| |
| |
Vespers antiphon 1
|
Ex regali germine
puer erat natus
et a patre primitus
mocuma vocatus
|
Vespers antiphon 2
|
Eius puericia
cunctis erat grata
et claris virtutibus
iuventus ornata
|
Vespers antiphon 3
|
Sic columbam studuit
sanctus imitari
ut hunc vulgus undique
cepit venerari
|
Vespers antiphon 4
|
Ne sanctum extolleret
fama sanctitatis
parentes et patriam
clam fugit et gratis
|
Vespers antiphon 5
|
Ad ionam insulam
post se conferebat
ubi deo pluribus
annis serviebat
|
Vespers respons
|
Trina christus
in puericia
per mocumam
fecit miracula
ignis aer
mortis et vincula
innocenti
dabant obsequia
|
Vespers verse
|
Tota sanctum
perfudit gracia
dei virtus
quod in infancia
innocenti
dabant obsequia
|
Vespers (gospel) special antiphon
|
Dum nutricis
lactescet ubera
puer sanctus
cohors angelica
supra tectum
ludens in aera
nova novo
dat nato gaudia
quibus visis
rex pater intima
mente laudat
dei magnalia
|
| |
Matins I
|
Honor christo
sit et imperium
qui ad celum
vexit mauricium
|
Matins antiphon 1
|
Natus regis pueri
frater morti datur
sed tactu mauricii
mox resuscitatur
|
Matins antiphon 2
|
Sicut moysi fuerat
rubus incombustus
puer rogo vagiens
remansit inustus
|
Matins antiphon 3
|
Sub aqua tenerrimus
innocens profunda
iacuit sed puerum
non summersit unda
|
Matins respons 1
|
Adulescens
superno placuit
et se cunctis
pium exhibuit
unde celum
ingredi meruit
|
Matins verse 1
|
Vite verbum
multis aperuit
atque vita
beata claruit
|
Matins respons 2
|
Domat carnis
motus illicitos
vincit mundi
conatus noxios
terit hostis
antiqui tribulos
|
Matins verse 2
|
Manus mentem
cordis et oculos
pie tendens
semper ad superos
|
Matins respons 3
|
O res mira
sceptrum despicitur
atque mundi
decus contemnitur
et paupertas
gratis eligitur
|
Matins verse 3
|
Tota mente
christus diligitur
ac pro christo
corpus affligitur
|
Matins antiphon 4
|
Aper ferus feriens
fruges fausto dente
vertitur in lapidem
hoc sancto iubente
|
Matins antiphon 5
|
Precibus mauricii
latex obedivit
et de montis vertice
saliens exivit
|
Matins antiphon 6
|
Nil dedit superbie
sed in caritate
et in vera vixerat
semper sanctitate
|
Matins respons 4
|
Patroni
fama clarissima
procul volat
atque catholica
plebs currit
visura miracula
sancta letetur
mater ecclesia
de tanti
patris clemencia
|
Matins verse 4
|
Qui nobis dux
sit et lucerna
nos pie ducens
ad gaudia sempiterna
|
Matins respons 5
|
Livor latens
crescit in odium
zelant fratres
fratris excidium
per columbe
sancti consilium
gratis sumpsit
sanctus exilium
|
Matins verse 5
|
Ratem remos
et remigancium
sumptus querit
mora fit tedium
|
Matins respons 6
|
Campus coli
cultro precipitur
et harena
per sulcos seritur
crescit bladum
messis colligitur
hoc in fide
christi perficitur
|
Matins verse 6
|
Adiuvari
natura nititur
quod in granum
harena vertitur
|
Matins antiphon 7
|
Ut paulus in pelago
naufragus iacebat
sub unda sic innocens
vivus remanebat
|
Matins antiphon 8
|
Genus gentem patriam
fugit et honores
ut salutis quereret
fruges meliores
|
Matins antiphon 9
|
Sanctum virum
gignit hibernia
educavit
illum albania
cuius corpus
in reverencia
turonensis
tenet ecclesia
cuius preces
et patrocinia
nos perducant
ad celi gaudia
|
Matins respons 7
|
Vite sancte
facto curriculo
sanctum corpus
datur sarcophago
in martini
sancti cenobio
|
Matins verse 7
|
Turonensis
ipsum continuo
veneratur
semper obsequio
|
Matins respons 8
|
Eius tumbam
frequentant languidi
ubi tactu
sancti sarcophagi
sanitati
sunt sepe redditi
|
Matins verse 8
|
Ceci claudi
morbosi ceteri
illum prece
poscentes humili
|
Matins respons 9
|
Pie presul
pravos purifica
purga mentes
pelle piacula
atque corda
tuorum visita
et ad laudes
excelsi subleva
|
Matins verse 9
|
Pia prece
tu nobis impetra
post decessum
celi solacia
|
| |
Lauds antiphon 1
|
Nullum dedit ocio
tempus vel orabat
semper vel colloquiis
divinis vacabat
|
Lauds antiphon 2
|
Fixo piscis gutture
dron osse vexatur
sed ad sancti subito
preces liberatur
|
Lauds antiphon 3
|
Ubi flumen presulis
instar intrat mare
baculi mauricius
cepit habitare
|
Lauds antiphon 4
|
Romam petit pontifex
ubi consecratus
est atque mauricius
a papa vocatus
|
Lauds antiphon 5
|
Semper evangelii
verba reducebat
ad mentem sed sepius
illa proferebat
|
Lauds (gospel) special antiphon
|
Nos a cunctis
iniquitatibus
semper servet
sanctus mauricius
atque purget
suisque precibus
nos coniungat
supernis civibus
|
| |
2nd Vespers (gospel) special antiphon
|
Iesu christi
confessor humilis
pie nobis
succurrens miseris
fac excelsis
in tuis meritis
simus tuti
expulsis viciis
in adventu
futuri iudicis
|
full office name: