| |
| |
Vespers antiphon 1
|
Nabor et felix genere
mauri divino munere
cultum spernunt idolorum
regem colunt angelorum
|
Vespers antiphon 2
|
Fide fuerunt milites
christi athlete incliti
iusticie operibus
nabor et felix dediti
|
Vespers antiphon 3
|
Non seducti blandimentis
non promissis non tormentis
nabor et felix idola
colunt sed spernunt frivola
|
Vespers antiphon 4
|
Muniti scuto fidei
et lorica iusticie
nabor et felix pugiles
fortes sunt christi acie
|
Vespers antiphon 5
|
Quam naboris et felicis
mors sanctorum preciosa
qui tyrannos prosternentes
palma gaudent gloriosa
|
Vespers (gospel) special antiphon
|
Nabor et felix martyres
virtutibus magnifici
magnificate dominum
chori concives celici
qui sua vos magnifica
magnificavit gloria
magnificandos laudibus
festiva cum leticia
|
| |
Matins I
|
Deo nostro salutari
exultantes iubilemus
atque beatos martyres
reverenter honoremus
|
Matins antiphon 1
|
Capti a maximiano
diro clauduntur carcere
nabor et felix milites
insignes mauri genere
|
Matins antiphon 2
|
In fidei certamine
divina fortitudine
sancti vincunt supplicia
cum triumphali gloria
|
Matins antiphon 3
|
Quam naboris et felicis
est beata milicia
quam dominus remunerat
in supernorum patria
|
Matins respons 1
|
Festum sanctorum martyrum
celebremus sollemniter
revereamur martyres
omnes honorabiliter
naborem atque felicem
triumphantes feliciter
|
Matins verse 1
|
Quorum beatis meritis
suffragiis et inclitis
tanto magis adiuvamur
hos quo magis veneramur
|
Matins respons 2
|
Terram mauritanie
natale solum deserunt
ad partes italie
nabor felix se transferunt
qui pro christi nomine
mortem laude suscipiunt
et celestes incole
veram vitam inveniunt
|
Matins verse 2
|
Reverendorum martyrum
quam felix est collegium
quibus in christum credere
a deo privilegium
datur et vitam ponere
pro christo per martyrium
|
Matins respons 3
|
Quem salvatorem hominum
concepit virgo virginum
laudemus omnes dominum
sanctorum decus agminum
|
Matins verse 3
|
Stolas pro cuius nomine
laverunt agni sanguine
nabor atque felix pii
cum triumpho martyrii
|
Matins antiphon 4
|
Fidem inexpugnabilem
superare non potuit
tyrannorum sevicia
que pugnando succubuit
|
Matins antiphon 5
|
Cum victore nabor felix
consocii martyrio
fide concives patria
sunt et corone premio
|
Matins antiphon 6
|
Immissi sancti martyres
nabor et felix ignibus
egressi sunt incolumes
nullis adusti partibus
|
Matins respons 4
|
Sapientes extiterunt
nabor felix qui spreverunt
cuncta transitoria
atque christum dilexerunt
pro quo mortem subierunt
cum triumphali gloria
|
Matins verse 4
|
Armis muniti fidei
veri christi zelatores
carnem mundum diabolum
fortes vincunt bellatores
|
Matins respons 5
|
Sunt decollati martyres
iuxta flumen exeleram
qui pro perenni gloria
vitam hanc spernunt miseram
desiderantes pocius
pro christo vitam perdere
quam immolare idolis
et falso mundo vivere
|
Matins verse 5
|
Vita vivunt sine morte
beatorum sumpta sorte
qui pro christo iugulati
sunt ab ipso coronati
|
Matins respons 6
|
Religiosum studium
sabine transfert femine
mediolanum corpora
passa pro christi nomine
imposita vehiculo
devoto donans populo
|
Matins verse 6
|
Urbs mediolanensium
hanc sabinam venerare
que thesauro ditissimo
procuravit te ditare
|
Matins antiphon 7
|
Fuerunt sancti martyres
in christi viridario
olentes rose rubee
rubricati martyrio
|
Matins antiphon 8
|
Philippi viridarium
sanctorum est hospicium
cum christo iam regnancium
et fratrum hic degencium
|
Matins antiphon 9
|
Exultant nunc in gloria
sancti cum sanctis omnibus
nabor et felix martyres
in supernis cubilibus
|
Matins respons 7
|
Mediolani civitas
adsit tibi iucunditas
quam sanctorum presidium
in te requiescencium
tuetur ab insidiis
et hostium nequiciis
|
Matins verse 7
|
Nabor et felix precibus
piis tibi subveniunt
quorum beata corpora
locum in te recipiunt
|
Matins respons 8
|
In naboris et felicis
festivo natalicio
festivas laudes resonet
christianorum concio
ipsos cum reverencia
honoret et cum gaudio
|
Matins verse 8
|
Dei nimis honorandi
sunt amici et laudandi
quem in sanctis honoramus
honorantes collaudamus
|
| |
Lauds antiphon 1
|
Sanctos christus induit
mira fortitudine
precinxit virtutibus
in omni certamine
de quorum nabor felix
sunt beato agmine
|
Lauds antiphon 2
|
Nabor felix exultate
deo iacob iubilate
qui vos passos honoravit
et depressos exaltavit
|
Lauds antiphon 3
|
Nabor felix ad dominum
sancti de luce vigilant
qui fidei et operum
splendore clari rutilant
|
Lauds antiphon 4
|
Deum benedicite
celi terra maria
hymnum sibi dicite
qui creavit omnia
pro quo nabor et felix
passi sunt martyria
|
Lauds antiphon 5
|
Collaudemus sollemnibus
deum in sanctis laudibus
quem nabor felix patria
dignum collaudant gloria
|
Lauds (gospel) special antiphon
|
O gloriosi martyres
nabor et felix fundite
pias preces ad dominum
pro nobis intercedite
ut hic det nobis graciam
et in futuro gloriam
|
| |
2nd Vespers antiphon 1
|
Gaudeant fratres minores
crucifixi zelatores
hospites facti sanctorum
martyrum et confessorum
|
2nd Vespers antiphon 2
|
Sancti loqui non trepidant
coram regum sevicia
quos amor christi fecerat
audaces cum constancia
|
2nd Vespers antiphon 3
|
De precioso lapide
in martyrum capitibus
coronas ponit dominus
qui celi gaudent sedibus
|
2nd Vespers antiphon 4
|
Sancti regna contempserunt
que per fidem devicerunt
operati iusticiam
sunt consecuti gloriam
|
2nd Vespers antiphon 5
|
Iacent sanctorum corpora
pacis sepulta requie
semper ipsorum nomina
vivent vita memorie
|
2nd Vespers (gospel) special antiphon
|
Magnificemus dominum
magnificum per omnia
qui naborem et felicem
pia magnificencia
in supernorum patria
hos laudibus plebs omnium
magnificet fidelium
|
| |
$A
|
Ortus philippi redolet
rosis violis liliis
martyribus virginibus
et confessoribus piis
quorum pars peregrinatur
pars cum christo gloriatur
|
full office name: