| |
| |
A verse LR
|
Ut lux fuit maurilius
in tenebris sedentibus
gentes cecas illuminans
fide verbis operibus
|
A verse LV
|
Hic quem in terris dominus
lustravit luce gracie
nunc est in celis lucidus
luce perennis glorie
|
A verse CA
|
In maris mundi positos
periculos fluctibus
maurili pater adiuva
nos tuis sanctis precibus
qui salutis remedium
donasti naufragantibus
duc nos ad portum glorie
fac nos frui celestibus
|
A verse IR
|
Sollemni cum leticia
fidelium ecclesia
congaudeat maurilio
in eius natalicio
|
A verse IV
|
Huius sancti memoria
sit cunctis venerabilis
ut hic in nostris precibus
reddatur exaudibilis
|
A verse IA1
|
Presul iustis maurilius
laboravit finaliter
quem christus nunc remunerat
in celis eternaliter
|
A verse IA2
|
Erit iustus maurilius
in eterna memoria
qui nunc cum sanctis omnibus
perenni gaudet gloria
|
A (gospel) verse _E
|
O maurili magnificis
magnifica preconiis
christum qui te magnificat
cum gloriosis premiis
|
A verse B$
|
Maurili nobis subveni
tuis beatis precibus
defende tuos famulos
a malis imminentibus
vitam nostram nos agere
fac in sanctis operibus
|
| |
A M _R1
|
A martino maurilius
ordinatus est levita
sacerdos atque pontifex
cuius viri tota vita
fuit ab annis teneris
sanctitate redimita
|
A M _V1
|
Corpus conculcans proprium
hic frequenter ieiunabat
austerus hic vigiliis
hoc orando castigabat
|
A M _A1
|
Mediolanensium
pontifex oximius
lectorem maurilium
ordinat ambrosius
|
A M _R2
|
Maurili serve domini
clemens prudens et fidelis
in hac valle miserie
subvenire nobis velis
ne nos carnis diaboli
vulneremur diris telis
|
A M _V2
|
Tu nostram navem dirige
pietatis tue velis
ne nos mundi vertigine
naufragemur et procellis
|
A M _A2
|
Frequentibus se macerat
maurilius ieiuniis
crebris oracionibus
assiduis vigiliis
|
A M _R3
|
Andegavensis civitas
magnis exulta laudibus
tuis donatur pontifex
maurilius concivibus
|
A M _V3
|
Qui te divinis instruens
verbis sanctis operibus
te ad salutem revocat
miris fulgens virtutibus
|
A M _A3
|
Episcopus maurilius
miris pollens virtutibus
viros leprosos liberat
a cunctis lepre sordibus
|
| |
A Q $A1
|
Donavit deus graciam
magnificam maurilio
per quam fugavit demones
suo multos imperio
|
A Q $R
|
Virum sanat maurilius
lesum a morsu vipere
impresso sibi primitus
sancte crucis charactere
|
A Q $V
|
Ad domini servicium
cepit iste recurrere
quem deus per maurilium
sanum dignatur reddere
|
A Q $A2
|
Ex mediolanensibus
maurilius parentibus
fuit ortus nobilibus
|
A Q KA
|
Talenta sacra duplicans
servus christi maurilius
fidelis constituitur
supra multa industrius
|
| |
A L HR
|
Resplenduit maurilius
miraculis insignibus
quam plures egros liberans
a variis languoribus
hic curat paralyticos
dat lumen non videntibus
sanat cum quartenario
contractum membris omnibus
|
A L HV
|
Annis iacentem puerum
iam septem clausum tumulo
resuscitat maurilius
sue vocis oraculo
|
A L LR1
|
Dum subiret naufragium
navis onusta mercibus
in aquarum vertigine
turbatis maris fluctibus
signo crucis maurilius
succurrit naufragantibus
cunctis suum suffragium
devote implorantibus
?Onusta [alt: ?]
|
A L LV1
|
Huius beati meritis
et intercessionibus
naute ad litus applicant
salvis personis mercibus
|
A L LR2
|
Dum martinus consecrat
in presulum consocium
in columbe specie
sedet super maurilium
testans eius merita
mitis et sanctus spiritus
quibus et tunc astitit
angelicus exercitus
|
A L LV2
|
O quam dignus maurilius
honoris reverencia
quem tantum honorificat
deus cum celi curia
|
A (gospel) L _E
|
Benedictus dominus
benedixit maurilium
quem recepit hodie
in agmine celestium
|
| |
A H _A1
|
Passionis memoria
christi sit nostris mentibus
quam in cruce sustinuit
pro nobis peccatoribus
quem secutus maurilius
cum cruce penitencie
venit per vitam asperam
ad locum omnis glorie
|
A H _A2
|
Sanavit manus aridas
signo crucis imposito
et usui maurilius
restituit has solito
?Usui [alt: ?]
|
A H _A3
|
Benedicite domino
cuncta ipsius opera
qui hodie maurilium
adduxit super sidera
|
A H _A4
|
Collaudemus maurilium
nos cum festivis laudibus
in cymbalis et organis
choris bene sonantibus
|
A H B$
|
Mulieri que fuerat
cum viro diu sterilis
a deo per maurilium
puer datur placibilis
|
| |
A $_A1
|
Signo crucis maurilius
demonium de femina
pellit ipsi restituens
cece optata lumina
|
A $_A2
|
Divina fretus gracia
quatuor maurilius
resuscitavit mortuos
confessor egregius
|
A $_A3
|
In divinis scienciis
doctus et liberalibus
a martino maurilius
ab annis puerilibus
doctorem suum sequitur
cum sanctitatis gressibus
|
A $_A4
|
Placens deo maurilius
per sanctitatis opera
inter discordes pontifex
componit pacis federa
|
A $_A5
|
Maurilius se induit
aspero cilicio
corpus suum subiiciens
spiritus imperio
|
A $_A6
|
Artam vitam maurilius
monachorum deseruit
qui arciorem ducere
solus vivendo maluit
|
A $_A7
|
Etatis nonagesimo
sue anno maurilius
migrans de carnis carcere
fit supernorum socius
|
A $_A8
|
Pia prece maurilii
igne demisso celitus
idolorum consumitur
locus culture deditus
|
| |
A K _A
|
Instar cameli genuum
maurilii sunt genua
dura facta cum cubitis
flexione assidua
|
| |
A W _A
|
Latens presul maurilius
sub hortulani specie
a nunciis fidelibus
andegavensis patrie
in pisce claves recipit
repertas dono gracie
sub quibus clause fuerant
venerande reliquie
|
full office name: