full office name: MAXIMUS & socii (n1)
edition: AH 24 #86
eccles:mon
calendar:August 02
structure summary: Vespers: A4RE
Matins: monastic
Lauds: A5E
2nd Vespers: E
poetic forms: Vespers: vivo{g}.i
Matins: i.gffvvg{x,x,o,g}x6{xl,g,v,vf}.x{gl,v,g,fv}
Lauds: oxvxo.g
2nd Vespers: .x [”q]
type of saint: bishop confessor
geographical information:Padua, Italy
notes:confessor
bishop
Persons: Maxime Iuliane Felicitas Maximus Iulianus Maximi
Places: Patavorum Paduane

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Alme pater confessorum
in caterva fultus morum
presul digne patavorum
advocatus tu es quorum
o beate maxime
Vespers antiphon 2
Incliti sunt bellatores
sancti dei innocentes
stolas suas abluentes
in sanguine sunt sequentes
agnum sine macula
Vespers antiphon 3
Egregie ensis lator
christi miles propagator
veritatis conservator
nostre pugne tu pugnator
pro nobis iuliane
Vespers antiphon 4
Clara velut felicitas
solis iubar et claritas
beata cuius bonitas
nos fovet sua sanctitas
pro clero et interpellet
Vespers respons
O pia clemencia
nostri redemptoris
sic nos beatificas
munere decoris
Vespers verse
O celsa benignitas
caritas amoris
Vespers (gospel) special antiphon
Clara dies leticie
qua digna fit invencio
omnium sanctorum
eorum prece sedula
nos duc ad celi gaudia
iesu laus angelorum
 
Matins I
Regi regnorum
deo iubilemus
qui sanctorum suorum
nos letificat
invencione sollemni
Matins antiphon 1
Hi cum mulieribus
non sunt coinquinati
celo gaudent angelis
dei sociati
Matins antiphon 2
Sociatus sanctis dei
maximus beatus
vita fruitur eterna
celis collocatus
Matins antiphon 3
Collocatur iulianus
atrio sanctorum
spreto mundo digne vivit
vita beatorum
Matins antiphon 4
Beatorum cetu gaudet
beata felicitas
cuius placuit eterno
sponso digna caritas
Matins antiphon 5
Caritate decorati
deo plaudunt coronati
corona mundicie
Matins antiphon 6
Corona iusticie
venustate morum
astat regi glorie
cetus hic sanctorum
Matins respons 1
Dulcis memoria
digne recolitur
dum innocencia
nobis proponitur
a patre luminum
Matins verse 1
Claret preconium
dum innocencium
adest invencio
Matins respons 2
Forma iusticie
dilecte domini
pastor egregie
gregis dominici
spem dona venie
Matins verse 2
Nobis supplicibus
te venerantibus
beate maxime
Matins respons 3
Veri solis iusticie
splendor illuxit hodie
coruscans luce gracie
iulianus
Matins verse 3
Fulget in celis glorie
splendet in terre limite
vita clarus
Matins respons 4
Gemma pudicicie
gleba cuius hodie
mundo revelatur
prece tua protege
Matins verse 4
Beata felicitas
quos delicti gravitas
gravat nec levatur
Matins antiphon 7
Exultent hodie
fideles populi
nam fit invencio
sanctorum domini
Matins antiphon 8
Sanctorum domini
refulget gloria
quorum applausibus
plaudit ecclesia
Matins antiphon 9
Plaudit ecclesia
digno preconio
dum claret hodie
felix invencio
Matins antiphon 10
Felix invencio
digne recolitur
dum sanctis domini
laus vera canitur
Matins antiphon 11
Laus vera canitur
in terra hodie
quibus et premium
donatur glorie
Matins antiphon 12
Donatur glorie
celestis premium
his sanctis hodie
pacis in gaudium
Matins respons 5
Digna laudacio
fit innocencium
quorum laus inclita
laus fuit mencium
Matins verse 5
Tolle iesu cor moriencium
pro te rex gencium
Matins respons 6
Presul hic est maximus
laude celsa dignus
pater huius patrie
mitis et benignus
Matins verse 6
Nos per hunc suscipiat
celsi celi sinus
Matins respons 7
Sume preces iuliane
civitatis paduane
digne fusas hodie
Matins verse 7
Gloriose mundi victor
preces nostras suscipe
Matins respons 8
Tu decus es mundicie
gloriosa felicitas
per te nostra parvitas
sit accepta deo
Matins verse 8
In eternum gloriaris
sponsa christi singularis
in excelso celo
Matins (gospel) special antiphon
In terra domini
tenent duplicia
victis suppliciis
sumpta leticia
Matins respons 9
O sacrum depositum
trium innocentum
quorum ad victoriam
fides est parentum
horum ferens spiritus
supra firmamentum
Matins verse 9
Coheredes iesu christi
fiunt in exemplum
Matins respons 10
O beata felicitas
cuius sic generositas
placet regi celorum
decus insigne morum
Matins verse 10
Cara placensque caritas
sodalis angelorum
Matins respons 11
Ave sidus aureum
iuliane sancte
iubar solis fulgidum
te patrocinante
nostra sit societas
cum summo regnante
Matins verse 11
Mundi spreto tramite
domino donante
Matins respons 12
Felix mater ecclesia
quam maximi clemencia
maxime decorat
cuius grata devocio
celos scandens oracio
pro nobis exorat
Matins verse 12
O precelsum depositum
quod supplex hec ecclesia
tripudians honorat
 
Lauds antiphon 1
Laudibus innumeris
veneratur ecclesia
diem sanctorum domini
devota cum leticia
Lauds antiphon 2
Luce splendifica
splendent in ethere
quondam inglorii
divino munere
Lauds antiphon 3
Sicut aurum approbati
spretis mundi dapibus
celis gaudent collocati
iuncti celi civibus
Lauds antiphon 4
Preces effundite
dilecti domino
pro cuncto supplici
nostro collegio
Lauds antiphon 5
Beati sancti domini
qui spreto mundi gaudio
divino plaudunt nomini
Lauds (gospel) special antiphon
O mira benignitas
domini celorum
qui nos sic letificat
gaudiis sanctorum
et illos glorificat
vita beatorum
 
2nd Vespers (gospel) special antiphon
O celum continens
rex potentissime
qui terram ponderas
sanctorum agmine
tu nobis conferas
te frui munere
quod sanctis tribuis
benignus hodie