| |
| |
Vespers antiphon 1
|
Novi festi gaudio
francia nitescit
regis regum xenio
regni decus crescit
|
Vespers antiphon 2
|
Omnis zona sub corona
iesu christi clauditur
francis tamen in solamen
speciale mittitur
|
Vespers antiphon 3
|
Sertum christi deserit
grecos et hebreos
se latinis inserit
et honorat eos
|
Vespers antiphon 4
|
Corda pungat et compungat
spina flore pulchrior
vernans apud christi caput
adhuc est flagrancior
|
Vespers antiphon 5
|
Pars corone nos ditavit
caroli temporibus
ludovico deus favit
totum reddens partibus
|
Vespers respons
|
Triumphales
virtutum tituli
vi subacta
mortalis stimuli
sub spineto
divini circuli
nos coronent
in fine seculi
nox diei
vite mors visita
ligno vite
spina preposita
crux honori
restaurant perdita
|
Vespers verse
|
Coronato
nostra miseria
qui honore
coronat omnia
et flamini
cum patre gloria
|
Vespers (gospel) special antiphon
|
Felix terra
que spinas protulit
regis regum
quas caput extulit
quarum multo
punctus est stimulo
moriturus unus
pro populo
sertum diva
redolens tempora
nostra fecit
beata tempora
vernans intra
francorum litora
|
| |
Matins I
|
Adoremus humilem
spinis coronatum
quem expectat iudicem
quidquid est creatum
|
Matins antiphon 1
|
Qui de celis unccionem
regi misit francie
per corone missionem
hunc honorat hodie
|
Matins antiphon 2
|
Ex hiulcis terre sulcis
crucem traxit helena
rex de grecis tulit thecis
coronam francigena
|
Matins antiphon 3
|
Dum medium silencium
pacis teneret francia
per salomonem alium
francorum ditat solium
corona dei propria
|
Matins respons 1
|
Occidentem
illustrat oriens
solum novum
gallis adiciens
resurgentis
coronam largiens
Adiiciens |
Matins verse 1
|
Visitat rex omnium
nostram regionem
et girando flectitur
iam ad aquilonem
|
Matins respons 2
|
De torrente
bibens miserie
exaltavit
caput rex glorie
coronatus
spinis angustie
|
Matins verse 2
|
Regnaturos
decet angustia
ut corone
monet materia
|
Matins respons 3
|
Felix spina
cuius de stimulo
fructus vite
pendet pro pabulo
morienti
succurrens seculo
|
Matins verse 3
|
Huius decor
in aula regia
et regali
splendet ecclesia
|
Matins antiphon 4
|
Dei dono obviam
processio grata
ut castrorum acies
exit ordinata
sternitur miraculis
strata consecrata
|
Matins antiphon 5
|
Gaudeat parisius
serti privilegio
quo non extat dignius
sub solari radio
|
Matins antiphon 6
|
Salvum fac o domine
regnum atque regem
qui corone gaudio
tuum ditas gregem
|
Matins respons 4
|
Ierusalem
atque byzancium
dive liquit
corone precium
ut gallorum
fiat presidium
|
Matins verse 4
|
Fert magistra
mundi parisius
sertum lauro
sophie dignius
|
Matins respons 5
|
Qui per terras et per mare
cunctis rebus imperat
fluctus sedat nimbos arcet
velis auras temperat
felix navis cuius onus
casus maris superat
|
Matins verse 5
|
Rex qui navi naufraganti
mitigavit maria
nunc corone transfretanti
cuncta reddit micia
|
Matins respons 6
|
Sacras merces
vincentes precia
quas in pignus
sumpsit venecia
regis nostri
redemit copia
|
Matins verse 6
|
Liberalis
regis rex omnium
per coronam
confirmat solium
|
Matins antiphon 7
|
Nunciat in gentibus
sertum quod portavit
quod a ligno crucifer
dominus regnavit
|
Matins antiphon 8
|
Iudicatus nequiter
orbem iudicabit
et certantes fortiter
secum coronabit
|
Matins antiphon 9
|
Diligit iudicium
honor summi regis
et fidele solium
per corone premium
firmat lator legis
|
Matins respons 7
|
Diadema
dat virgo carneum
synagoga
crudelis spineum
sic coronant
regem etherum
|
Matins verse 7
|
Ipsa die
vernoque tempore
vernat christus
utroque decore
|
Matins respons 8
|
Serti viror
virtuti proprius
plus quam auri
vel gemme radius
triumphantem
ornat decencius
|
Matins verse 8
|
Non querebat
fulgens imperium
sed virorem
vite mortalium
|
Matins respons 9
|
Sacri petro regni clavis
et unius uni navis
datum est remigium
unitatem scindens grecus
coronarum perdit decus
perdit et imperium
|
Matins verse 9
|
Minor natu gallia
fidei maioris
emit primogenita
fratris senioris
|
| |
Lauds antiphon 1
|
Preciosum non spinosum
christus sertum respicit
nec picturis sed puncturis
coronari voluit
|
Lauds antiphon 2
|
Coronatus exaltatus
ad se traxit omnia
vis palmarum apertarum
aperit celestia
|
Lauds antiphon 3
|
Homo sursum cerne rursum
sertum dei spineum
hic redegit quidquid egit
per serpentem eneum
|
Lauds antiphon 4
|
Crucifixi spolia
crux corona clavi
transeunt a sedibus
quas fedabant pravi
|
Lauds antiphon 5
|
Ecce fit parisius
paradisi risus
ubi viror oritur
iunci pulchri visus
in quo sua messuit
serta paradisus
|
Lauds (gospel) special antiphon
|
Ecce festum
nove leticie
lucis auget
decorem hodie
quo rex regum
dilecte francie
sertum prebet
cervicis proprie
|
| |
Prime antiphon
|
Regis caput ambiens
sertum erumnosum
angulari lapide
fuit preciosum
inter vepres aries
cornibus herebat
cum coronam spineam
victima ferebat
|
Terce antiphon
|
Hominum pre filiis
forma speciosus
in corona spinea
fulsit gloriosus
rubi splendor veteris
in hac renovatur
novo rubo legifer
novus coronatur
|
Sext antiphon
|
Sicut dulci pluvia
gedeonis vellus
sic recenti gracia
visitatur francia
sacra dei tellus
|
Nones antiphon
|
Quasi sponsum decoratum
corona leticie
contemplemur coronatum
regem christum hodie
|
| |
2nd Vespers (gospel) special antiphon
|
Christe dator
victricis gracie
quos corona
ditas victorie
fac victores
mundi miserie
coronandos
corona glorie
|
2nd Vespers respons
|
In constantinopoli
sumpta manu caroli
pars corone domini
datur dionysio
florum testimonio
vulgi nota lumini
|
2nd Vespers verse
|
Parte fulget alia
regis nostri regia
fax honoris gemini
|
full office name: