| |
| |
Vespers antiphon 1
|
Cunctos presbyteros
illustrat iste sacerdos
litteris inclitus
moribus atque fuit
|
Vespers antiphon 2
|
Cum christo mens sensus idem
eademque voluntas
hic potuit merito
facere quod voluit
|
Vespers antiphon 3
|
Qui steriles mentes
virtutibus aptat opimis
principibus populi
collocari meruit
|
Vespers antiphon 4
|
Digna deo vota
conspectu populi facta
atriis hic christi
ierusalem imposuit
|
Vespers antiphon 5
|
Doctrine et morum
hic plurima semina sparsit
exultans metit
que lacrimans seruit
|
Vespers respons
|
Ivo ut exueret
tetra caligine mundum
doctrine accendit
lumen cum regula morum
lacte rigat parvos
pane cibat validos
|
Vespers verse
|
Omnes curat alit
iustificat vegetat
|
Vespers Q
|
1 decantemus hodie
laudes que continue
depromuntur in celis
ivonis memorie
continentes anime
conformemur angelis
2 thema laudis congruum
vivorum et mortuorum
data dominacio
rerum quoque omnium
celestium terrestrium
concessa subiectio
3 explicant illa ligna
pro ponte ecclesia
nimis curta producta
compulsa demonia
christi domicilia
linquencia et devicta
4 omne genus hominum
sed et subiugalium
et quam plura climata
requirunt suffragium
et eius presidium
quo sint sumministrata
5 ivo tui magnalia
leta chori preconia
extollunt ad superos
alumnosque nos cogita
infirmos tu nos visita
considera devotos
|
Vespers (gospel) special antiphon
|
Colletetur turba fidelium
dum sol christus ivonem radium
luminis dat in mundi gaudium
britannie in patrocinium
trecorie iuge presidium
cuius vita virtus suffragium
est salutis cunctis remedium
|
| |
Matins I
|
En ivonis sollemnia
coruscant per orbem
stemus in leticia
demus deo laudem
|
Matins antiphon 1
|
Impiorum sprevit consilia
peccatorum cavit itinera
pestilentum despexit studia
beatorum fulget in gloria
|
Matins antiphon 2
|
Ivo britonum gloria
floruit universis
bonis profuit gracia
fuit virga perversis
|
Matins antiphon 3
|
Quem hic christi gracia
suscepit in bonis
exultat in gloria
celestibus donis
|
Matins respons 1
|
Dulcis iusticie
bonis hic bona semina sparsit
hilaris fructus
patrum novalibus hausit
|
Matins verse 1
|
In agro lacrime
sed horreo gaudia metit
|
Matins respons 2
|
Hic sanctum corpus
animam sanctam quoque nactus
non carni vixit
octennis pugna probavit
|
Matins verse 2
|
Virgineum sertum
ivonem constat adeptum
|
Matins respons 3
|
Doctrinam moresque parat
evo iuvenili
construit ecclesias
ornans etate virili
|
Matins verse 3
|
Laurea doctorum
claret merito decoratus
|
Matins antiphon 4
|
Optata tribuit
sanctus hic omnia cum vult
ivo qui studuit
corde rogare deum
|
Matins antiphon 5
|
Hic de promissis
nihil ambigit omne dabit rex
optatum et meritis
gracia maior erit
|
Matins antiphon 6
|
Mirabilis christus
sancti mirabile nomen
fecit nam evidens
cunctis populis fuit omen
|
Matins respons 4
|
Dedit se christo
mundi quoque fastus abegit
erumnas populi
scelerumque crimina flevit
|
Matins verse 4
|
Carnis delicias
lascivas ipse fugavit
|
Matins respons 5
|
Officialatus
prefectus in auctoritate
servat iusticiam
cum mansueta veritate
|
Matins verse 5
|
Ius tribuit cunctis
pius egris asper iniquis
|
Matins respons 6
|
Actibus ivonis
christe fons luminis omnis
illuces populis
tenebrasque detrahis orbis
|
Matins verse 6
|
Quos docet hic de te
verbis meritis trahit ad te
|
Matins antiphon 7
|
A mundo mundus
et iusticias meditatus
monte dei sancto
scandere promeruit
|
Matins antiphon 8
|
Divinam vitam
semper es degere visus
deinceps divinum
consequeris premium
|
Matins antiphon 9
|
Ivonis sancti
precibus qui cuncta creasti
regno celesti
nos fac in fine beari
|
Matins respons 7
|
Presbyter hic sanctus
habitus est sic quoque dictus
binas ecclesias
successive bene rexit
|
Matins verse 7
|
Has verbo exemplo
subsidioque pavit
|
Matins respons 8
|
Hospes terrenus
celestes consulis aulas
civis ethereus
tu pacis nuncia portas
|
Matins verse 8
|
Tudgualum affatus
paradisi pignora gustas
|
Matins respons 9
|
Vixisti sancte
felix obis frueris+que
eternis premiis
fulgens preclarus utrisque
|
Matins verse 9
|
Semitis his rectis
nos ducis et protrahis ad te
|
| |
Lauds antiphon 1
|
Gracia divina
sanctum predestinat istum
quoque bone indolis
mirabilisque fuit
|
Lauds antiphon 2
|
Mater per spiritum
predixit hunc fore sanctum
claraque futura
produnt exordia pura
|
Lauds antiphon 3
|
Litteris imbutus
divis iurisque peritus
artibus adeptus
adiit omniscius
|
Lauds antiphon 4
|
Cuncta ecclesia tu+que
britannia francia tota
ivonis festo
lete benedicite deo
|
Lauds antiphon 5
|
Ivo pro meritis
celsus te spiritus omnis
laudat tuque tuum
glorifica dominum
|
Lauds (gospel) special antiphon
|
O spem miram quam dedisti
mortis hora te flentibus
dum valedicens dixisti
te profuturum gentibus
imple pater promisisti
nos tuis iuva precibus
et post te fac ope christi
frui cum celi civibus
|
| |
2nd Vespers (gospel) special antiphon
|
Felix ivo
quem sapiencia
dei patris
optavit filium
cuius sanctitatis
premittit gaudia
matris ori
dans vaticinium
cuius infancie
ipsa exordia
virtutum iam
sonat preludium
doctrine et operum
merita varia
prebent cunctis
splendidum radium
votorum precum+que
ipsa suffragia
cunctis cedunt
in patrocinium
et post vite
presentis studia
nos conducant
ad celi bravium
|
full office name: