| |
| |
Vespers antiphon 1
|
O mater ecclesia
iubilando lude
colens natalicia
simonis et iude
|
Vespers antiphon 2
|
Duo isti pugiles
domini virtute
pugnaverunt stabiles
mundi pro salute
|
Vespers antiphon 3
|
Dulcis quod es domine
isti gustaverunt
pro tuo se nomine
ultro impenderunt
|
Vespers antiphon 4
|
Alabastrum frangitur
ut in morte horum
vis unguenti spargitur
usui multorum
|
Vespers antiphon 5
|
In celesti patria
nobis iesu dona
horum pro victoria
regnum cum corona
|
Vespers respons
|
Regem babylonie
sancti idolatrie
trahunt ab errore
salubri labore
quem baptismi gracia
confirmat in latria
et dei amore
|
Vespers verse
|
Diro cum fervore
quos fera gens obruit
horum rex mox construit
templum in honore
|
Vespers (gospel) special antiphon
|
O sion tripudia
ornant natalicia
quam apostolorum
thaddei et simonis
qui calcarunt demonis
vires vi donorum
interventu quorum
tuo lotos sanguine
sabbatum da domine
nobis sabbatorum
|
| |
Matins I
|
Adoremus unum deum
psalmis hymnis latria
simonem qui et thaddeum
beavit in gloria
|
Matins antiphon 1
|
Dei narrant gloriam
simon et thaddeus
ad celi leticiam
quos vocavit deus
|
Matins antiphon 2
|
Multa tribulacio
iustos flagellavit
de qua miseracio
dei hos salvavit
|
Matins antiphon 3
|
Super terram principes
eos statuisti
domine municipes
quos celi fecisti
|
Matins respons 1
|
Supernus agricola
terre factus incola
vineam plantavit
in qua operarios
hos tuos et alios
plurimos locavit
|
Matins verse 1
|
Quorum fructus prospere
messium in opere
se centuplicavit
|
Matins respons 2
|
Per mesopotamiam
pontique provinciam
iudas predicavit
per egypti patriam
verbi dei graciam
simon promulgavit
|
Matins verse 2
|
Uterque in persidam
ritu adhuc perfidam
gentili meavit
|
Matins respons 3
|
Botrum portant inclita
de terra pollicita
duo viri isti
quo stupentes faciunt
omnes et alliciunt
ad amorem christi
|
Matins verse 3
|
Extra multa milia
botrus hic electus
inter celi lilia
pascitur dilectus
|
Matins antiphon 4
|
Deo nostro psallite
psallite recenter
cum sanctis his psallite
omnes sapienter
|
Matins antiphon 5
|
Nobis esto domine
deus turris fortis
istorum iuvamine
contra ducem mortis
|
Matins antiphon 6
|
Nunciarunt opera
pietatis dei
ducentes ad ethera
multas gentes ei
|
Matins respons 4
|
Iste due nobiles
ex argento ductiles
tube sonuerunt
suis salutaribus
totum mundum vocibus
recenter moverunt
|
Matins verse 4
|
Excitant ad prelia
cuncta contra vicia
quotquot crediderunt
|
Matins respons 5
|
Thaddeus cum simone
duos magos demone
plenos confuderunt
perside de finibus
signis et virtutibus
illos propulerunt
|
Matins verse 5
|
Vite spreto famine
erroris se sarcine
magi subdiderunt
|
Matins respons 6
|
Isti duo proceres
zizanias veteres
orbis eradicant
qui sicut sol micant
per agrum dominicum
panem evangelicum
parvis cum masticant
|
Matins verse 6
|
Verbi dei framea
fidei ab area
errores extricant
|
Matins antiphon 7
|
Istorum sunt strenua
virtute confracta
peccatorum cornua
et ad nil redacta
|
Matins antiphon 8
|
Nunciant iusticiam
regis angelorum
edocentes latriam
ritusque iustorum
|
Matins antiphon 9
|
Dei testimonia
hi custodierunt
hinc digne celestia
regna meruerunt
|
Matins respons 7
|
Ecce luminaria
duo hi egregia
simon cum thaddeo
orbem de caligine
culpe solvunt lumine
ditant iubileo
|
Matins verse 7
|
Plura bestialia
per virtutum studia
reddunt corda deo
|
Matins respons 8
|
De cuiusdam filia
ducis de luxuria
proles generatur
levita castissime
vite ob hoc pessime
innocens damnatur
|
Matins verse 8
|
Excusant apostoli
tabescunt malevoli
levita salvatur
|
Matins respons 9
|
Quadraginta milia
spreta idolatria
deo crediderunt
suis fractis statuis
relictisque vacuis
demones fugerunt
|
Matins verse 9
|
Templorum pontifices
canini carnifices
sanctos mactaverunt
|
| |
Lauds antiphon 1
|
Sanctos istos dominus
induit decore
quorum nihilominus
laus est in honore
|
Lauds antiphon 2
|
In conspectum domini
cum istis intremus
ipsiusque nomini
laudes iubilemus
|
Lauds antiphon 3
|
Iniqua loquencium
ora obstruxerunt
et sic celi civium
chorum intraverunt
|
Lauds antiphon 4
|
Deo benedicite
spiritus iustorum
ora laudi solvite
sic apostolorum
|
Lauds antiphon 5
|
Cordibus et vocibus
cum istis precelsis
attollamus laudibus
deum in excelsis
|
Lauds (gospel) special antiphon
|
Benedictus oriens
vere lucis sator
cruce nobis moriens
eve vite dator
virtutis amator
his intercedentibus
sis nobis precantibus
dulcis consolator
|
| |
Prime antiphon
|
Devastantes vineas
vulpes propulerunt
corrodentes tineas
corda mactaverunt
|
Terce antiphon
|
Digne in memoriam
hominum vertuntur
celi digne patriam
qui ingrediuntur
|
Sext antiphon
|
Isti sicut lilia
germina dederunt
et in celi curia
fructus protulerunt
|
Nones antiphon
|
Poli iuncti civibus
apud regem celi
prece nobis omnibus
succurrant fideli
|
| |
2nd Vespers antiphon 1
|
Sagenam dominicam
mundo immerserunt
multam qui barbaricam
gentem prendiderunt
|
2nd Vespers antiphon 2
|
Conservis dominicum
dignis et indignis
erogarunt triticum
et verbis et signis
|
2nd Vespers antiphon 3
|
Erit in memoria
laus horum eterna
data enim gloria
est eis superna
|
2nd Vespers antiphon 4
|
Duo isti omnia
domini mandata
mundo per eloquia
vulgaverunt grata
|
2nd Vespers antiphon 5
|
Virtutum charismata
plurima sparserunt
ad vera sic sabbata
plures conduxerunt
|
2nd Vespers (gospel) special antiphon
|
Sacro cum ternario
salubri binario
dulcis est iunctura
sacra nobis trinitas
sit et hec dualitas
opem largitura
cuius in trifaria
immo quadrifaria
orbis partitura
felix fit memoria
laus honor et gloria
numquam transitura
|
full office name: