudit cum precibus
Matins antiphon 6
Pernox tunc christum proprium
tradebat iudas dominum
post corporis edulium
crudele reddens osculum
Matins respons 1
Mundos vocans
ad suas epulas
hora cene
detestans crapulas
suam iesus
dat carnem ferculum
cruorem poculum
Matins verse 1
Digna sane et munda
vita requiritur
ubi esca tam sancta
mandi precipitur
Matins respons 2
Data mundo
pro mundi gloria
mira christi
sunt beneficia
morbos mortem
fugat et vicia
sumpta eucharistia
Matins verse 2
Vitam iustis
confert edulium
malis mortem
infert et iudicium
Matins respons 3
Paupertatis
incedens semita
cuncta mundi
detestans crimina
dignus frui
est christi hostia
inter poli
locandus agmina
Matins verse 3
Nocte agnus
legalis manditur
culpe umbra
christi luce pellitur
Matins respons 4
Verbum vite
in mensa loquitur
a se ipso
panis conficitur
confectus sic
iesus sumitur
salus hinc nascitur
Matins verse 4
Post in mortem
a fratre traditus
surgens vivit
illesus penitus
Matins antiphon 7
Siciebat christus
salutem hominum
suo sanguine sitis
nostre sedans incendium
Matins antiphon 8
Migrans christus fratribus
vite firmamentum
corporis et sanguinis
tradit sacramentum
Matins antiphon 9
Liber omni vicio
gustet hic fidelis
quem post pleno gaudio
videat in celis
Matins respons 5
Panis descendens celitus
mentis supplet inopiam
vitamque reddens penitus
dat graciarum copiam
Matins verse 5
Signo crucis de
panis materia
virtute verbi
fit eucharistia
Matins respons 6
Felix caro
de cuius epulo
tanta salus
redundat seculo
et sanguinem
propinans populo
vitali poculo
Matins verse 6
Ex ubertate gracie
tales dantur delicie
Matins respons 7
Ascendentem
christum de hac miseria
prosequamur
per sancta desideria
vadit orare
pro nobis in patria
manens pascit
nos eucharistia
Matins verse 7
Per quem tale
nobis datum est promissum
vado semper
mansurus vobiscum
Matins respons 8
Granum florens in fertili
agro ventris virginei
sacro satum spiramine
pene tritum gravamine
pro amoris signaculo
fit panis in cenaculo
Matins verse 8
Flos est pulcher
puris aspectibus
panis sanus
mundis affectibus
Matins respons 9
Memor fuit testamenti
dominus rex glorie
se dat escam sacramenti
dignus ut aporie
mors necetur et purgetur
vita zyma scorie
Matins verse 9
Ut nunc rerum facie
gerimus per iesum
ipsum mentis acie
vite scimus esum
Matins respons 10
Vere ioseph tunica
mire polymita
passione punica
nobis redimita
hac vestimur unica
nunc et poli vita
Matins verse 10
Summe pater glorie
corpus tui nati
vestis est mundicie
qua sumus renati
Matins respons 11
Vive panis qui divisus
tamen non divideris
qui cum sancto spiritu et
patre unum crederis
in te uni per te muni
quos uno pane reficis
Matins verse 11
Quod in nobis habitas
verbum caro factum
ex maria nasceris
que viri nescit tactum
Matins respons 12
O spem miram quam dat iesus
suis largus famulis
olim cesus nunc illesus
cum ministris angelis
vivus manet quamvis esus
hic in tabernaculis
Matins verse 12
Invitati festinemus
ad regis presenciam
et pro datis nobis gratis
sibi reddamus graciam
 
Lauds antiphon
Vere digna hostia
deus corpus et anima
natura duplex substancia
trina persona unica
Lauds (gospel) special antiphon
Benedictus
salvator hominum
salutare
ipsis dans epulum
corpus suum
ministrat ferculum
 
Prime antiphon
Quando sumunt dominum
hic unus ibi mille
quantum turba plurium
tantum sumit ille
Terce antiphon
Hostiarum cumulus
multarum dum sacratur
non sub formis pluribus
christus multiplicatur
Sext antiphon
Effectu sumunt vario
impius et iustus
in primo mors in alio
est vitalis gustus
Nones antiphon
Masticatur dominus
nec dilaniatur
semper manet solidus
cum species frangatur
 
2nd Vespers (gospel) special antiphon
O panis eucharistie
cibus sanitatis
pius dator venie
culpas laxa gratis
pacis et concordie
donis confirmatis
finem fac miserie
nos iunge beatis