| |
| |
Vespers antiphon 1
|
Virga virens virtutibus
almus ramus britannie
in sanctorum splendoribus
ivo locatur hodie
|
Vespers antiphon 2
|
Plebis plaudat devocio
sublimato ivone
in sanctorum concilio
et congregacione
|
Vespers antiphon 3
|
Exortum est in tenebris
ivo lumen prefulgidum
qui fugatis illecebris
splendorem dedit humidum
|
Vespers antiphon 4
|
Humilis pauperibus
ivo sociatus
gaudet cum principibus
celi coronatus
|
Vespers antiphon 5
|
Omnes christi populi
deum honorate
et ivonis servuli
merita laudate
|
Vespers (gospel) special antiphon
|
Gaude mater ecclesia
plaude tota britannia
et trecorensis civitas
ivone decorata
per quem tot mirabilia
miracula eximia
creatoris activitas
est in te operata
|
| |
Matins I
|
Exultemus pariter
christo iubilantes
ivonis alacriter
laudes resonantes
|
Matins antiphon 1
|
In via non abiit
lata peccatorum
vir ivo sed tenuit
viam perfectorum
|
Matins antiphon 2
|
Mundi hic inania
non est meditatus
ivo ad celestia
totus inflammatus
|
Matins antiphon 3
|
Susceptor est dominus
incliti ivonis
caput eius terminus
exaltans coronis
|
Matins respons 1
|
Sacre scripture federe
cepit ivo contemnere
mundanum florem marcidum
et sursum corde cernere
non segniter sed propere
ad fructum celi sapidum
|
Matins verse 1
|
Cor eius valde fervide
in cursu nescit sistere
sed semper vult proficere
|
Matins respons 2
|
Pre arduo ieiunio
pro castitatis lilio
ivo corpus arctavit
circumtectum cilicio
et sic in carnis prelio
perfecte triumphavit
|
Matins verse 2
|
Nam fames et rebellio
devincitur et racio
in eo superavit
|
Matins respons 3
|
Septem diebus rapitur
divino iuramento
et tunc nullo reficitur
humano nutrimento
nam intus plene pascitur
celesti alimento
|
Matins verse 3
|
Ivo tunc alme alitur
et ad corpus deflectitur
virtus ex ligamento
|
Matins antiphon 4
|
Cum invocaret dominum
ivo vir devotus
in divinum silencium
reconditur totus
|
Matins antiphon 5
|
Verba dei auribus
populi pandebat
ivo quem operibus
ad deum trahebat
|
Matins antiphon 6
|
Ex ore infancium
ivo collaudatur
de morte surgencium
quo id impetratur
|
Matins respons 4
|
Moysi assimilatur
elie et eliseo
ivo per quem separatur
aqua magna dante deo
signo crucis quo miratur
famulus vadens cum eo
|
Matins verse 4
|
Via pontis reseratur
hinc et inde desiccatur
expresso christi tropeo
|
Matins respons 5
|
Igne fervens spiritali
vera dei caritate
signo crucis triumphali
ignem fugat pietate
ivo non vi corporali
sed divina potestate
|
Matins verse 5
|
Dono supernaturali
egit in materiali
ignis dura qualitate
|
Matins respons 6
|
Viri clausi exitum
ivo reseravit
futuri absconditum
clare prophetavit
et eius demeritum
ante propalavit
|
Matins verse 6
|
Lumen est insolitum
quo futurum volitum
hominis monstravit
|
Matins antiphon 7
|
In celi tabernaculo
ivo habitavit
cum de carnis vinculo
spiritus volavit
|
Matins antiphon 8
|
In virtute tua christe
eterne letatur
magnus ivo sanctus iste
et congloriatur
|
Matins antiphon 9
|
Innocens ivo manibus
mundissimus mente
gaudet cum sanctis omnibus
in glorie monte
|
Matins respons 7
|
Hic pietatis opera
ivo cuncta implevit
cum egenorum viscera
cibo potu replevit
et nuda horum corpora
indumentis complevit
|
Matins verse 7
|
Sepulchris tradens funera
et vivis domus federa
cetera adimplevit
|
Matins respons 8
|
Dum suis ivo manibus
panem prebet pauperibus
panis multiplicatur
et arca plena frugibus
collatis indigentibus
iterum cumulatur
|
Matins verse 8
|
Dispergens dans egentibus
de suis cunctis opibus
in celo lucrabatur
|
Matins respons 9
|
Ligna curta protenduntur
et precisa renascuntur
supra vim nature
subito dum promittuntur
cum ivoni conferuntur
ad opus structure
|
Matins verse 9
|
Florent sursum eriguntur
et ad statum reducuntur
primeve nature
|
| |
Lauds antiphon 1
|
Indutus est sanctus ivo
divinum decorem
et gustat de celi rivo
eternum dulcorem
|
Lauds antiphon 2
|
Ivonem presbyterum
cuncti exaltate
et pro dono operum
deo iubilate
|
Lauds antiphon 3
|
Ad tuam ivo gloriam
sitivit deus meus
sicut ad victoriam
fortis machabeus
|
Lauds antiphon 4
|
Ivo laude carminum
in vita beata
benedicit dominum
per cuncta creata
|
Lauds antiphon 5
|
In sanctorum ecclesia
laus sonet ivonis
qui sedet in gloria
in sanctorum thronis
|
Lauds (gospel) special antiphon
|
Celi gaudet rosarium
adventu nove rose
ivonis cuius folium
senarium
vite laboriose
transit ad septenarium
stipendium
corone gloriose
|
| |
2nd Vespers (gospel) special antiphon
|
Ivo prebens sacramenta
et salutis documenta
sibi dato populo
corde valde sedulo
populum purificat
et conducens per crementa
et virtutum ornamenta
dominum magnificat
|
full office name: