| |
| |
Vespers antiphon
|
Adsunt dominici
serti sollemnia
laude multiplici
plaudat ecclesia
|
Vespers (gospel) special antiphon
|
Ave spina
pena remedium
servi decus
regis opprobrium
tua plaga
dolor ludibrium
vite nobis
mercantur premium
|
| |
Matins I
|
Honorati dote bona
adoremus mente prona
regem christum in corona
quam iudea texuit
|
Matins antiphon 1
|
Veneremur bonum deum
et colamus votis cum
qui gentilem et iudeum
spinis septus redimit
|
Matins antiphon 2
|
O quam acetosa vitis
de qua bibit iesus mitis
agnus dei expers litis
cum sic punctus extitit
|
Matins antiphon 3
|
Ergo regem quem amamus
coronatum collaudamus
et coronam predicamus
super opes regias
|
Matins antiphon 4
|
In his spinis suspiremus
his nos rosis coronemus
et sub istis computemus
sentibus delicias
|
Matins antiphon 5
|
Benedictus omnis erit
qui has spinas corde gerit
nam in ipsis deus serit
fructum centenarium
|
Matins antiphon 6
|
O fertilem agrum multum
et divina manu cultum
de quo surgit hoc virgultum
ante regis solium
|
Matins respons 1
|
Adest sacra lux diei
qua corone nostri dei
agitur memoria
respiremus omnes rei
hinc cantemus omnes ei
qui regnat in gloria
|
Matins verse 1
|
Coronastis hunc iudei
eius dantes faciei
alapas gens impia
|
Matins respons 2
|
Corona interrasilis
mense labio ponitur
quia corona spinea
in caput iesu plectitur
et altera coronula
alcior ei additur
|
Matins verse 2
|
Agno pro nobis mortuo
qui a ioanne cernitur
omnis corona merito
a senibus summittitur
|
Matins respons 3
|
Spina carens
flos spina pungitur
per quam culpe
spina confringitur
spina mortis
spina retunditur
dum vita mundi
sub spina moritur
|
Matins verse 3
|
Per hoc ludibrium
hostis deluditur
mortis dominium
per mortem tollitur
|
Matins respons 4
|
Novus homo rex antiquus
ut nos ditet fit mendicus
expertus ludibrium
sic probatur ut amicus
iesus dulcis fit pudicus
inter spinas lilium
|
Matins verse 4
|
Iam de spinis legit ficus
non iudeus inimicus
sed fides credencium
|
Matins antiphon 7
|
Synagoga retro abi
ficte dicens ave rabbi
ex hoc scias a te labi
regnum et imperium
|
Matins antiphon 8
|
Dum iudei genu flectunt
et milites spinas plectunt
vincla mortis sibi nectunt
ad salutem gencium
|
Matins antiphon 9
|
O quis furor militum
qui sic caput inclitum
premunt per circuitum
spinis et flagellis
|
Matins antiphon 10
|
O quam digne genitum
quam abiecte traditum
dum emisit spiritum
sumpto potu fellis
|
Matins antiphon 11
|
Ierusalem trux alumna
iesum figens in columna
conversa es in erumna
dum spina confringitur
|
Matins antiphon 12
|
Pendet cruci in deserto
coronatus serpens serto
quem qui videt in aperto
non serpente leditur
|
Matins respons 5
|
Futurorum pontifex
christus est bonorum
qui a spinis transiens
in sancta sanctorum
certantis ecclesie
meritis iustorum
mitra sui capitis
decoravit chorum
|
Matins verse 5
|
Nimis ergo placeat
mentibus piorum
tam excellens gracia
munus tam decorum
|
Matins respons 6
|
Exit iesus flagellatus
et probrose coronatus
de spinarum stimulis
pergit sputis deturpatus
et confuse purpuratus
reverendus angelis
|
Matins verse 6
|
Patet in hoc principatus
mundi huius et ornatus
esse contemptibilis
|
Matins respons 7
|
O benignus o suavis
o dulcior cunctis favis
qui cum esset ab ignavis
punctus spinis fixus clavis
his ignosci supplicat
|
Matins verse 7
|
Licet dolor esset gravis
tamen bona reddens pravis
pietatem duplicat
|
Matins respons 8
|
Quod ligatur puer risus
quod offertur vervex visus
adherere vepribus
hoc presignat quod occisus
noster iesus est concisus
spinis se pungentibus
|
Matins verse 8
|
Christo puncto compugantur
et dulcibus perfundantur
christiani fletibus
|
Matins (gospel) special antiphon
|
Iam concrepent organa
sponso dulcis musice
sponsa terris orphana
coronatur mystice
de capite amana
et de sair vertice
|
Matins respons 9
|
Flos de spina nascitur
quem spina compunxerat
sed se pungi tolerat
dum sub spina moritur
solvens quod non tulerat
nos a spina liberat
punctura dum pungitur
|
Matins verse 9
|
Dum corona plectitur
quam rex mundi deferat
a quo mundus tegitur
|
Matins respons 10
|
Coronat regem omnium
iudea serto spineo
stat inter spinas lilium
vernans cruore roseo
spinarum culpe nescium
spine punctum aculeo
|
Matins verse 10
|
Sub decore
fulget purpureo
corpus nitens
candore niveo
|
Matins respons 11
|
O regem celi benignum
qui per crucis regnans lignum
ob amoris grande signum
de corona sua dignum
munus dat ecclesie
|
Matins verse 11
|
Gens fidelis satis gaude
et honores omni laude
regem regum hodie
|
Matins respons 12
|
Felix spina
cuius aculei
guttis rubent
roris sanguinei
vires frangunt
regis tartarei
seras pandunt
regni siderei
|
Matins verse 12
|
O spinarum
immensa gloria
que tot nobis
prestant remedia
|
| |
Lauds antiphon 1
|
Adest dies leticie
quo diadema spineum
commendatur memorie
christi cruore roseum
|
Lauds antiphon 2
|
Summum regem glorie
spinis coronatum
ridet plebs perfidie
morti condemnatum
|
Lauds antiphon 3
|
O quam felix punccio
quam beata spina
de qua fluit unccio
mundi medicina
|
Lauds antiphon 4
|
Pungens spina vulnerat
christum pacientem
et a morte liberat
populum credentum
|
Lauds antiphon 5
|
Christo sub serto spineo
illudunt gentes impie
cuius cruore roseo
sertum confertur glorie
|
Lauds (gospel) special antiphon
|
Exultemus omnes chori
laudes demus salvatori
qui per spinas floruit
commendemus nos pastori
qui pro suo grege mori
tam dignanter voluit
numquam satis est amatus
qui tot spinis laceratus
a morte nos exuit
|
| |
Prime antiphon
|
Gaude felix mater ecclesia
adsunt tibi nova sollemnia
nam corona quondam in gloria
nunc per orbem refulget gloria
|
Terce antiphon
|
Adsunt dominici
serti sollemnia
laude multiplici
plaudat ecclesia
|
Sext antiphon
|
Sexto die facti sumus
cum in adam crevit humus
et hac hora cinxit dumus
salvatoris verticem
|
Nones antiphon
|
Circa nonam christus est
pro nobis occisus
et latroni datus est
fide paradisus
corona pro crimine
et pro luctu risus
|
| |
2nd Vespers (gospel) special antiphon
|
O decus ecclesie
gloriosa spina
sertum regis glorie
mundi medicina
presentis angustie
dulcor et resina
te laudantes hodie
serva a ruina
|
full office name: