| |
| |
Vespers antiphon 1
|
Gaude terra francie
presertim britannie
nobili progenie
que dedit ivonem
ut bonus fons rivulis
fundit aquas singulis
in salutem populis
et vite preconem
|
Vespers antiphon 2
|
Adherendo studiis
consortes ingeniis
precedens scienciis
perfectus reluxit
pauperum pupillorum
causas et orphanorum
gratis et miserorum
advocatus duxit
|
Vespers antiphon 3
|
Post hec factus presbyter
curatus viriliter
parochianis iter
docuit salutis
procuracionibus
et confessionibus
missis se dans omnibus
spernens penam cutis
|
Vespers antiphon 4
|
Ibat ipse pedester
quamvis posset equester
edocens librum esther
cum aliis bonis
per partes sic sunt gentes
senes adulescentes
crudes facti celibes
exemplis ivonis
|
Vespers antiphon 5
|
Post hec officialis
fuit bonis et malis
ita gratusque talis
numquam fuit visus
exhibens iusticiam
cuilibet propriam
sedando discordiam
rixas rixus tollit
|
Vespers respons
|
Vas consolator pauperum
blando vacuum iterum
plenum reperisti
ducentos per tempus carum
pauperes stans et amarum
tuque replevisti
septem panibus solidatis
cum non essent centum satis
per virtutem christi
ivo nos qui tue laudi
assistimus nunc exaudi
tales non liquisti
|
Vespers verse
|
Ut deus nos tua prece
liberos eterna nece
celi sedi sine fece
iubeat assisti
|
Vespers (gospel) special antiphon
|
Ultra quam dici potest felicius
beatus confessor ivo
helorius
celo gaudet superius
qui carnem maceravit
asperius
pauperes confortavit
benignius
ideo cum christo regnat
laureatus
|
| |
Matins I
|
Adoremus et laudemus
christum regem dominum
qui doctorem et preconem
ivonem dat hominum
|
Matins I 1.a
|
Eterno vero et vivo
deo regenti secula
iubilemus per quem ivo
operatur miracula
|
Matins antiphon 1
|
Iste sanctus non abiit
impiorum concilio
sed die nocte subiit
sacre legis eloquio
|
Matins antiphon 2
|
Hic a deo constitutus
sion in monte domini
predicavit et docuit
christi subdi nomini
|
Matins antiphon 3
|
Istum christus rex suscepit
exultans in gloria
et suum caput erexit
sibi prebens gaudia
|
Matins respons 1
|
Adest dies celebris
qua christus de tenebris
vocavit ivonem
pro victis illecebris
loco iusti federis
celi porcionem
|
Matins verse 1
|
Felici commercio
pro cursu in stadio
pugnans brevi spacio
percepit in premio
dei visionem
|
Matins respons 2
|
Pro cordis mundicia
et passa mesticia
aspicit in gloria
regem coronatum
|
Matins verse 2
|
Fames et penuria
cedunt at contraria
succedunt in patria
post hunc incolatum
|
Matins respons 3
|
Dispensans fideliter
commissum talentum
in dei servicio
non se fecit lentum
pauperibus prebuit
sepe instrumentum
et per hoc promeruit
sedem presidentum
|
Matins verse 3
|
Dum christo in paupere
prebet vestimentum
|
Matins antiphon 4
|
Nunc ergo sciant homines
quod ipsum mirificat
et ipsum inter angelos
dominus edificat
|
Matins antiphon 5
|
Hunc devote exorantem
non despexit dominus
nolentem iniquitatem
sed amantem equitatem
exaudivit protinus
|
Matins antiphon 6
|
Huius memor altissimus
devote visitavit
et non minus ab angelis
cito coronavit
|
Matins respons 4
|
Hunc exaltavit dominus
in plebe abiectum
per suum adiutorium
mandatis subiectum
pre ceteris pretulit
curatis electum
|
Matins verse 4
|
Quem in solitudine
cure iam perfectum
spiritali lumine
eius intellectum
illustrans aspiramine
inflammans affectum
|
Matins respons 5
|
Ad dei preconia
opera virtutum
fecit et sciencia
populum imbutum
et suis virtutibus
mundum fecit tutum
|
Matins verse 5
|
Mundanas divicias
contempsit et sprevit
eius amicicias
de corde delevit
et christi consilia
firmiter implevit
|
Matins respons 6
|
Hunc servum pre ceteris
dominus amavit
atque ipsum glorie
stola decoravit
et in horto patrie
clare coronavit
|
Matins verse 6
|
Induit eum dominus
veste nupciali
que sunt fides spes caritas
nam ornatu tali
intratur ad nupcias
cum sponso regali
|
Matins antiphon 7
|
Hic merito habitabit
dei tabernaculo
quia crimen evitavit
dum vixit in seculo
|
Matins antiphon 8
|
Isti deus tribuit
cordis desiderium
et internam dulcedinem
celi prebens premium
|
Matins antiphon 9
|
Innocens fuit manibus
et pius sanctis precibus
sic scandit ad dominum
patrem et fontem luminum
|
Matins respons 7
|
Hic mandata domini
numquam est transgressus
in ipsius requiem
iuste est ingressus
fruiturus gloria
messor indefessus
|
Matins verse 7
|
Fidelis servicio
humilis obsequio
utilis consilio
christi ministerio
firmos tenens gressus
|
Matins respons 8
|
Lumbos continencie
cingulo precinxit
luce sapiencie
populis illuxit
sic ardens interius
et lucens exterius
perfectus refulsit
|
Matins verse 8
|
Hinc secure potuit
sponsum expectare
cum christo dum adfuit
nupcias intrare
|
Matins respons 9
|
Confessor dulcissime
o ivo helori
adiutor cognomine
tu nostro corpori
nunc fervorem imprime
nostros hostes opprime
succurre labori
|
Matins verse 9
|
Filiis auxilium
fer dum in agone
sunt frustra remedium
datur vel consilium
iam facto temone
|
Matins Q
|
1 apparet in arduis
vivis atque mortuis
tua intercessio
curta ligna pro ponte
ipsa longita sponte
edocet mysterio
!Lingna [alt: ?]
2 non minus pro cathedrali
in templo sancti tudguali
sonant curta ligna
bipedum curtitudine
quattuor longitudine
longans laude digna
3 possessus a demonio
hunc terrente colloquio
laude plaudit sanus
multi defuncti nobiles
gaudent atque ignobiles
nunc vivi et manus
4 nautorum et summersorum
hominum et iumentorum
corda restaurata
liberati naufragiis
et extincti incendiis
per multa climata
5 narrant hoc deum laudantes
ivo cui affectantes
subsequi vestigia
ergo laudes deo vivo
concinat et tibi ivo
hec plebs cum leticia
|
| |
Lauds antiphon 1
|
Corregnat nunc cum domino
victurus sine termino
eius indutus decorem
cuius fuit pro modulo
semper imitatus morem
|
Lauds antiphon 2
|
Hic serviens leticia
deo iubilavit
ei viventem hostiam
pure ministravit
|
Lauds antiphon 3
|
Sitivit eius anima
ad te deum vivum
quem tamquam pater refovens
ad proprium sinum
|
Lauds antiphon 4
|
Benedixit te dominum
more puerorum
qui evaserunt camimum
flammam chaldeorum
|
Lauds antiphon 5
|
Hic tuis gratus graciis
te deum laudavit
quem tua clemens gracia
celis collocavit
|
Lauds (gospel) special antiphon
|
Qui domos ab incendiis
equos summersos fluviis
salvasti tuis pluviis
trans ignem fluxus noxios
huius secli et impios
ivo nos per actus pios
transfer celo innoxios
|
| |
2nd Vespers (gospel) special antiphon
|
Magnificant celi cives
deum per quem ivo dives
candidior quam sunt nives
est vestitus celo
post labores
et honores
secli et huic dant honores
magno cordis zelo
|
| |
Vespers (gospel) special antiphon .a
|
Ivo gestans pectore
christum crucifixum
macerato corpore
caritate fixum
locavit in ethere
spiritum enixum
|
| |
Matins respons .a1
|
Completo curriculo
temporalis status
est ivo de carcere
carnis liberatus
ad celestis glorie
regnum est translatus
|
Matins verse .a1
|
Pro fidei meritis
vocitatur iure beatus
|
| |
Lauds (gospel) special antiphon .a1
|
Ivo sancte cultor iusticie
novum iubar fulgens ecclesie
lux et decus gentis britannie
hic nos esse fac vite celice
|
Lauds (gospel) special antiphon .a2
|
Non talentum tumulavit
ivonis sollercia
sed lucrando reportavit
domino duplicia
|
| |
2nd Vespers (gospel) special antiphon .a
|
O ivo incola britannie
christi confessor beatissime
qui tuis meritis in celis
obtinuisti residere
ideo te deprecamur
ut pro tuis supplicibus
apud christum dominum
intercedas
|
full office name: