full office name: PETRUS (n1)
edition: AH 45 #67
calendar:June 29
structure summary: Matins: secular- {-I}
poetic forms: Matins: l3{lp,lh,lp}l3{lh,lp,lo}l3{lp3} [”q]
type of saint: apostle martyr
notes:apostle
martyr
Places: Bethsaide Iudea Iordanis Acherontis Galilee Ausoniis

By clicking on the icon you can search for offices within the corresponding category.

Here you find the raw text from the LMLO file

 
 
Matins antiphon 1
Ethereos patres
divos de lumine soles
bethsaide thalamus
germano protulit ortu
Matins antiphon 2
Hos iudea potens
regali germine pompans
christo sub veteris
nutrivit grammate legis
Matins antiphon 3
Ex patribus geminis
sed dum deus infima sumpsit
sic ab utroque micans
dux et rex unccio flamen
sancivit proceres
per quos fera sceptra domaret
?Sancivit [alt: ?]
Matins respons 1
Fluctibus abstractis
ceduntur flumina mundi
turbida lucifluis
clarescant quo vada lymphis
unicus unde sator
iordanis ginnat abyssos
?Ginnat [alt: ?]
Matins verse 1
Benedicite aque omnes que super celos sunt domino
Matins respons 2
Suscipit ex merito
deitatis primus amator
discere amantinos
acherontis frangere traclos
et virtute potens
regnorum ferre tridentem
?Traclos [alt: ?]
Matins verse 2
Beatus quem elegisti et assumpsisti domine
Matins respons 3
Errores prime
resecat nova gracia culpe
petrus in hostilem
dum vires exerit aurem
nil minus id pandit
medico medicante cicatrix
Matins verse 3
Hic sanat contritos corde et alligat contriciones eorum
Matins antiphon 4
Prescius omnipotens
galilee litora lustrans
sensit in equoreis
splendencia lumina campis
Matins antiphon 5
Nec mora rex reges creat
et cognomine ditat
et facit heredes
triplices disponit honores
Matins antiphon 6
Cuius ad imperium
victricia arma capescunt
inclita preclaris
peragentes bella tropeis
et placitis
firmans pacatum legibus orbem
Matins respons 4
Cedens proposito
petrus fidei pede lapso
unius allophyle
tremefactus voce puelle
quos ferat addiscit gratis sibi
redditus illi
Matins verse 4
Cuius dum mentis moti sunt pedes et effusi gressus
Matins respons 5
Inter divine
quondam convivia mense
tres dedit audaces
confessio trina timores
terque regenda petro
traduntur ovilia sancto
Matins verse 5
Gloria et honore coronatur et constituitur super opera domini
Matins respons 6
Sculpsit petra petrum
poliens redditque quadratum
et super hunc locat hos
quos diva litura supernos
mittit in usque polos
vite solidante cemento
Matins verse 6
Civitatem magni regis
montesque sion et latera aquilonis
Matins antiphon 7
Sed dum multiplices
petrus ferit ore penates
fascibus ausoniis
invictus parcere spernit
Matins antiphon 8
Nam nisi victor erit
bellator cedere nescit
atque saturnalem
deitatis vendicat urbem
Matins antiphon 9
Exequitur celebres
felix bellator agones
hostis apostatici
dum fraudes trudit ab altis
arcibus ipse poli
victor vexilla reponens
milicie metam
superatis cladibus explens
Matins respons 7
Vestis panzodion nodo
religata quaterno
celitus allabens
mundari pendula poscens
velle dei numen
totum signaverat orbem
Matins verse 7
Orbis carnis parati cibi et preparacio illorum
Matins respons 8
O virtus celebris
quod principis umbra beati
morbos et clades
languores funera pestes
a quocumque fugat
prisca valetudine ditat
Matins verse 8
Ossa conturbata et mentes saucias animasque gravatas
Matins respons 9
Laudibus insignis
quem perpes gloria cingit
leges in populos
statuens velut archisenator
secli iura tenens
regum diademata solvens
orantes turmas
viciorum solve catenas
celica cesareo
pretendens gaudia dono
Matins verse 9
Excrescit ut pluvia doctrina tua fluit ut ros eloquium tuum