| |
| |
Vespers antiphon 1
|
Innovetur mens divini
cultus ad encenia
voce pangens celestini
votiva sollemnia
|
Vespers antiphon 2
|
Specialis mantuane
polis instat gloria
ornat urbis quam romane
presulis memoria
|
Vespers antiphon 3
|
Cardinalis et levite
preminens officio
fulsit verbi fulsit vite
celebris indicio
|
Vespers antiphon 4
|
Presul summus visione
celesti ter monitus
fidei legacione
hunc insignit celitus
|
Vespers antiphon 5
|
Fide fervens christiana
mittitur emiliam
quo fex cedat arriana
corrumpens italiam
|
Vespers (gospel) special antiphon
|
Ave decus
et gemma presulum
celestine
virtutis speculum
tu celeste
iam tabernaculum
introgressus
solve piaculum
tui gregis
qui tibi tinnulum
solvit ecce
melodis titulum
|
| |
Matins I
|
Adoremus deum trinum
cordis oris latria
presulem qui celestinum
coronat in patria
|
Matins antiphon 1
|
Vacans legi divinorum
celestinus iugiter
sprevit iter impiorum
et doctrinam pariter
|
Matins antiphon 2
|
Apprehendens disciplinam
sacris datam litteris
montem sion ad doctrinam
lingua vocat operis
|
Matins antiphon 3
|
Christum probans susceptorem
et caput ecclesie
arriane mox errorem
confutat nequicie
|
Matins respons 1
|
Vernans cultu pietatis
exultet emilia
doctoremque veritatis
laudet in ecclesia
celestinum pravitatis
extirpantem lolia
|
Matins verse 1
|
In fervore caritatis
predicans utilia
christiane suavitatis
iugo vinxit milia
|
Matins respons 2
|
Involuta viciorum
sorde dudum flavia
flagellaque meritorum
causa ferens gravia
seminanti seminorum
supplex venit obvia
|
Matins verse 2
|
Obiurgata populorum
severis ignavia
celestinus promissorum
verba miscet suavia
|
Matins respons 3
|
Celestinus dum hortatur
plebi salutaria
gens compuncta se testatur
labe ream varia
prece fusa propulsatur
pestis inguinaria
|
Matins verse 3
|
Sic sic pena compensatur
culpe necessaria
dum peccator flagellatur
clade multifaria
|
Matins antiphon 4
|
Celestinum invocantem
exaudivit dominus
dum in plebe debacchantem
iram tulit eminus
|
Matins antiphon 5
|
Scuto bone voluntatis
animando populum
christiane pietatis
fore suasit emulum
|
Matins antiphon 6
|
Laudet nomen plebs divinum
celebri memoria
honore qui celestinum
coronat et gloria
|
Matins respons 4
|
Insistenti discipline
plebis vox ab ethere
sonat dicens celestine
commissum fac propere
ut grex alter a ruine
vocetur itinere
|
Matins verse 4
|
Valedicens a doctrine
non cessabat opere
plebsque plorans hunc divine
commendabat dextere
|
Matins respons 5
|
Proficiscens constipatur
agmine plangencium
dumque tristes consolatur
pervenit ad fluvium
quod nunc senum nuncupatur
propter senis locium
|
Matins verse 5
|
Ibi senex presentatur
curvus per decennium
unda mersus qui curatur
in conspectu omnium
|
Matins respons 6
|
Augens lucra commissorum
sator evangelii
celestinus se convertit
ad forum cornelii
tabe sordens odiorum
atque cede prelii
|
Matins verse 6
|
Unitatem suadens morum
pacis et solacii
clausit vias peccatorum
causasque discidii
|
Matins antiphon 7
|
Spe tendentes ad eterna
serva sine macula
celestine qui superna
colis tabernacula
|
Matins antiphon 8
|
Voluntate labiorum
fretus verbo gracie
finem desideriorum
cernis regem glorie
|
Matins antiphon 9
|
Caritate conclavari
fac nos iesu nomini
tu qui gaudes collocari
monte sancto domini
|
Matins respons 7
|
Dum celestis feneratur
plebi dogma seminis
trucidatus apportatur
a collega socius
cum quo tentus presentatur
auctor tanti criminis
|
Matins verse 7
|
Facti causa ventilatur
lege sub examinis
furor plebis excitatur
ad vindictam sanguinis
|
Matins respons 8
|
Celestinus concionem
advocans alloquitur
quid lucri per talionem
defunctus assequitur
num per rei passionem
vivus restituitur
|
Matins verse 8
|
Iuxta christi racionem
dimittens dimittitur
et qui querit ulcionem
reus constituitur
|
| |
Lauds antiphon 1
|
Perlustrans mediolanum
doctrinis celestibus
pandit iter vite planum
propulsis heresibus
|
Lauds antiphon 2
|
Eutychetis arriani
manichei varia
documenta probat vani
cultus seminaria
|
Lauds antiphon 3
|
Reformato cleri statu
ac plebis emilie
romam redit a bimatu
florentis ecclesie
|
Lauds antiphon 4
|
Verbo vita pietate
virum agens celicum
invocata trinitate
sanat paralyticum
|
Lauds antiphon 5
|
Petri sedes dum orbatur
sancto bonifacio
celestinus sublimatur
summo sacerdocio
|
Lauds (gospel) special antiphon
|
Benedicta sit divini
nominis gloria
cuius dono celestini
floret memoria
qui hac die pulsa tristi
carnis molestia
evocatus voce christi
scandit celestia
|
| |
2nd Vespers (gospel) special antiphon
|
Magnifica
mantua dominum
largitorem
salutis hominum
celestini
qui glebam funeris
tibi misit
in signum federis
nam ereptum
raptorum manibus
tuis dedit
condendum menibus
|
| |
Lauds antiphon .f
|
Alme presul celestine
civis celi curie
vita fruens absque fine
iam expers miserie
laudis tibi matutine
carmen hoc leticie
persolventes fac divine
nos consortes glorie
|
| |
Vespers antiphon .f
|
Recensentes celestini
titulos memorie
cultus vice vespertini
melos demus glorie
genti qui emiliane
predicans censorie
pravitatis arriane
tulit zyma scorie
|
full office name: