| |
| |
Vespers antiphon
|
Confessor christi stephane
gentis tue preces suscipe
ut per te inveniat
graciam christi
cui contulisti
lumen fidei
|
Vespers (gospel) special antiphon
|
Ave beate rex stephane
inclita spes gentis tue
ave doctor et apostole
credulitatis nostre
ave speculum sanctitatis
et iusticie
per te christo credidimus
per te in christo salvemur
ora pro populo
interveni pro clero
ut nullus de tuis
preda fiat hostis
|
| |
Matins I
|
Regem regum venerantes
adoremus dominum
qui in celis coronavit
sanctum regem stephanum
|
Matins antiphon 1
|
Adest festum venerandum
sancti regis stephani
multa laude celebrandum
omni die seculi
gaudeant qui sunt heredes
per hunc facti domini
et sanctorum coheredes
meruerunt fieri
|
Matins antiphon 2
|
Iste sanctus predicator
hungarorum primitus
christiane legislator
factus est divinitus
pro binis tradens bis bina
duplicato precio
vel pro quinque dans bis quina
reportando domino
|
Matins antiphon 3
|
Mundi reges moriendo
regno finem faciunt
qui ut sibi celsitudo
regni regno pereunt
sed hic sanctus terminando
terrenam potenciam
sumpsit regnum incohando
sempiternam gloriam
|
Matins respons 1
|
Iam cum celos ascendisset
nostra salus dominus
atque suis transmisisset
dona sancti spiritus
repleverunt partes mundi
duodeni proceres
seminantes verbum dei
ad salvandos homines
|
Matins verse 1
|
In omnem apostolorum
terram sonus exiit
et in fines orbis terre
verbum horum prodiit
|
Matins respons 2
|
Gaudebat ergo precone
suo queque regio
et grates pro tanto dono
referebat domino
restabat pannoniorum
plebs sine consilio
clausa tenebris errorum
in mundi naufragio
|
Matins verse 2
|
Et dum cresceret in orbe
fidei religio
et credentes puro corde
nascerentur denuo
|
Matins respons 3
|
Genti autem devianti
per mortis illecebras
et procaciter amanti
cecitatis tenebras
ideo differebatur
salutis preconium
ut post moras assequatur
maius beneficium
|
Matins verse 3
|
Ore namque doctor quanto
datur illi serior
dono dei missus tanto
venit excellencior
|
Matins antiphon 4
|
Valde felix es dicenda
a cunctis pannonia
erumpe nunc letabunda
in dei preconia
qui tibi non preceptorem
de plebe discipulum
sed regem predicatorem
misit et apostolum
|
Matins antiphon 5
|
Nam ut attila sub rege
hungarorum populus
tyrannidis lata lege
seviit incredulus
sic sub stephano regnante
vertitur crudelitas
quo figura transmutante
formatur credulitas
|
Matins antiphon 6
|
Dudum namque desolatam
dominus hungariam
penitusque nullo datam
predicatum perviam
per hunc sanctum evocavit
ad baptismi graciam
et cum suis heredavit
dans celorum patriam
|
Matins respons 4
|
Geyse namque duci sancto
sanctus puer nascitur
qui divina matris ventre
gracia perfunditur
et stephano premonstrante
qui post christum passus est
sat quam nasceretur ante
stephanus vocatus est
?Geyse [alt: ?]
|
Matins verse 4
|
Iste deo se devovit
ab adulescencia
nilque lubricum cognovit
ipsius infancia
|
Matins respons 5
|
Sed cum iuventutis metas
sanctus primum posuit
atque iam virilis etas
in eo invaluit
ex tunc factus est famosus
eximiis laudibus
in bellis victoriosus
prudens et fortissimus
|
Matins verse 5
|
Sub mundanis armis dei
miles erat strenuus
nam in bonis erat ei
affectus precipuus
|
Matins respons 6
|
Corde deo credens erat
quod monstrabat opere
omnibus sufficiebat
ipse solus munere
rex erat et predicator
dupla dans stipendia
unde corpore preceptor
gauderet et anima
|
Matins verse 6
|
In divinis studiosus
vir fuit operibus
forma quidem speciosus
magis tamen moribus
|
Matins antiphon 7
|
Vir beatus pardum nempe
fert ad caulas ovium
et leonem ad presepe
bovis ferocissimum
nam minis precibus donis
terret mulcet incitat
pravos mites vanos bonis
christi quos deificat
|
Matins antiphon 8
|
Si plebs ista suscepisset
alium discipulum
forsitan ei misisset
deus quendam alium
sed rebellis gens et fortis
gens grandis audacie
per eiusdem virum sortis
fuit danda gracie
|
Matins antiphon 9
|
Magnus samson ad domandum
leonem immittitur
hungaris ad predicandum
rex fortis eligitur
ex leonis fauce mellis
favus gratus nascitur
ex hungari ore dulcis
deo laus exprimitur
|
Matins respons 7
|
Inter cetera laudanda
virtutis insignia
paciencie miranda
fuit illi gracia
emonstrat quod depilata
pauperum protervia
eius barba dum collata
sunt his beneficia
|
Matins verse 7
|
Et ille tunc fuit letus
dare deo gracias
pro quo dignus est inventus
pati contumelias
|
Matins respons 8
|
Nobilis stirpe rex sanctus
sed fide nobilior
caritate roboratus
et spei non immemor
postquam cursum consummavit
presens spernens seculum
iesu christo commendavit
gloriosum spiritum
offerunt quem ad superna
angelorum agmina
regnaturum in eterna
beatorum patria
|
Matins verse 8
|
Rege sibi pro sublato
pii merent hungari
sed collega pro collato
cives gaudent celici
|
| |
Lauds antiphon 1
|
Scandit sanctus alta celi
stephanus palacia
e parentis sorte primi
sublatus occidua
|
Lauds antiphon 2
|
Hinc exultat in excelso
celestis milicia
et collega pro suscepto
deo reddit cantica
|
Lauds antiphon 3
|
O condicio miranda
et felix per omnia
cum a regno fit ad regna
transitus celestia
cum bonis continuantur
terrenis celestia
|
Lauds antiphon 4
|
Pauperes dono iuvabat
nunc pecuniario
nunc hos evangelizabat
salutis alloquio
|
Lauds antiphon 5
|
Sapienter dispensare
norat donum domini
et mensuram erogare
pro tempore tritici
|
Lauds (gospel) special antiphon
|
O miranda potencia
salvatoris
in meritis beati
stephani
regis et confessoris
qui apud deum et homines
dignus memoria
cum sanctis tripudiat
in gloria
|
| |
2nd Vespers (gospel) special antiphon
|
Sanctissimus rex stephanus
hungarorum apostolus
signis et virtutibus
cottidie
declaratur celitus
ut nos muniat
a malis omnibus
|
| |
Vespers respons .a
|
Exora dilecte dei stephane
pro nobis miseris
ut qui sumus pro culpis
dandi supplicio
per te iungi mereamur
iustorum consorcio
|
Vespers verse .a
|
Dissimiles tibi moribus
laudamus te vocibus
adiuva nos tuis precibus
|
Vespers (gospel) special antiphon .a
|
Ipsi doxa patri deo
eius quoque filio
pariterque coeterno
flamini paracleto
!Paracleto [alt: ?]
|
| |
Matins I .a
|
Convenientes in unum
iubilemus domino
in quo regnat coronatus
gemma regum stephanus
|
Matins I .a2
|
Regem regum venerantes
sollemni tripudio
veste amicti gaudentes
iubilemus domino
qui hodie sublimavit
sanctum suum stephanum
et in celo coronato
dans celeste premium
|
Matins respons .a
|
Regia urbs alba gaude
tanto digna principe
decorata quidem laude
re simul et nomine
eo quod tam preciosi
corporis egregium
possidere meruisti
felix facta precium
|
Matins verse .a
|
Gloriosa dicta sunt de te civitas domini
|
| |
2nd Vespers (gospel) special antiphon .a
|
Prece pia decus hungarie
thronum nobis placa clemencie
ut possimus purgata carie
cives esse celestis patrie
|
2nd Vespers (gospel) special antiphon .a2
|
Gloriosus
cultor dei rex stephanus
hungarorum doctor egregius
ferocitatem gencium
perdomuit mores crudelium
superavit
victor in christo populum
acceptabilem domino
preparavit
|
full office name: