full office name: CORONA SPINEA (n4)
edition: AH 5 #11
calendar:August 11
May 04
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: vvgvv.t
Matins: x.ovv{tx,ot,t}v3{v,v,to}v3{o,v,v}
Lauds: og3f.t
2nd Vespers: .g [”]
notes:Christ:
Persons: Moysi
Places: Iudea Tartarei

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Vexilla regis glorie
militantis ecclesie
laudibus attolantur
per quem de mortis nexibus
mortis confractis viribus
fideles liberantur
Vespers antiphon 2
Carnis indutus trabea
corona christus spinea
pro nobis coronatur
hec est preclara galea
quam hostis horret framea
et cedens hebetatur
Vespers antiphon 3
Facta dei dextera
benedicant opera
cuncta creatorem
qui dat nobis munera
ad sananda vulnera
sertum et cruorem
Vespers antiphon 4
Donis preclaris prediti
thesauri nobis crediti
veneremur auctorem
qui nobis arma contulit
quibus humani perculit
generis oppressorem
Vespers antiphon 5
Humiliari voluit
quando pro nobis doluit
rex summe maiestatis
portans coronam spineam
que delet ignominiam
nostre fragilitatis
Vespers (gospel) special antiphon
Gaude felix mater ecclesia
adsunt tibi nova sollemnia
nam corona quondam in gloria
nunc per orbem refulget gloria
 
Matins I
Adsunt dominici
serti sollemnia
laude multiplici
plaudat ecclesia
Matins antiphon 1
Christum sub serto spineo
deridet plebs perfidie
cuius cruore roseo
sertum confertur glorie
Matins antiphon 2
Reges ut vasa figuli
in fine confringentur
qui summi regis emuli
sertum non venerentur
Matins antiphon 3
Adversus dei filium
multi insurrexerunt
et nocentes innoxium
cruorem effuderunt
Matins respons 1
Spina carens flos spina pungitur
per quam culpe spina confringitur
spina mortis spinis retunditur
dum vita moritur
Matins verse 1
Per hoc ludibrium
hostis deluditur
mortis dominium
per mortem tollitur
Matins respons 2
Coronat regem omnium
iudea serto spineo
stat inter spinas lilium
vernans cruore roseo
spinarum culpe nescium
spine punctum aculeo
Matins verse 2
Sub decore fulget purpureo
corpus nitens candore roseo
Matins respons 3
Felix spina cuius aculei
guttis rubent roris sanguinei
vires frangunt hostis tartarei
seras pandunt regni etherei
Matins verse 3
O spinarum immensa gloria
que tot nobis parat remedia
Matins antiphon 4
Beati quorum oculi
presentes contemplantur
que tot terrarum populi
absentes venerantur
Matins antiphon 5
Corone qua gens impia
derisit salvatorem
devotum cum leticia
impendamus honorem
Matins antiphon 6
In tua iesu requie
nos tecum gaudeamus
cuius coronam spineam
in terris honoramus
Matins respons 4
In phase quod precipitur
moysi immolare
sub agni typo creditur
lex christum designare
cuius sanguis effunditur
in phase salutare
Matins verse 4
Hoc aspersus non leditur
nam ad eum non sinitur
percussor penetrare
Matins respons 5
Amici christi plaudite
qui christum profitemini
salutis instrumentum
tropea serti pandite
per illud datur homini
victorie crementum
Matins verse 5
Adverse partes fugite
sumant ministri domini
leticie concentum
Matins respons 6
Parvipendens coronam auream
rex celorum suscepit spineam
stat indutus pestem purpuream
ut contemnas vestitus trabeam
Matins verse 6
Iesu christo conformatus
vestem queras celibatus
Matins antiphon 7
Nos tecum iudex seculi
fac demum gloriari
de serti parte spinei
quos modo das letari
Matins antiphon 8
Videte regem glorie
sanguine cruentatum
cum suo diademate
de spinis coronatum
Matins antiphon 9
Digne chorus fidelium
coronam veneratur
qua redemptorem omnium
coronatum testatur
Matins respons 7
Dum leonis immanitas
latet sub agni vellere
in insontem iniquitas
insanit prolis vipere
iusti caput atrocitas
spinarum stringit vulnere
Matins verse 7
O quanta humilitas
que monstratur hoc opere
cui connexa caritas
satisfecit pro scelere
Matins respons 8
Eterni tabernaculi
rex et redemptor seculi
vilescit insensatis
indutum forma servuli
spinis coronant emuli
dominum maiestatis
Matins verse 8
Herent in carne stimuli
spinarum sordes populi
fert liber a peccatis
Matins respons 9
Hac clara die cantica
cum dulci pange modulo
ecclesia iustorum
laudes christi multiplica
corone crescit titulo
gloria redemptorum
Matins verse 9
Sub hac mundi spes unica
donavit se pro populo
manibus iniquorum
 
Lauds antiphon 1
Adest dies leticie
quo diadema spineum
commendatur memorie
christi cruore roseum
Lauds antiphon 2
Summum regem glorie
spinis coronatum
ridet plebs perfidie
morti condemnatum
Lauds antiphon 3
O quam felix punccio
quam beata spina
de qua fluit unccio
mundi medicina
Lauds antiphon 4
Pungens spina vulnerat
christum pacientem
et a morte liberat
populum credentem
Lauds antiphon 5
Spine rubent sanguine
christum cruentantes
mundum lavant crimine
celum reserantes
Lauds (gospel) special antiphon
Ave spina pene remedium
servi decus regis opprobrium
tua plaga dolor ludibrium
vite nobis merentur premium
 
2nd Vespers (gospel) special antiphon
O decus ecclesie
gloriosa spina
sertum regis glorie
mundi medicina
presentis angustie
dulcor et resina
te laudantes hodie
serva a ruina