| |
| |
Vespers antiphon 1
|
Ave presul gloriose
ave sidus iam celeste
decorans vedaste celum
nos guberna visens humum
quo letemur triumphantes
te patronum venerantes
|
Vespers antiphon 2
|
Iste est [-]/ |
Vespers antiphon 3
|
Iste cognovit [-]/ |
Vespers antiphon 4
|
Confessor domini vedaste
astantem plebem corrobora
sancta intercessione
ut qui viciorum pondere
premimur
beatitudinis tue gloria
sublevemur
et te duce eterna premia
consequamur
|
Vespers respons
|
Hic est vedastus [- MR2]/ |
Vespers verse
|
Ecce sacerdos magnus [-]/ |
Vespers (gospel) special antiphon
|
Adesto nostris laudibus domine rex christe clementissime respice vultu sereno super servos tuos beati vedasti sollemnia devote prevenientes cuius nos quesumus meritis gaudentes suffragiis tuere potenter
|
| |
Matins I
|
Confessorum regem
adoremus qui contulit
beato vedasto gentem
francorum et potestatem
dedit lucrandi
atque sanandi
|
Matins antiphon 1
|
Beatus vedastus legis dei meditator assiduus divini semina verbi genti francorum propinavit fructumque protulit centuplum in conspectu domini
|
Matins antiphon 2
|
In conspectu regis francorum
et multitudinis populorum
mirificavit dominus
sanctum vedastum cuius precibus
annuens restituit ceco lumen celorum
|
Matins antiphon 3
|
Scuto bone voluntatis coronatus et omni virtutum decore conspicuus vedastus urbi atrebate directus est evangelizaturus verbum domini
|
Matins antiphon 4
|
In universa terra et super omnes celos admirabile est nomen tuum domine iesu qui beatum vedastum gloria et honore coronasti
|
Matins antiphon 5
|
Confisus in domino christi sacerdos vedastus multitudine miraculorum inter gentes clarus emicuit
|
Matins antiphon 6
|
Plenitudinem legis tue domine custodiens beatus vedastus inventus est sine macula ideo que ingredi meruit et habitare in tabernaculo et monte sancto tuo
|
Matins respons 1
|
Doctor eximius atrebatum vedastus sacris preconiis celebretur ut quos in carne verbis et exemplis instruxit
Sedulus pro eis apud dominum intercedat
ne lupus insidians oves christi incursare presumat
|
Matins verse 1
|
Ut quos spiritali studio informavit
monitis ac miraculis animavit
|
Matins respons 2
|
Hic est vedastus leucorum sentibus ortus
Quem fama celebrior verbum dei predicaturum ludovico regi socium itineris ascivit
|
Matins verse 2
|
Quatinus per singulos itineris
sui gressus saluberrimis
ab eo imbueretur doctrinis
|
Matins respons 3
|
Vedastus igitur festinantem ad vite fontem deducebat regem
Remigius autem pontifex summus venientem abluebat
|
Matins verse 3
|
Ambo pene pari pietate patres sed vedastus monita salutis dabat
|
Matins respons 4
|
Agmina sacra angelorum letamini pro concivi vestro vedasto
De quo gaudet christi ecclesia feliciter et exultat gaudenter
|
Matins verse 4
|
Omnes virtutes et omnes milicia celorum merito gloriamini cum beato vedasto
|
Matins antiphon 7
|
Desiderium anime servi tui vedasti domine rex eterne adimplesti et coronam vite quam a te expetivit eius capiti imposuisti
|
Matins antiphon 8
|
Gracie divine benediccionem copiosam percepit beatus vedastus a domino tocius orbis conditore
|
Matins antiphon 9
|
Opus mirum dictu nec frequenti visu comprehensum orante enim beato vedasto dominus iesus produxit vinum ex nihilo hic est deus deus noster magnus et laudabilis valde ipse regat nos in secula
|
Matins antiphon 10
|
Elegisti domine beatum vedastum sacerdotem preclarum cuius annua festa recensentes hymnum laudis canimus tibi deo nostro
|
Matins antiphon 11
|
O quam dilecta sunt tabernacula tua domine virtutum in quibus sanctus vedastus de virtute in virtutem progressus de deum deorum iugiter contemplari promeruit
|
Matins antiphon 12
|
Bonorum actuum execucione excrevit beatus vedastus ut cedrus in libano et morum summa sanctitate politus floruit veluti palma
|
Matins respons 5
|
Dum ergo iter carperet
cum rege sacer vedastus nec mortale sonans celestia pertractaret
Et occurrenti ceco lumen restituit
et cor principis in fide solidavit
|
Matins verse 5
|
Sensit itaque vir dei virtutem sibi adesse supernam et totum se in sacras effudit preces
|
Matins respons 6
|
Qui de rupe arida sicienti populo fontem aque vive produxit
Ipse per beatum vedastum de sicco vase vinum manare concessit
ac suos poculo mirabili saciavit
|
Matins verse 6
|
Cum pocula vite vir domini cuidam propinaret amico qui in chana galilee aquas convertit in vinum
|
Matins respons 7
|
Predicator egregius vir domini vedastus urbi atrebate destinatus in ipsa urbis porta duos a clade relevavit egrotos
Nam et claudo gressum et ceco lumen reddidit oculorum
|
Matins verse 7
|
Antequam verbis plueret miraculis
coruscaret qui caducis
carebat munera est superna largitus
|
Matins respons 8
|
Ad laudem et gloriam nominis domini dei altissimi monitis angelicis edificatum est templum beato vedasto
In quo glorificetur dei unigenitus in secula
|
Matins verse 8
|
Hic est beatus vedastus cui templum fieri ab angelis iussum est hominibus
|
Matins (gospel) special antiphon
|
Oremus omnes meritis beati vedasti nos adiuvari qui gentem francorum predicacionis instancia docuit scandere regna celestia
|
Matins respons 9
|
Mos ubi quondam fuerat ferarum ibi pontifex summus beatus vedastus chorum fecit resonare psallencium
Nam et ursi specum in aulam vertit sacrorum
|
Matins verse 9
|
Ut sicut mores bestiales in usum mutavit agnorum ita ex fedis et turpibus pulchra reddidit et honesta
|
Matins respons 10
|
Invitatus ad prandium sanctus dei sacerdos christi exemplum secutus assensum prebere non abnuit
Ut verbum vite convivarum cordibus arcius infunderet et demonum commenta fugaret
|
Matins verse 10
|
Extenta namque dextera crucis signum vasis impressit fugans larvam ex liquore fuso
|
Matins respons 11
|
Sacer sanctus domini vedastus dum in quadam cellula iaceret super eum ignis columna celo diffusa per longa noctis spacia duarum horarum immobilis stetit
et venerabilis vir suum exitum denunciavit
Ac omnibus valedicens animam creatori reddidit
|
Matins verse 11
|
Felicem de hac vita exitum agens solum desiderium viventibus reliquit
|
Matins respons 12
|
O beatum virum vedastum pontificem cuius exitum columna lucis edocuit
Ut verus israel ab egypti erumnis ad promissa regna Festinaret
|
Matins verse 12
|
Visa est igitur spacio duarum horarum columna lucis a domo pontificis usque ad celi fastigium eminere
|
| |
Lauds antiphon 1
|
Solum desiderium beatus vedastus viventibus reliquit felicem de hac vita exitum agens
|
Lauds antiphon 2
|
Hic est beatus vedastus cui templum fieri ab angelis iussum est hominibus
|
Lauds antiphon 3
|
Venerabilem virum beatum vedastum in ecclesia ubi pontificalis cathedre fungebatur officio ibi sepelierunt eum honorifice
|
Lauds antiphon 4
|
Ad laudem et gloriam nominis domini dei altissimi monitis angelicis edificatum est templum beato vedasto in quo glorificetur dei unigenitus in secula
|
Lauds antiphon 5
|
Rogemus omnes beatum vedastum et humiliter supplicemus ut fiat pro nobis in celo coram excelso intercessor qui pro christo amore fuit fidelis confessor in terris
|
Lauds (gospel) special antiphon
|
Vedastus pontifex summus iure festis laudibus sublimatur cuius olim exequiis cetus angelici concinerunt et hi qui in terris corpori flebant auditis celi gaudiis exultarunt
|
| |
2nd Vespers (gospel) special antiphon
|
Vir domini vedastus iam civibus supernis ascitus ardentem lectuli sui domum a flammis eripuit quatinus se ostenderet et regi celorum semper assistere et piis suorum laboribus numquam abesse
|
| |
Vespers (gospel) special antiphon .o
|
Presulis summi ac dotoris egregii votis sollemnibus beati vedasti festa celebremus ut per quem christus fera gencium corda perdomuit superba principum subegit eius nos precibus muniat et ad gaudia superna perducat
|
| |
Matins I .o
|
Venite adoremus dominum qui in sanctis gloriosus est
|
Matins antiphon 1.o
|
Hic est vedastus predicator egregius per quem vero lumine atrebatum mentes christus est illustrare dignatus
|
Matins antiphon 2.o
|
Sacratissimi viri huius sacra francorum rex est predicacione imbutus et ad fontem vite perennis deductus
|
Matins antiphon 3.o
|
Sacer vedastus comes regi factus ceco ad se clamanti lumen reddidit ac regem populum que fide solidavit
|
Matins antiphon 4.o
|
O viros admirabiles remigium ac vedastum per quos rex cum gente francorum baptismo donatus est et saluti
|
Matins antiphon 5.o
|
Ambo propemodum pari pietate patres hic doctrina fidei ille et unda baptismi
|
Matins antiphon 6.o
|
Vedastus ergo venerabilis et amabilis factus est in urbe remorum dum inibi et morum dignitate et virtutum claruit exemplis et vite
|
Matins antiphon 7.o
|
Mirum in modum sacerdos dei vedastus de arido ligno vinum produxit iussu illius qui de rupe arida aquas manare precepit
|
Matins antiphon 8.o
|
Qui in chana galilee latices convertit in vinum ipse suo vedasto de vase sicco vinum optimum propinari fecit amico
|
Matins antiphon 9.o
|
Atrebatum urbi directus vir domini vedastus in ipsa urbis porta claudum curavit et cecum
|
Matins antiphon 10.o
|
Ubi quondam erant psallencium chori ibi sacer domini vedastus reperiens lustra ferarum ad deum ait hec omnia domine nostra et patrum nostrorum pepererunt peccata
|
Matins antiphon 11.o
|
Bestiis imperat vedastus et recedunt abigit demones et fugiunt et angelorum presidia succedunt
|
Matins antiphon 12.o
|
Imitator domini presul vedastus invitatus ad regis prandium ibi et demonum est potestas expulsa et virtus christi miraculo manifestata
|
Matins (gospel) special antiphon .o
|
Sancte et electe deo vedaste miserere mei et supernam pio pectore diligencius deposce potenciam ut mee subveniat miserie
|
| |
Lauds antiphon 1.o
|
Columna ignis illuminans non comburens beati vedasti obitum demonstravit ut verus israel cordis alacritate ad promissam celi patriam festinaret
|
Lauds antiphon 2.o
|
Amplexus igitur signum vir sacratissimus ac lucis amator convocatis filiis inter manus carorum spiritum emisit
|
Lauds antiphon 3.o
|
O dies sancto letissima sacerdoti o dies cuncto mestissima populo quem corporaliter tantus subito deseruit pastor
|
Lauds antiphon 4.o
|
Dum celestes exequie
agerentur in terris
inter voces flencium
in valle ploracionis
cetus gratulancium
audiebatur in celis
|
Lauds antiphon 5.o
|
O virum beatissimum miraculis coruscantibus decoratum preconiali sanctitate conspicuum cuius anime deputate sunt celestes exequie et ab angelis corpori locus elegitur sepulture
|
Lauds (gospel) special antiphon .o
|
Vir domini vedastus [- VE11.We
]/ |
| |
2nd Vespers (gospel) special antiphon .o
|
O admirabilem virum beatum vedastum cui barbaries obedivit bestiarum feritas cessit civis supernus mausoleum dedicavit quem celi regia cum laudibus regnaturum excepit
|
full office name: