full office name: IUDOCUS (n2)
edition: AH 26 #50
calendar:December 13
structure summary: Vespers: E
Matins: IA3R3.A3
Q: A8R
poetic forms: Vespers: .l
Matins: l.l3{s,v,vo}l3
Q: v5gvi{o$} [”q]
type of saint: priest confessor hermit
geographical information:.Picardy, France
notes:hermit
priest
confessor
Persons: Iudoce Iudoci Iudocus Martinum Iudocum
Places: Pontivi

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Gemma sacerdotum
famulantum perfice votum
exue peccatis
iudoce gregando beatis
 
Matins I
De confessoris
resonat vox cordis et oris
iudoci meritis
hodie qui redditur astris
Matins antiphon 1
Ortu regalis
summo regi specialis
regna caduca fugit
iudocus et avia querit
Matins antiphon 2
Intrat pontivi
confinia melle superni
dogmatis imbutus
domino servire paratus
Matins antiphon 3
Dat panis quartas
christo sub paupere totas
respondit placidus
navalis copia donis
Matins respons 1
Sanctus dei seculum
spernens habitaculum
querit extra populum
quietis umbraculum
Matins verse 1
Nam turbe turbacio
fit orbis orbacio
palus in palacio
Matins respons 2
Vere pisces et pennata
victum querunt de sacrata
confessoris dextera
Matins verse 2
Feritatis sunt oblita
quevis animancia
Matins respons 3
Ducem sitis urit gravis
o quam deo vox suavis
orans cum fiducia
terra sentit violentum
dum percussa dat fluentum
sitis in remedia
Matins verse 3
Dignum deo veneratur
dux qui tantus comprobatur
Matins antiphon 4
Copia signorum
vexamen agit populorum
longius abscedit
coluber vetus in pede ledit
Matins antiphon 5
Ad sua vota locum
tandem reperit placiturum
inde petit romam
martinum viscere papam
Matins antiphon 6
Pape consultor
celle redit ad sua cultor
cece natura
cuius fit locio cura
 
Q antiphon 1
Veneremur veneranda
iudocum memoria
cuius instat celebranda
dies plena gracia
Q antiphon 2
Ex illustri vir sacratus
procedens origine
mente totus elevatur
morum fulsit culmine
Q antiphon 3
Mundi calcans et honorem
temporalem propere
paupertatis amatorem
se probavit opere
Q antiphon 4
Instar christi fugiendo
regis gubernacula
sprevit magis appetendo
deserti latibula
Q antiphon 5
Hinc sacerdos consecratus
sacris totus deditus
sacer mansit vir sacratus
sacra dote preditus
Q antiphon 6
In figura colubri
coluber antiquus
pedem dei famuli
momordit iniquus
Q antiphon 7
Multa passus ab eodem
per binum septennium
in totali pace tandem
diem clausit ultimum
Q antiphon 8
Signis in vita claruit
crebris et miraculis
morbus et languor paruit
viri dei virtutibus
Q respons
O celebrandum hodie
qui sic in terra fulserat
puella lota facie
aqua qua manus laverat
visus letatur specie
que ceca nata fuerat
Q verse
O christi compar in hoc miraculo
oppressis malis succurre sedulo