| |
| |
Vespers antiphon 1
|
Electorum memoriam
patronorum agamus
felices ut ad gloriam
illorum transeamus
|
Vespers antiphon 2
|
Principalis ecclesie
nostre virgo patrona
maria mater gracie
caritatis corona
|
Vespers antiphon 3
|
Patroni petrus claviger
princeps apostolorum
paulus doctrine signifer
magister populorum
|
Vespers antiphon 4
|
Cosmas atque damianus
valerianus et tiburcius
cancius et cancianus
sancti iustus et arthemius
|
Vespers antiphon 5
|
Almi presules godehardus
epiphanius et bernwardus
speciosa cum cecilia
virgines nobis dent auxilia
|
Vespers respons
|
Gaude virgo
christi matronatu
tuo gratulamur patronatu
iuncta compatronorum caterva
gregem istum maria conserva
|
Vespers verse
|
Salva rege christo famulantes
hac in domo dei ministrantes
|
Vespers (gospel) special antiphon
|
Virgo mater regis angelorum
principalis gemma patronorum
huius domus dei veneraris
habere tecum non dedignaris
ministros plures electos dei
adiuva nos mater sancte spei
iunge nos sanctorum requiei
|
| |
Matins I
|
Laude patronorum
huius domus gratulemur
ut nos in celorum
eis regno colletemur
|
Matins antiphon 1
|
Maria plena gracia
huius templi patrona
nos christi vultu sacia
impetra celi bona
|
Matins antiphon 2
|
Petrus cum paulo veniam
deposcant delictorum
hic nobis ibi gloriam
in cetu beatorum
|
Matins antiphon 3
|
Martyres christi celebres
virgines confessores
vobis psallentes alacres
vos senciant rectores
|
Matins respons 1
|
Virgo christi mater illibata
patrona generis nostri grata
pia laudibus nostris intende
salva nos iustifica defende
|
Matins verse 1
|
Placa nobis
christum tuum natum
nostrum ut indulgeat reatum
|
Matins respons 2
|
Petre crucifixus triumphasti
paule cursum
ense consummasti
una dies ambos coronavit
vos christus in gloria locavit
|
Matins verse 2
|
Sancti petre
paule subvenite
in agone
nobis huius vite
|
Matins respons 3
|
Martyres domini preciosi
cosma damiane gloriosi
proprio sanguine purpurati
celos conscendistis laureati
|
Matins verse 3
|
Coronam decoris suscepistis
de manu dei quam meruistis
|
Matins antiphon 4
|
Reliquie sub gremio
isto quorum foventur
ut beatorum premio
iungamur deprecentur
|
Matins antiphon 5
|
Sancti quorum suffragia
in loco clarent isto
nostra solvant contagia
et nos conforment christo
|
Matins antiphon 6
|
Patronorum victoria
qua cuncta devicerunt
nos collocet in gloria
quam digne meruerunt
|
Matins respons 4
|
Cecilia cum valeriano
sponso suo
fratre cum germano
in angustiis nos recognoscant
vitam nobis
eternam deposcant
|
Matins verse 4
|
Quorum patronatu gratulamur
precibus illorum fulciamur
|
Matins respons 5
|
Requiescunt corpora duorum
hic arthemii
et iusti sanctorum
qui faciant nos precibus beatis
sue coheredes claritatis
|
Matins verse 5
|
Ut illorum gloria conspecta
via celos adeamus recta
|
Matins respons 6
|
Felices athlete triumphales
beati cancius cancianus
et cancionilla
passionum vos sodales
christus fecit et equales
vita beatorum in tranquilla
|
Matins verse 6
|
Patronis gaudemus et his trinis
celi qui nos iungant officinis
|
Matins antiphon 7
|
Honor magnificencia
christi decet electos
cuius beneficencia
beavit corde rectos
|
Matins antiphon 8
|
Coruscabant miraculis
nostri mundo patroni
celorum habitaculis
heredes summi boni
|
Matins antiphon 9
|
Christi pares coniudices
testes virgines alme
facite nos pontifices
vestre consortes palme
|
Matins respons 7
|
Pontifices sanctos veneremur
quorum patronatu confovemur
omni laude
dignos godehardum
epiphanium
atque bernwardum
|
Matins verse 7
|
Pares regni tui quos fecisti
christe duc nos
ubi gaudent isti
|
Matins respons 8
|
Speciosa petronilla
cum honesta decus virginale
sue vobis caritatis
dedit christus
signum triumphale
nam devictis
hoste carne mundo
vos premio beavit abundo
|
Matins verse 8
|
Virgines eximie
nos vestrorum
consortes efficite
gaudiorum
|
Matins respons 9
|
Letemur de gloria sanctorum
huius aule patronorum
qui votis nostris faveant
intendant
et nobis adiutorium
impendant
|
Matins verse 9
|
Pacem vivis gloriam defunctis
obtineant precibus coniunctis
|
| |
Lauds antiphon 1
|
Gloriosum predicamus
te deum mirabilem
in sanctis annunciamus
tuis te laudabilem
|
Lauds antiphon 2
|
Celestis aula iubilat
de tam sanctis patronis
quorum vita nunc rutilat
in terris et in thronis
|
Lauds antiphon 3
|
Preclara testimonia
nostros decent patronos
vera quorum preconia
actus testantur bonos
|
Lauds antiphon 4
|
Sanctorum sapienciam
patronorum narremus
horum magnificenciam
in mundo collaudemus
|
Lauds antiphon 5
|
Exultant in cubilibus
nunc patroni sanctorum
nostri cum celi milibus
conformes premiorum
|
Lauds (gospel) special antiphon
|
Deus universa qui creavit
venerandam nobis adunavit
hanc patronorum celebritatem
christe nobis illorum largire
precibus feliciter transire
ad beatorum societatem
|
| |
2nd Vespers antiphon
|
Digna laude festa
per hec hodierna
huius sacre domus
omnium patronorum
ad gaudia transferamur
sempiterna
nobis suffragantibus
meritis illorum
|
2nd Vespers (gospel) special antiphon
|
Matris alme
christi beatorum
petri pauli coapostolorum
martyrum
virginum confessorum
patronatum simul veneramur
christe nobis
dona te precamur
ut illorum glorie iungamur
|
full office name: