| |
| |
Vespers antiphon
|
Felix exultet oxoma
preclare laudis victima
preconio fecundo
in huius almi presulis
petri miris miraculis
concentu letabundo
|
Vespers (gospel) special antiphon
|
Lux refulget in tenebris
mundialis erroris
spirat in cordis latebris
spiraculum amoris
absit procella funebris
diutini languoris
nostris sit quies palpebris
sordis spretis illecebris
salvifici soporis
huius patroni meritis
nos coronet in superis
diadema decoris
|
| |
Compline antiphon
|
Sacrificans iusticie
devotum sacrificium
spem habuit fiducie
finalem complens terminum
|
Compline (gospel) special antiphon
|
Lumen possedit gencium
ad revelacionem
dum duxit quod inceperat
ad consummacionem
|
| |
Matins I
|
Adoremus christicole
regem eternitatis
qui coronavit hodie
petrum cum trabeatis
|
Matins antiphon 1
|
Hic vir culmen abhorruit
honoris pestilentis
et in via non abiit
populi delinquentis
|
Matins antiphon 2
|
In virga rexit ferrea
deliros a virtute
quos ab egypti terrea
subtraxit servitute
|
Matins antiphon 3
|
De monte sancto dominus
orantem exaudivit
quem cunctis nihilominus
in bonis stabilivit
|
Matins respons 1
|
Sollemnis instat dulia
sacrosancte diei
in qua celorum curia
tam admirande rei
applaudit et coniubilat
et velut aurum rutilat
corona speciei
|
Matins verse 1
|
Que petro datur presuli
pro labore multiplici
in aula summi dei
|
Matins respons 2
|
Preclusis mundi cladibus
humilitatis gradibus
ad dei scandit numen
fame fragrans odoribus
compaginat in moribus
constancie bitumen
|
Matins verse 2
|
Vir gloriosus meritis
his que sordescunt veritis
divinum nactus lumen
|
Matins respons 3
|
Altitonans antistitem
laudans ex celibatu
quem in mundo superstitem
protegens a reatu
non gracie participem
hunc labi vult a statu
|
Matins verse 3
|
Carnis declinans fomitem
mentem virtutum comitem
tenens in dominatu
|
Matins antiphon 4
|
Signavit sanctum lumine
redemptor sui vultus
quem sustulit de flumine
procellosi tumultus
|
Matins antiphon 5
|
Mane constanter astitit
ante dei conspectum
atque pro reis prestitit
vas precum preelectum
|
Matins antiphon 6
|
Paulo minus ab angelis
hunc deus minoravit
quem sic in sacrificiis
digniorem monstravit
|
Matins respons 4
|
Rector urbis
presedit dirute
et everse
pastor ecclesie
aggregator
nove familie
|
Matins verse 4
|
Hic divine
possessor gracie
hostem stravit
omnis fallacie
|
Matins respons 5
|
Desudavit in stadio
sub huius lucis radio
vir domini preclarus
de crucis patrimonio
in eiusdem preconio
non extitit avarus
|
Matins verse 5
|
Qui functus sacerdocio
scripture vacat ocio
cupidinis ignarus
|
Matins respons 6
|
Electum simoniace
iuxta sacros ecclesie
pontifices sepultum
sacer exhumat pontifex
hoc summus probat artifex
divinitus consultum
|
Matins verse 6
|
Presumpcionis vicium
deus pater felicium
non preterit inultum
|
Matins antiphon 7
|
Iustus in tabernaculo
dei fit habitator
nam extitit in seculo
veritatis amator
|
Matins antiphon 8
|
In benediccionibus
dulcedinis preventus
est dei visionibus
gratuitis contentus
|
Matins antiphon 9
|
Hic innocens est manibus
purus et mundus corde
immunis ab inanibus
verbis et omni sorde
|
Matins respons 7
|
Hic dei primicerius
ut domino liberius
duo daret minuta
quod deprimit exterius
perdomuit austerius
reflorens mente tuta
|
Matins verse 7
|
Ut christum lucrifaceret
et spem in ipsum iaceret
electa tulit scuta
|
Matins respons 8
|
In pastorali baculo
gregem ab hostis iaculo
viriliter defendit
quem pascens in umbraculo
ab estu et obstaculo
tentorium extendit
|
Matins verse 8
|
In caritatis titulo
humilitatis nidulo
errores reprehendit
|
Matins respons 9
|
Vita morte
signa mirifica
confessoris
prece salvifica
dei virtus
patrat magnifica
|
Matins verse 9
|
Egris cunctis
medela previa
restauratur
fide propicia
|
| |
Lauds antiphon 1
|
Indutus fortitudine
corregnat cum beatis
vir plenus celsitudine
perfecte sanctitatis
|
Lauds antiphon 2
|
Deo iubilacio
et congratulacio
omnis sit honoris
quem petri confessio
laudat et professio
vite melioris
|
Lauds antiphon 3
|
Ad te de luce vigilat
lux luminis amator
sic sacias ut siciat
hic tuus imitator
|
Lauds antiphon 4
|
Pontus tellus et ethera
sol luna cuncta sidera
benedicant factorem
qui tot signa mirifica
manu patrat salvifica
per suum confessorem
|
Lauds antiphon 5
|
Exultans cum celicolis
carnis exutus vinculis
in gloria letatur
crebris fulgens miraculis
virtutum propugnaculis
reis patrocinatur
|
Lauds (gospel) special antiphon
|
O solaris radii
iubar luminosum
perlustrantis stadii
gyrum circulosum
nostrum petre nubilum
valde tenebrosum
in laudis nunc iubilum
transfer gloriosum
|
| |
Prime antiphon
|
Vir belial nefarius
et legis adversarius
anathematizatus
attemptans sanctum perdere
arreptus est a demone
sed prece liberatus
|
Terce antiphon
|
Piscem mandens
hostis febricitans
benedictum
saluti redditur
et in sancto
deum magnificans
in utraque
prorsus reficitur
|
Terce respons
|
Signifer immense
cui vovet conflua gens se
civibus extense
celi nos suscipe mense
|
Terce verse
|
Ire succense
nusquam paveamus ab ense
|
Sext antiphon
|
Aqua manans ex ilice
natura prorsus obice
se manibus et siti
obsequiosam prebuit
hoc signum multos perculit
rumoris inauditi
|
Nones antiphon
|
Proselyta paralysi
et nervarum multiplici
lesura dissoluta
est patris patrocinio
ut vulgi vult opinio
saluti restituta
|
| |
2nd Vespers (gospel) special antiphon
|
Absorpta lucis anima
luce fruicionis
exultat in leticia
perfecte visionis
petre pro nobis obsecra
dum tempus est agonis
ne nos clades pestifera
demergat pharaonis
|
| |
Lauds (gospel) special antiphon .f
|
Benedictus rex israel
deus noster emmanuel
qui petro suo famulo
ut lucem daret populo
virtutum affluenciam
dedit et plenam graciam
sicque complens fideliter
assumitur feliciter
regnaturus cum domino
in eternum
|
| |
2nd Vespers (gospel) special antiphon .f
|
Ave speculum oxome
lux et decus ecclesie
unice pater pauperum
singulare remedium
cunctis ad te clamantibus
deum redde propicium
|
full office name: