| |
| |
A verse LR
|
Virgo lucia gracie
luce lucens et glorie
ora christum attencius
pro nobis et frequencius
|
A verse LV
|
Ut peccati caligine
pulsa fruamur lumine
christo sole iusticie
celi rege milicie
|
A verse CA
|
Clemens virgo martyr pia
cecis lumen da lucia
te cunctis reverentibus
tuis beatis precibus
infirmos sana oculos
pietatis collirio
christi defende famulos
a peccati contagio
|
A verse IR
|
Celebremus sollemniter
omnes vocibus sonoris
festum lucie virginis
sociate sanctis choris
que nunc cum sponso residet
non ut stulte que sunt foris
|
A verse IV
|
Prudens virgo iuvencula
ad christum sponsum properat
ne recludatur ianua
se introire differat
|
A verse IA1
|
In amore fervens dei
zelat zelatrix fidei
pro christo vitam ponere
magis quam mundo vivere
|
A verse IA2
|
Virgo hec immaculata
deo placens deo grata
est in celis coronata
summo regi sociata
|
A (gospel) verse _E
|
Magnificet ecclesia
sponsum lucie virginis
qui pro salute hominum
naturam sumens hominis
de inferni voragine
suo nos duxit sanguine
|
A verse B$
|
Syracusana civitas
felix felici germine
redde grates altissimo
qui de amaritudine
mundi luciam separat
et locat celi culmine
ubi optata fruitur
sui sponsi dulcedine
|
| |
A M _R1
|
Letare urbs catania
agatha tuo germine
et syracusa lucia
gaude tua propagine
que sunt pro christo martyres
in virginali agmine
|
A M _V1
|
O martyrum et virginum
quam beata collegia
in quibus rose rubee
et candida sunt lilia
|
A M _A1
|
Ut columba sine felle
fuit mens huius puelle
que dat christo suum velle
data sibi sua pelle
|
A M _R2
|
Mater lucie virginis
languens pro fluxu sanguinis
fide sanatur filie
virtute regis glorie
et sibi suffragantibus
agathe sancte precibus
|
A M _V2
|
Sanctas christus mirificat
insignibus miraculis
quas collocat feliciter
eternis habitaculis
|
A M _A2
|
Non cum stultis virginibus
mansit hec clausa ianua
sed patriam ingreditur
cum corona perpetua
|
A M _R3
|
Est de quinque virginibus
lucia hec prudentibus
que nupciis perpetuis
gaudens non vasis vacuis
cum sponso nunc reficitur
christo qui numquam moritur
|
A M _V3
|
Non in mundo sponsus talis
reperitur iste qualis
pulcher prudens et regalis
dives cunctis liberalis
|
A M _A3
|
Ora lucia lucida
christum ut mente nitida
vitantes cuncta sordida
nos aula locet fulgida
|
| |
A Q $A1
|
Virgo adolescentula
christum dilexit sedula
quam nunc fovet amplexibus
ipse supernis sedibus
|
A Q $A2
|
Lucia virgo sequitur
cum cantico leticie
agnum quocumque ierit
habens palmam victorie
|
A Q $R
|
A christo non poterat
penis separari
lucia quem noverat
sponsum sine pari
et quem predilexerat
zelo singulari
|
A Q $V
|
Predilectam predilectus
et ex milibus electus
luciam sponsam eligit
quem pre cunctis hec diligit
|
A Q $A3
|
Spreto toro maritali
contempta sorde carnali
virgo ad sponsum properat
quem immortalem noverat
|
A Q KA
|
Decoram habens faciem
virgo rex tuam speciem
concupiscens desiderat
qui pulcher te zelaverat
|
| |
A L HR
|
Lucia et euticia
pie mater et filia
cuncta que habent propria
donant christi pauperibus
condentes horum manibus
thesaurum in celestibus
|
A L HV
|
Beate sunt que affluunt
pietatis visceribus
et largas eleemosynas
ministrant indigentibus
|
A L LR1
|
Virgo ferens martyrium
est inter spinas lilium
quod cum ab eis pungitur
maior odor emittitur
sic penis puncta pluribus
virgo refundit omnibus
odorem paciencie
cum candore mundicie
|
A L LV1
|
Hec rose per martyrium
per castitatem lilium
fragrat in ecclesia
virtutum fragrancia
|
A L LR2
|
Tam gravi fixa pondere
divino fuit opere
qui se in christo fixerat
quod moveri non poterat
humana fortitudine
neque boum conamine
?Boum [alt: ?]
|
A L LV2
|
Hec lucia generosa
mente carne speciosa
est in celis exaltata
et a christo coronata
|
A (gospel) L _E
|
Sit benedictus dominus
in penis qui fortificat
luciam suam martyrem
et in celo magnificat
|
| |
A H _A1
|
Virgo pro christi nomine
pugnat cuius iuvamine
consequitur victoriam
ad crucifixi gloriam
celestem intrans patriam
|
A H _A2
|
Cantet laudes fidelium
plebs redemptori omnium
qui dat lucie solium
celeste per martyrium
|
A H _A3
|
In huius festo virginis
deum benedicite
et eius mira opera
laudem sibi dicite
|
A H _A4
|
Laudet christum ecclesia
in eius potentibus
qui luciam associat
in regno cum virginibus
|
A H B$
|
O virgo syracusana
mentes nostra clemens sana
da spernamus ut mundana
et vitemus cuncta vana
deponentes veterana
fac in vite nos membrana
scriptos frui dulce manna
|
| |
A $_A1
|
Hec variis virtutibus
amicta velut vestibus
virginalem servans torum
placuit regi celorum
|
A $_A2
|
Fideles deo iubilent
et laudibus invigilent
qui luciam pugnatricem
fortem sexu fragili
atque reddidit victricem
triumpho mirabili
|
A $_A3
|
Christus luciam virginem
induit fortitudinem
indutam nunc regalibus
aula celesti vestibus
|
A $_A4
|
Virtutibusque rutilat
virgo de luce vigilat
cuius festum veneremur
et in ipso colletemur
|
A $_A5
|
Constans et firma paciens
in persecucionibus
virgo lucia extitit
sanctis adiuta precibus
|
A $_A6
|
Licet tyrannus seviat
et in penis deficiat
virgo semper immobilis
perseverat et stabilis
|
A $_A7
|
Hec non minis reducitur
non tormentis concutitur
que in dilecto figitur
|
A $_A8
|
Huius corpus prosternitur
mens ad deum erigitur
martyr celum ingreditur
supernis leta fruitur
|
A $_A9
|
In huius gula virginis
gladius infigitur
hec sumpto christi corpore
mox celum ingreditur
|
A $_A10
|
In martyrum consorcio
et virginum collegio
coronatur aureola
lucia spernens idola
|
A $_A11
|
Inclita urbs catania
per agatham honoratur
syracusana civitas
per luciam sublimatur
|
| |
A K _A
|
Est intus cum prudentibus
cum accensis lampadibus
lucia non cum fatuis
foras cum vasis vacuis
|
full office name: