| |
| |
Vespers antiphon 1
|
Iste sanctus in papatu
multos traxit e tartaro
quos a suo incolatu
liberavit de barathro
|
Vespers antiphon 2
|
In papatu non mutavit
eremi vitam asperam
semper tamen conservavit
solitam abstinenciam
|
Vespers antiphon 3
|
Alter petrus hic probatur
miraculosis actibus
dum ad umbram relevatur
eius quilibet languidus
|
Vespers antiphon 4
|
Loca petit consueta
deserti postquam renuit
laude hominum iam spreta
inter sanctos enituit
|
Vespers respons
|
O miranda et laudanda
christi providencia
que tot digna pandit signa
in petri presencia
dum precatur et locatur
noviter in aquila
|
Vespers verse
|
Sanctum corpus tumulatum
olim in campania
nuper tamen est translatum
cum honoris gloria
|
Vespers (gospel) special antiphon
|
O beate celestine
factus civis celestium
consors gracie divine
obtinuisti bravium
ubi regnas sine fine
ora pro nobis dominum
!Bravium [alt: ?]
|
| |
Matins I
|
Exultemus deo
vocibus sonoris
in translacione
petri confessoris
|
Matins antiphon 1
|
Hic vir sanctus et perfectus
querit deserti abdita
et virtute circumseptus
prebet salutis monita
|
Matins antiphon 2
|
Dum stat crypta interclusus
assistunt sibi angeli
rore celico perfusus
formam assumpsit parvuli
|
Matins antiphon 3
|
Locum signat in magella
alba columba construi
que dum sanctus stat in cella
eius paret obtutui
|
Matins antiphon 4
|
Biennio sic demonstratur
spiritus sancti fieri
templum quod post consecratur
testimonio angeli
|
Matins antiphon 5
|
Sanctus iste videt clare
angelorum exercitum
in ecclesia cantare
eius sacrum officium
|
Matins antiphon 6
|
Inter angelos stat sanctus
amictus veste fulgida
cui dicitur post cantus
crede hoc mente solida
|
Matins respons 1
|
Iste novus eremita
petrus confessor inclitus
et perfectus cenobita
fuit in fide solidus
quem collaudat sancta vita
perseverans catholicus
|
Matins verse 1
|
Summa virtus hunc protexit
ab eiusdem infancia
et ad bonum semper vexit
per virtutum fastigia
|
Matins respons 2
|
Petrus residens in petra
fundatus est in gracia
qui abhorrens queque tetra
mundana sprevit vicia
facieque iugi leta
sancta vixit mundicia
|
Matins verse 2
|
Sanctitatis petit vitam
per plurima ingencia
suam reddens carnem tritam
mira cum abstinencia
|
Matins respons 3
|
Hic prepollet sanctitate
et refulget virtutibus
maximaque unitate
se coniungit fidelibus
et probata honestate
donat statuta fratribus
|
Matins verse 3
|
Stans in montibus desertis
totum se deo dedicat
studiisque iam expertis
terrena semper abdicat
|
Matins respons 4
|
Vitam celicam deducens
mundana semper horruit
velut facula relucens
toto mundo resplenduit
et innumeros inducens
viam salutis dirigit
|
Matins verse 4
|
Bis sex lustris in deserto
vixit bellator strenuus
contra hostem ab experto
pugnavit miles optimus
|
Matins antiphon 7
|
Hic mortificacionem
crucis in se retinuit
et per contemplacionem
deum numquam deseruit
|
Matins antiphon 8
|
Huic sancto parent aves
atque ursi de nemore
et subduntur maris naves
pacificato equore
|
Matins antiphon 9
|
Librum petro corvus portat
per longa terre spacia
quem et angelus confortat
in sancta abstinencia
|
Matins respons 5
|
Post curriculum annorum
romane sedi iungitur
locumque apostolorum
tenere tunc precipitur
factus consors electorum
celestinus assumitur
|
Matins verse 5
|
Summus pontifex vocatur
divino inspiramine
dono gracie dotatur
spiritus sancti flamine
|
Matins respons 6
|
Hic est papa celestinus
factus civis celestium
qui non sentit plus et minus
in ordine humilium
quem attollit mos divinus
ad gloriosum bravium
!Bravium [alt: ?]
|
Matins verse 6
|
Ad augmentum premiorum
hic cedit pontificio
ut thesaurum perfectorum
condat quieto animo
|
Matins respons 7
|
Statu quolibet perfectus
iste confessor extitit
nam divinitus provectus
virtute semper claruit
in papatu stetit rectus
numquam a bono destitit
|
Matins verse 7
|
Post et ante corde puro
querit virtutum culmina
suum corpus cibo duro
domat vitans inania
|
Matins respons 8
|
Iste sanctus augmentatur
virtute postquam renuit
et miraculis ornatur
cum ad desertum rediit
demum sanctus comprobatur
dum feliciter obiit
|
Matins verse 8
|
Nam ad celum clara cruce
pergit hic sanctus previa
dum decedit de hac luce
comite luce fulgida
|
Matins (gospel) special antiphon
|
Vita sancta duplicatur
postquam papatum renuit
sanctitasque serenatur
dum gloriosus obiit
|
Matins respons 9
|
Reverenter tumulatur
hic sanctus in campania
ubi magna congregatur
episcoporum copia
populusque adunatur
ad confessoris funera
|
Matins verse 9
|
Noscens papa hunc obisse
cardinales accelerat
quem removerat fuisse
papam et sanctum noverat
|
Matins respons 10
|
Post hec autem disponente
divina providencia
et campania manente
in magna disceptancia
cursu temporis volvente
tendit sanctus ad alia
|
Matins verse 10
|
Corpus aquilam portatur
cum maximo ingenio
et cum laude collocatur
intus in collemadio
|
Matins respons 11
|
Hic est petrus de murrone
petrus de petra solidus
fortis potens in agone
eremi cultor fervidus
toti mundo fame bone
fuit odor mirificus
|
Matins verse 11
|
Vir angelicus in vita
transcendit vires hominum
et perfectus trapezita
comprehensor celestium
|
Matins respons 12
|
Collaudemus confessorem
petrum ingenti gaudio
quem clamemus defensorem
in sancto patrocinio
et per ipsum creatorem
consequamur in premio
|
Matins verse 12
|
Noster cetus promat laudes
pro sancti huius meritis
qui devicit mundi fraudes
adeptis celi gaudiis
|
| |
Lauds antiphon 1
|
In hac vita sanctus iste
petrus confessor extitit
familiaris baptiste
per desertaque peciit
|
Lauds antiphon 2
|
Huic sepe dum orabat
apparebat in cellula
quemadmodum confortabat
data vivendi formula
|
Lauds antiphon 3
|
Hunc evangelista docet
a sua puericia
ut vitando que hic nocent
sancta vivat mundicia
|
Lauds antiphon 4
|
Stans in montibus magelle
totum se deo dedicat
ut columba sine felle
terrena queque abdicat
|
Lauds antiphon 5
|
Hic oracione sancta
hostem devicit perfidum
ac eiusdem pedis planta
calcat et hunc igniferum
|
Lauds (gospel) special antiphon
|
O confessor gloriose
petre terrena respuens
obiens miraculose
celi gaudia possidens
illa cum victoriose
vexillo crucis adiens
|
| |
2nd Vespers (gospel) special antiphon
|
O mira virtus
petri confessoris
qui et amictus
luce creatoris
ut ostendatur
quanti sit ardonis
celo portatur
specie fulgoris
et sic locatur
confessorum choris
?Ardonis [alt: ?]
|
full office name: